Ubutukilo 31:48 - Mukanda Wa Zambi 1970

⁴⁸ Labane ngwenyi: “Chingina chino cha mawe muchibwa ni kutwiwulula uwanyino uno.” Kashika atu akuvuluka homa haze ngwo, Galeede.

MUKANDA USANDU WA ZAMBI 1975

⁴⁸ Lapane yamba ngwenyi, Chilunjika chino chikapwe chinyingi hakachi ka yami ni yena musono. Kashika jina liaho yaliluka, Ngalite.

Ubutukilo 31:48 Iomraidhean Croise

Ubutukilo 21:30

Abrahama ngwenyi: “Tambula ana mapanga wano a yihwo ha kunyingika ngwe, yami Abrahama nafulile shima lino lia meya.”

Ubutukilo 31:23

Labane yanda usoko wenyi, yakaula Yakoba matangwa shimbiali, mba yamuwana ha milundu ya Gileade.

Shimbi 2:36

Mwene Zambi, Zambi yetu, yatutayiza kutambula membo eswe chize ku Aroere, hehi ni chikulo cha Arnone ni limbo lia mukachi ka chikulo, ndoo ku Gileade. Limbo nilimwe liabwile ni chipanga chize kutwahashile kububa.

Shimbi 3:16

Ku mavungu ja Rubene ni Gade yingwaaha chifuchi cheswe, chize ku Gileade ndoo ku lwiji Arnone. Mukachi ka lwiji yoze mwe mwabwile njiza ya ku sude; njiza ya ku norde te lwiji Jaboke. Chihanda cha lwiji Jaboke chabwile nawa njiza ya Amone.

Yoshua 22:27

alioze muchibwa, chinyingi mumu hali ana jenu ni ana jetu, ni waze maakasemuka kulutwe akanyingike ngwo, chamwenemwene twakuwayila Mwene Zambi ku zuwo lia chijila ni yawana yetu ni milambu yetu ya kwocha ni ya kulivwa ni Zambi. Nyi ka, ana jenu maakatwamba ngwo: ‘Kunushi kuliendela nichimwe ni Mwene Zambi.’

Yoshua 22:28

Tunakanyonga ngwetu, nyi muchikabwa Chenacho ana jetu maakahasa kwamba ngwo: ‘Talenu! Tushakulu twetu haanatungu chilumbilo chino nikulifwa ni chize cha Mwene Zambi. Kuchabwile ko chilumbilo cha kulambwila milambu ya kwocha hanji ya yawana, alioze te chinyingi mumu hali ana jenu ni ana jetu.’

Yoshua 22:34

Atu ja Rubene ni Gade yaamba ngwo: “Chilumbilo chino chili chinyingi kuli yetu eswe ngwo, Mwene Zambi, kali Zambi.” Mba yaachiluka jina ngwo: “Shindakenyo.”

Yoshua 24:27

Yambila atu ngwenyi: “Talenu luliwe luno mulubwa chela hakachi ketu. Hilwevwa maliji eswe waze Mwene Zambi hatwamba. Kashika mulubwa chela cha kulimika ni yenu, nyi ka, munulimika ni Zambi yenu.”

Akwa Kuyula 10:3

Muze Tola hafwa, yikwiza Jaire wa ku chifuchi cha Gileade. Yayula Aisraele miaka makumi aali ni yaali.