Ubutukilo 31:24 - Mukanda Wa Zambi 1970

²⁴ Ha ufuku uze Labane yalota chilota. Zambi yamwamba ngwenyi: “Kanyama! Kanda umwesa Yakoba lamba.”

MUKANDA USANDU WA ZAMBI 1975

²⁴ Alioze Zambi yeza kuli Lapane Ka-Seria mu chilota ha ufuku, yamba kuli iye ngwenyi, Ukanyama, kanda uhanjika kuli Yakomba hanji chipema hanji chipi.

Ubutukilo 31:24 Iomraidhean Croise

Ubutukilo 20:3

Ha ufuku Zambi yalisolola kuli Abimeleke mu chilota. Yamulweza ngwenyi: “Kumuufwa mumu hiwatambula pwo lia mbala.”

Ubutukilo 20:6

Mwene Zambi yamukumbulula mu chilota ngwenyi: “Ewa, ngunanyingika ngwami, wachilinga ni mbunge yibema. Yami chakutayijile ngwami, ulinge yibi ku meso jami, kashika chakuhele jila ha kumukwata.

Ubutukilo 24:50

Labane ni Betuele yaamukumbulula ngwo: “Chuma chino cha kuli Mwene Zambi iye mwene, yetu kutushi ni chize mutwamba.

Ubutukilo 28:5

Isake yatuma Yakoba ku chifuchi cha Mesopotamia, maha Labane, mwana wa Betuele. Mwe Betuele te wa ku vungu lia Arame. Labane mwe ndumbwa Rebeka, naye ya Esau ni Yakoba.

Ubutukilo 31:10

“Ha shimbu lize yimuna te akunyina, nalotele chilota. Namona ngwe kuji a pembe waze te akunyina hali yihwo kaali a yihesa yihesa, ni a yibeka yibeka, ni a mioli mioli.

Ubutukilo 31:11

Mba kanganda ka mwilu yangulweza mu chilota chami ngwenyi: ‘Yakoba!’ Ngwami: ‘Ewa mwane.’

Ubutukilo 31:23

Labane yanda usoko wenyi, yakaula Yakoba matangwa shimbiali, mba yamuwana ha milundu ya Gileade.

Ubutukilo 31:25

Labane yawana Yakoba hajika zuwo lienyi lia makubu ha milundu ya Gileade. Labane ni usoko wenyi no yaajika mazuwo jo ha milundu yizeyene.

Ubutukilo 31:29

Te ngunahase kukulinga chibi, alioze ufuku wa musono Zambi ya tatenu yangulweza ngwenyi: ‘Kanyama! Kanda umwesa Yakoba lamba.’

Ubutukilo 31:42

Nyi Zambi ya atata, Zambi ya Abrahama ni ya Isake, kabwile ko hamwe ni yami, kachi mwe mokomoko lume unakanguhanga. Alioze Zambi yamona lamba liami, ni kuhondangana chami. Kashika wakukumikanga ufuku wa musono.”

Ubutukilo 31:7

Alioze hangwonga, hanalumuna fweto yami yisuho kumi. Hindu Zambi kamutayijile ha kungulinga yibi.

Ubutukilo 40:5

Limwe tangwa, mu zuwo lia lamba, mwata wa akwa kukela vinyu ni mwata wa akwa kwocha mbolo yaalota yilota.

Ubutukilo 41:1

Yikubalika miaka yaali, mwanangana mba yalota chilota. Yamona ngwe kanamana ku mbumbulu ya lwiji Nile.

2 Samuel 13:22

Absalome yavutwokela Amnone kuhiana, mumu walimwene ni ndumbwenyi Tamara ni tachi, kashika te keshi kumuhanjikisa nawa.

1 Yitanga Ya Mianangana 3:5

Ha ufuku uze Mwene Zambi yamusolokela mu chilota, yamuhula ngwenyi: “Chika unazange ngukwehe.”

Jobe 33:25

Mujimba wenyi muwalumuka nawa ngwe chize abwile mu wanuke, kumatakama nawa.

Izaya 37:29

Hingunatambula sango ja ufwatulo we ni kulengumuka che. Haliabwila mungusa lowa mu zulu lie ni lwoji wa utale mu kanwa lie, mungukuhilwisa mu jila yizeyene wejilile.”

Hosea 12:12

Kashakulu kenu Yakoba yachinyina ku chifuchi cha Mesopotamia. Kwenako alingilile mutu mukwo, yafunga mapanga hanga amwehe pwo.

Kwalula 12:6

Mwene Zambi yaamba ngwenyi: “Haliabwila banjikenu chize ngunambe! Muze nuli ni akwa munanyi mukachi kenu, nakusoloka kuli ayo mu Usolwelo ni kuhanjika no mu yilota.

Kwalula 22:20

Ha ufuku Zambi yeza kuli Balame yamwamba ngwenyi: “Atu wano nyi heeza ni kukusaka hanga uye no, alioze Ulinga lume chize mungukulweza.”

Kwalula 22:26

Kanganda ka mwilu yaya nawa kulutwe, yamana homa hakepe haze chimbulu kechi kuhasa kubalikila ku chindume hanji ku chimeso.

Kwalula 24:13

chibwe ungwehe prata ni oru yeswe ya mu zuwo lie lia wanangana, chahashile kukolema maliji a Mwene Zambi ha kulinga chimwe Chuma ukawami. Munguhanjika lume chize Mwene Zambi mangulweza.”

Mateu 1:20

Shimbu lize achinyongene, kuma kanganda ka mwilu yamusolokela mu chilota. Yamwamba ngwenyi: “Josefe, wa ku vungu lia David, kanda wivwa woma ha kumbata mukwenu pwo Maria, mumu chize chinaseseka muli iye chili cha Mwiku wa Linanga.

Mateu 2:12

Zambi yaatoweza mu chilota ngwenyi, kanda ahiluka maha Herode. Kashika, yaaya jila yeka nikuhiluka ku chifuchi cho.

Mateu 27:19

Shimbu te Pilatu machitwama ha chitwamo cha ubatwilo, mwazovu wenyi yamutumina liji ngwenyi: “Kanda Ulinga nichimwe kuli yono mukwa ululi, mumu ufuku wa musono nabindanga kuhiana mu chilota hakutwala kuli iye.”

Shimbi 26:5

Mba kwe ku meso ja Mwene Zambi muhanjika maliji wano ngwe: ‘Kashakulu kami kabwile Kaaramea, mukwa kwendangana ni chilambala, yatwala akwa jiko lienyi ha kutwama mu chifuchi cha Egiptu. Muze ayile ko te achili mbunga yikepe, alioze yiwookesa kuhiana ni yiwaapwisa vungu lia tachi.