Ubutukilo 31:34 - Mukanda Wa Zambi 1970

³⁴ Kuma Rashele te hasweka mahamba ja tato mu tuku ya musau wa kamelu, mba yatwama ho. Labane yabolongoza chinji mu zuwo lia Rashele, alioze kamwene ko nichimwe.

MUKANDA USANDU WA ZAMBI 1975

³⁴ Rakele iye te handa mahamba, haasweka mu seleyi ya kamelu, yatwamaho. Lapane yapolongoza mweswe mu mbalaka, kaawanyine.

Ubutukilo 31:34 Iomraidhean Croise

Ubutukilo 31:17

Chenacho Yakoba alilulikile ha kuhiluka kuli tato mu chifuchi cha Kanana. Labane te haya ni kukamba mapanga jenyi. Mba Rashele yeya mahamba ja tato. Yakoba yanda yimuna yenyi yeswe ni yuma yeswe yize abichile mu chifuchi cha Mesopotamia. Yasa ana jenyi ni akwo mapwo ha tumelu, yaatetekesa kulutwe lienyi. Mba iye mwene yaakaula, yachina ni yuma yenyi yeswe. Yakatuka, yazauka lwiji Ufrateze, yatalikisa ku milundu ya Gileade. Chenacho Yakoba asewunukine natu Labane.

Ubutukilo 31:33

Mba Labane yanjila mu zuwo lia Yakoba, yanjila nawa mu zuwo lia Leya, ni mu mazuwo ja ndungo waze aali a mapwo, alioze kamwene ko mahamba jenyi. Mba yanjila mu zuwo lia Rashele.

Ubutukilo 31:35

Rashele yambila tato ngwenyi: “Lisesa tata, kanda nungutenukina mwane. Chahashile kukatuka ku meso jenu mumu chisolo kuhinduka.” Ha chino Labane yafupa kuhiana, hindu kamwene ko mahamba jenyi.

Hosea 3:4

Kulumbunuka ngwo, Aisraele matangwa anji maakabalika, maakahona mianangana ni akwa kuyula, chibwe milambu, hanji tumenga a mawe, chibwe mahamba, hanji ngombo.

Alevi 15:9

Yitwamo yeswe haze mukwa musongo anatwama, muyibwa ya luchisa.

Akwa Kuyula 18:24

Mika yaakumbulula ngwenyi: “Kuchi nunanguhula ngwenu: ‘Kuchi kwabwa?’ Hinwanda hako yami ni mahamba jami, hinwaya no. Mba chika nasala nacho?”

1 Samuel 15:23

Kukolema Shimbi ya Zambi chili ngwe kupanda wanga, ni kulengumuka chili ngwe kukombelela mahamba. Muze hiwalituna Shimbi ya Mwene Zambi, neye halituna yena kubwa mwanangana.”