Ubutukilo 31:30 - Mukanda Wa Zambi 1970

³⁰ Ngunanyingika ngwami, wakatuka mu zuwo liami mumu hiwevwa usona wa tatenu, alioze kuchi mba unakeya mahamba jami?”

MUKANDA USANDU WA ZAMBI 1975

³⁰ Chikwo nawa, chipwe chakutamba kuya mumu usona wunji uli nawo wa zuwo lia tatenu, alioze kuchi te unakeya mahamba jami?

Ubutukilo 31:30 Iomraidhean Croise

Ubutukilo 31:31

Yakoba ngwenyi: “Ngunakevwa woma ha kunulweza ngwami, ngunayi, mumu yingunyonga ngwami, hanji munutambula ana jenu ni tachi.

Ubutukilo 35:2

Mba Yakoba yambila akwa zuwo lienyi ni waze eswe abwile hamwe nenyi ngwenyi: “Mbilenu mahamba a yilambala waze nuli no hakachi kenu, chizenu manyonga eswe abi a mu mbunge jenu, nuzale mahina aha.

2 Samuel 5:21

Muze Afilistia haachina, yaahichika mahamba jo. Mba David ni tujita twenyi yaambata.

Kutuhuka 12:12

“Ha ufuku uze mungubalika mu chifuchi cha Egiptu, mungushiha mwana lunga mweswe mutangu, wa atu ni tushitu. Mungubatwila mazambi eswe a Egiptu, yami nguli Mwene Zambi.

Izaya 37:19

hanocho mazambi jo waze te hi mazambi ko, shina lume mahamba a mitondo ni mawe a kusonga ni moko ja atu.

Jeremia 10:11

(Yenu chanutamba kulweza atu ngwenu, mazambi waze kaatangile ko hashi ni malilu kumaakonona. Keechi kalinduluka hano hashi.)

Jeremia 43:12

Mungukocha mazuwo ja mazambi ja akwa Egiptu; mwanangana wa Babilonia neye kumakocha mahamba jo hanji kuya no. Ngwe chize kafunga akuchiza yina ku mahina jenyi, Chenacho mwanangana wa Babilonia makalinga ku chifuchi cha Egiptu, makabwa mukwa kukumba.

Ezekiel 21:21

Mwanangana wa Babilonia kanamanyina ku mutondo wa yinyingi ha makano. Ha kunyingika jila yize chamutamba kuya, kananyikisa mivwi yenyi, kanatahe; kanatale ku liayi lia kashitu yoze halambula mulambu.

Kwalula 10:30

Hobabe yakumbulula ngwenyi: “Ka, yami ngunahiluka ku chifuchi chami, kuli usoko wami.”

Kwalula 33:4

muze to akwa Egiptu anafundu ana jo atangu waze Mwene Zambi ashihile. Ha kulinga chino, Mwene Zambi yaalweza ngwenyi, ndundo jenyi jinahiana jize ja mazambi a mu Egiptu.

Yoshua 24:2

Yoshua yaamba ngwenyi: “Mwene Zambi, Zambi ya Aisraele, kanambe chino ngwenyi: ‘Mwakawali tushakulu twenu te kaatwama musali lia lwiji Ufrateze ni kuwayila mazambi eka. Umuwika hakachi ko jina lienyi Tera, tato ya Abrahama ni Nahore.

Akwa Kuyula 18:17

Ngendeshi atano yaanjila mu zuwo, yaanda chikuto cha uhako, ni hamba wa prata, ni mahamba akwo, muze te hako anamana ku chikolo hamwe ni tujita.

Akwa Kuyula 18:24

Mika yaakumbulula ngwenyi: “Kuchi nunanguhula ngwenu: ‘Kuchi kwabwa?’ Hinwanda hako yami ni mahamba jami, hinwaya no. Mba chika nasala nacho?”

Akwa Kuyula 6:31

Alioze Joashe yambila eswe waze akungulukile ni kulimika nenyi ngwenyi: “Kuma yenu nunahakwila Bale, nyi? Nunazange kumukwasa, nyi? Mweswawo mamuhakwila chatamba kumushiha shimbu kanda kucha. Nyi Bale kali umwe Zambi, mwechenu alihakwile iye mwene, mumu chili chilumbilo chenyi chize habuzula.”