Ubutukilo 31:42 - Mukanda Wa Zambi 1970

⁴² Nyi Zambi ya atata, Zambi ya Abrahama ni ya Isake, kabwile ko hamwe ni yami, kachi mwe mokomoko lume unakanguhanga. Alioze Zambi yamona lamba liami, ni kuhondangana chami. Kashika wakukumikanga ufuku wa musono.”

MUKANDA USANDU WA ZAMBI 1975

⁴² Nyi kachi Zambi ya tata, Zambi ya Apalahama, woma wa Izake, kachi kapwile ni yami, pundu kachi wanguhumine mokomoko. Zambi hanamono lamba liami ni kuhondangana cha moko jami mba kakuhisanga musono.

Ubutukilo 31:42 Iomraidhean Croise

Ubutukilo 11:5

Hohene Mwene Zambi yahulumuka akamone lie limbo ni ye ndalo.

Ubutukilo 16:11

Muukasema mwana wa lunga, ukamuluka ngwe: Ishmaele, mumu Mwene Zambi hevwa kulila che,

Ubutukilo 16:13

Hagare ngwenyi: “Ayenwe! Kuma hinamona Zambi, hindu nguchili ni mwono, nyi?” Mba yaluka Mwene Zambi, yoze te anahanjika nenyi, jina ngwenyi, “Zambi Yoze Wakumona.”

Ubutukilo 27:33

Isake yabutuka kuchikima nganganga, ngwenyi: “Mba iya yoze wangushihila yifwo, hangunehena yo kuno? He haliabwila lume nayilia muze kanda uchiheta! Mba hinamuwahisa kulu. Kumakawaha ndoo ku miaka yeswe, chahashile kuchichiza nawa.”

Ubutukilo 29:32

Leya yaka ufumba, yasema mwana wa lunga. Leya yamba ngwenyi: “Mwene Zambi hamona luyinda wami, haliabwila mukwetu lunga manguzanga kama.” Kashika yamuluka jina ngwenyi, Rubene.

Ubutukilo 31:12

Kanganda ngwenyi: ‘Makuji a pembe waze akunyina hali yihwo eswe kaali a yihesa yihesa, ni a yibeka yibeka, ni a mioli mioli. Yami kanganda ngunalingi chino mumu hinamona yize yeswe anakulingi Labane.

Ubutukilo 31:24

Ha ufuku uze Labane yalota chilota. Zambi yamwamba ngwenyi: “Kanyama! Kanda umwesa Yakoba lamba.”

Ubutukilo 31:29

Te ngunahase kukulinga chibi, alioze ufuku wa musono Zambi ya tatenu yangulweza ngwenyi: ‘Kanyama! Kanda umwesa Yakoba lamba.’

Ubutukilo 31:5

Yaalweza ngwenyi: “Hinamona ngwe tatenu halumuka, keshi nawa ngwe chize abwile hatangu. Alioze Zambi ya tata kali hamwe ni yami.

Ubutukilo 31:53

Zambi ya Abrahama ni Zambi ya Nahore matubatwila.” Mba Yakoba yalishinga ni jina lia Zambi yoze akuwayila tato Isake.

Ubutukilo 32:9

Hohene yalemba ngwenyi: “Zambi ya kaka Abrahama ni tata Isake, ngwivwe kama. Yena Mwene wami wangwambile nguhiluke ku chifuchi chami, ni kuli usoko wami, mba muukanguwahisa.

Ubutukilo 35:3

Tukatukenu tuyenu ku Betele. Kwenako mutukatungila chilumbilo ha kuwayila Mwene Zambi yoze wanguvwile ha tangwa lia lamba, wangufungile kanawa kuma kweswe te nakuya.”

Ubutukilo 46:1

Israele yakasa yuma yenyi yeswe, mba yaya ku limbo lia Bersheba. Yalambwila ko Zambi ya tato Isake milambu.

1 Sango Ja Mianangana 12:17

David yaya ni kwabatwiza, yaamba ngwenyi: “Nyi nuneza kuli yetu ngwe masepa ni kutukwasa, tweyenu kanawa hanga tulichinge! Alioze nyi nuneza hanga nungukunjike kuli akwa kole jami, chibwe chanulingile chibi nichimwe, Zambi ya tushakulu twetu machinyingika, ni maanumwesa lamba.”

Miaso (Masamu) 31:7

Munguwahilila ni kulikwiza, mumu ha zango lie lize kulishi kuhwa. Unamono luyinda wami, Unanyingika lamba liami.

Kutuhuka 3:7

Mwene Zambi ngwenyi: “Hinamona chize atu jami anamono lamba mu chifuchi cha Egiptu. Hinevwa chize analili ku moko ja akwa lutwe jo, akwa Egiptu waze akwaaha milimo. Ngunanyingika lamba lio lieswe.

Izaya 8:13

Iwuluka ngwe, yami Mwene Zambi Mukwa Ndundo Jeswe, nguli munangi, nguli yoze Chakutamba kuvwila woma.

Daniel 2:23

Aa Zambi ya tushakulu twetu, ngunakusakwilila, ngunakufumanyisa; hiwakumbulula ku kulemba chami, hiwatulweza chize chatamba kulumbunwina mwanangana.”

Shimbi 15:13

Alioze kanda ukamutusula mokomoko.

Yuda 1:9

Chibwe Mikele, kanganda wa lutwe wa mwilu, muze alihamikine ni Sakwonga hakutwala ku mujimba wa Mose, kahamukine ko kumushililika, alioze yamba ngwenyi: “Mwene Zambi akukande!”