Ubutukilo 31:11 - Mukanda Wa Zambi 1970

¹¹ Mba kanganda ka mwilu yangulweza mu chilota chami ngwenyi: ‘Yakoba!’ Ngwami: ‘Ewa mwane.’

MUKANDA USANDU WA ZAMBI 1975

¹¹ Mba mungelo wa Zambi yamba kuli yami mu chilota chami ngwenyi, Yakomba. Ami namba ngwami, Yami uno.

Ubutukilo 31:11 Iomraidhean Croise

Ubutukilo 18:1

Mwene Zambi yasolokela Abrahama homa ha kuwayila ku Mamre ku mitondo shene. Tangwa ha muchima Abrahama te kanatwama mu chikolo cha zuwo lienyi lia makubu,

Ubutukilo 18:17

Mwene Zambi yalihanjikisa ngwenyi: “Mala, ngunahase kuswekela Abrahama chize ngunambe kulinga, nyi?

Ubutukilo 22:1

Kulutwe lia amwe matangwa Zambi yeseka Abrahama. Yamutambika ngwenyi: “Abrahama!” Abrahama ngwenyi: “Ewa, mwane.”

Ubutukilo 22:11

Alioze kanganda ka Mwene Zambi yatambika ngwenyi: “Abrahama, Abrahama!” Iye ngwenyi: “Ewa mwane.”

Ubutukilo 22:15

Kanganda ka Mwene Zambi yatambika Abrahama chisuho cha muchaali ngwenyi:

Ubutukilo 31:10

“Ha shimbu lize yimuna te akunyina, nalotele chilota. Namona ngwe kuji a pembe waze te akunyina hali yihwo kaali a yihesa yihesa, ni a yibeka yibeka, ni a mioli mioli.

Ubutukilo 31:13

Nguli Zambi yoze wakusolokelele ku Betele, haze wamikine chingina ni kuhinjila ho maji, homa haze wangulakenyene. Kashika tuhuka mu chifuchi chino, hiluka ku chifuchi che kuze wasemukinyine.’ ”

Ubutukilo 31:24

Ha ufuku uze Labane yalota chilota. Zambi yamwamba ngwenyi: “Kanyama! Kanda umwesa Yakoba lamba.”

Ubutukilo 31:5

Yaalweza ngwenyi: “Hinamona ngwe tatenu halumuka, keshi nawa ngwe chize abwile hatangu. Alioze Zambi ya tata kali hamwe ni yami.

Ubutukilo 37:5

Limwe tangwa Josefe yalota chilota, yachawila ayayo. Kashika yamuvutwokela kuhiana hatangu.

Ubutukilo 46:2

Ha ufuku Zambi yambila Israele mu chilota ngwenyi: “Yakoba, Yakoba!” Neye ngwenyi: “Ewa, mwane.”

Kutuhuka 3:4

Muze Mwene Zambi hamona ngwenyi, Mose kanakundama ko, yamutambika mukachi ka chibuta ngwenyi: “Mose! Mose!” Iye ngwenyi: “Ewa mwane.”

Izaya 58:9

Muze munulemba, mungunukumbulula. Muze munungutambika, mungutaya. “Nyi nwecha kubinjisa, ni kusaula, ni maliji eswe a ungulungulu;

Kwalula 12:6

Mwene Zambi yaamba ngwenyi: “Haliabwila banjikenu chize ngunambe! Muze nuli ni akwa munanyi mukachi kenu, nakusoloka kuli ayo mu Usolwelo ni kuhanjika no mu yilota.

Mateu 27:19

Shimbu te Pilatu machitwama ha chitwamo cha ubatwilo, mwazovu wenyi yamutumina liji ngwenyi: “Kanda Ulinga nichimwe kuli yono mukwa ululi, mumu ufuku wa musono nabindanga kuhiana mu chilota hakutwala kuli iye.”

1 Samuel 3:16

Alioze Eli yamutambika ngwenyi: “Mwanami Samuel!” Samuel ngwenyi: “Vulie mwane.”

1 Samuel 3:4

Mwene Zambi yatambika Samuel. Neye yakumbulula ngwenyi: “Ewa mwane.”

1 Samuel 3:6

Mwene Zambi yatambika nawa ngwenyi: “Samuel.” Neye yahinduka, yaya nawa kuli Eli nikwamba ngwenyi: “Vulie tata! Yenu nwangutambika, yami uno.” Alioze Eli ngwenyi: “Mwanami, chakutambikile kwami. Yako kwe ubombe.”

1 Samuel 3:8

Mba Mwene Zambi yamutambika nawa chisuho cha muchitatu. Samuel yahinduka, yaya kuli Eli ni kwamba ngwenyi: “Vulie tata! Yenu nwangutambika, yami uno.” Mba Eli yanyingika ngwenyi, kuma Mwene Zambi mwe unatambika mwana.