Ubutukilo 32:10 - Mukanda Wa Zambi 1970

¹⁰ Yami, kavumbi ke, ha kumona chize wangulwezele zango, ni chize wamanunwine yilakenyo yeswe yize wangulakenyene, kuyangutelele nihakepe. Nazaukile lwiji wa Yordau, te Chishi nichimwe ku moko, shina lukanda wami wika. Alioze haliabwila ngunahiluka ni mbunga jaali.

MUKANDA USANDU WA ZAMBI 1975

¹⁰ Ami chatelele, chipwe hakehe, utu wa zango lie ni umwenemwene we walweza kuli yami kuvumbi ke. Mumu nazaukile yono Yordau ni mulumbu wami, haliapwila hinapwa yendo yiali.

Ubutukilo 32:10 Iomraidhean Croise

Ubutukilo 18:27

Abrahama yamba nawa ngwenyi: “Lisesa mwanangana, nguchihanjike nawa yami mutu wamokomoko.

Ubutukilo 24:12

Mba mwe kavumbi yalemba Zambi ngwenyi: “Mwene Zambi ya mwata wami Abrahama, ngunaliumbu ungukwase kama musono uno ha kumanununa maliji waze wahanjikile ni mwata wami Abrahama.

Ubutukilo 24:27

ngwenyi: “Mwene Zambi wa mwata wami Abrahama afumane, mumu hamanununa yilakenyo yeswe yize alakenyene mwata wami. Hiwanguneha ndoo kuno ku limbo lia usoko wa mwata wami.”

Ubutukilo 28:13

Yamona nawa Mwene Zambi kanamana hakamwihi nikwamba ngwenyi: “Nguli Mwene Zambi, Zambi ya Abrahama ni Isake. Chifuchi chino unabombo mungukakwaha cho yena ni vungu lie.

Ubutukilo 28:15

Nyingika ngwe, mungukabwa hamwe ni yena kweswako muuya, mungukakuhilwisa nawa ku chifuchi chino. Chichi kakwehuka ndoo mungukamanununa yilakenyo yeswe yino nakulakenya.”

Ubutukilo 30:43

Mba Yakoba yabita chikolo. Yabwa ni yimuna yinji, ni ndungo anji a malunga ni a mapwo, ni tumelu ni yimbulu anji.

Ubutukilo 31:3

Mba Mwene Zambi yambila Yakoba ngwenyi: “Hiluka ku chifuchi cha tatenu ni usoko we. Mungubwa hamwe ni yena.”

Ubutukilo 32:5

Nguli ni ndungo a malunga ni a mapwo, ni ngombe, ni tumelu, ni mapanga, ni pembe. Nalemba mwane, ngunaliange kukutumina liji, ungutambule kama kanawa.’ ”

Ubutukilo 32:7

Yakoba yevwa woma unji, yalibikala. Yahandununa atu jenyi ni yimuna yenyi yeswe, mapanga, ni pembe, ni ngombe, ni tumelu, ha mbunga jaali jaali.

2 Samuel 17:24

Mwanangana David yaheta ku limbo lia Mahanaime ha shimbu lize te Absalome ni tujita twa Aisraele anazauka Yordau.

2 Samuel 7:18

Mwanangana David yanjila mu zuwo lia kuwayila lia makubu, yatwama hashi, yalemba ngwenyi: “Aa Mwene Zambi, yami iya, chibwe akwa jiko liami, mba hiwatuneha ndoo kuno?

Jobe 17:9

waze akwamba ngwo, kaali akwa mbunge jitoma, enoo anangumono yibi.

Jobe 8:7

Ubite uze Zambi makwaha, muukahiana uze wabwile nawo hatangu.

Miaso (Masamu) 16:2

Hinamba kuli Mwene Zambi ngwami: “Yena uli mwata wami, yiwape yeswe yize nguli nayo ya kuli yena.”

Miaso (Masamu) 18:35

Mwene Zambi, lukebwe we kakungulamwina; ku kufunga che hiwangupwisa mutu munene; ndundo je jinangufungu kanawa.

Miaso (Masamu) 61:7

Aa Zambi, ayule kama ku meso je ndoo ku miaka yeswe; mufunge kanawa ni umwenemwene we, ni zango lie lize kulishi kuhwa.

Miaso (Masamu) 8:5

Mumu hiunamupwisa kushi lia tunganda twa mwilu shimbu lipeke wika, hiunamwehe uhenya ni ulemu Wahiana.

Miaso (Masamu) 84:7

Muze akwenda mu jila kaakutakama kuhiana; mumu maamona Zambi ya mazambi ku mulundu wa Zione.

Miaso (Masamu) 85:10

Akwa zango ni akwa kushishika maabwa mu chifuchi, umwenemwene ni uhwimino muyibwa mo nawa.

Yishima 4:18

Jila ya akwa ululi yili ngwe kuvumbuka cha tangwa, kuliakutemuka hakepe hakepe ndoo tangwa mulisoloka liakulu.

Izaya 6:5

Yingwamba ngwami: “Lamba liami! Ngunafu! Mumu maliji jami eswe kaali abi, nakutwama mukachi ka atu waze akuhanjika maliji abi wika. Hindu hinamona ni meso jami mwe Mwanangana, Mwene Zambi Mukwa Ndundo Jeswe.”

Izaya 63:7

Mungwambujola zango lia Mwene Zambi lize kulishi kuhwa, mungumuhalisa ha yuma yeswe yize hanatulingila. Hanawahisa vungu lia Israele mumu ha keke yenyi ni zango lize kulishi kuhwa.

Mika 7:20

Kumuukalweza utu we ni zango lie lize kulishi kuhwa kuli atu je, vungu lia Abrahama ni Yakoba, ngwe chize walakenyene tushakulu twetu ku shakulu.

Luka 17:10

Chimuwika nawa ni yenu. Muze hinwalinga yize yeswe anwambile, ambenu ngwenu: ‘Tuli kwetu ngamba. Hitwalinga lume chize chatutamba kulinga.’ ”

Luka 5:8

Ha kuchimona, Simone Petulu yafulamana ku molu ja Yesu nikwamba ngwenyi; “Mwene ngukatuke mumu nguli Chivulumunyi!”

2 Korintu 12:11

Ngunahanjika ngwe chihepuke, alioze yenu nwangushinjika kuchilinga. Yenu chanutamba kunguchichimieka, mumu, chibwe nguli wamokomoko, hi nguli mulelu ko kuhiana tunganda twenu alemu.

Shimbi 8:18

Iwulukenu ngwenu Mwene Zambi, Zambi yenu, mwe wakunupwisa pichi. Halinga chino mumu ndoo ni musono kakufunga Usendo uze akolesele ni tushakulu twenu.

1 Petulu 5:5

Chimuwika nawa, ni yenu akweze, Zeyelenu kuli makulwana jenu. Ni yenu eswe likehesenu ha kulilingila ni akwenu. Mumu Mukanda wa Zambi unambe ngwo: “Zambi kakulimika ni akwa kulengumuka, alioze kakulweza utu kuli akwa kulikehesa.”