Ubutukilo 30:32 - Mukanda Wa Zambi 1970

³² Musono mungubalika mukachi ka yimuna ye yeswe, mba mungusakula pembe mweswe wa yibeka yibeka ni wa yihesa yihesa ni panga mweswe mulaa. Eno ngunechi, ye muyibwa fweto yami.

MUKANDA USANDU WA ZAMBI 1975

³² Mungupalika hakachi ka yimuna je musono nikusakula waze eswe a yipekayipeka ni a yihesayihesa, ni mapanga alá, ni pembe a yipekayipeka ni a yihesayihesa. O mapwa fweto yami.

Ubutukilo 30:32 Iomraidhean Croise

Ubutukilo 30:31

Labane yahula nawa ngwenyi: “Kuchi unazange ngukufwete?” Yakoba ngwenyi: “Chazangile mbongo. Mungufunga nawa yimuna ye, nyi watayiza maliji waze ngunahanjika.

Ubutukilo 30:33

Ha matangwa a kulutwe mba muukanyingika nyi ngunakakwonga. Muze muukeza nikutala yimuna ya yami, nyi wamona umwe pembe keshi yibeka yibeka ni yihesa yihesa hanji panga mulaa, mba muunyingika ngwe, kuma nguli mwiji.”

Ubutukilo 30:35

Alioze tangwa lioliene Labane yaya ni kusakula pembe a yibeka yibeka ni a yihesa yihesa, yachiza nawa mapanga eswe alaa, yaakunjika ku moko ja ana jenyi a malunga ha kwafunga.

Ubutukilo 31:10

“Ha shimbu lize yimuna te akunyina, nalotele chilota. Namona ngwe kuji a pembe waze te akunyina hali yihwo kaali a yihesa yihesa, ni a yibeka yibeka, ni a mioli mioli.

Ubutukilo 31:8

Muze ambile ngwenyi: ‘Pembe a yibeka yibeka maabwa fweto ye,’ mba pembe eswe yaasema ana a yibeka yibeka. Muze ambile ngwenyi: ‘Pembe a yihesa yihesa maabwa fweto ye,’ mba pembe eswe yasema ana a yihesa yihesa.