Ubutukilo 30:26 - Mukanda Wa Zambi 1970

²⁶ Ngwehe akwetu mapwo ni ana jami waze nakulingililile milimo. Ngweche nguye kwami. Yena mwene unanyingika milimo yize hinakulingila.”

MUKANDA USANDU WA ZAMBI 1975

²⁶ Penu mapwo jami ni ana jami aze naalingilile milimo, ungweche. Mumu unanyingika milimo hingunakulingila.

Ubutukilo 30:26 Iomraidhean Croise

Ubutukilo 29:18

Yakoba yazanga Rashele kuhiana, kashika yalweza Labane ngwenyi: “Mungukulingila miaka shimbiali hanga ngukambate mwane wa kanuke, Rashele.”

Ubutukilo 29:30

Mba Yakoba yambata Rashele. Te kakuzanga Rashele kuhiana Leya. Yalingila nawa Labane miaka yikwo shimbiali.

Ubutukilo 31:26

Labane yambila Yakoba ngwenyi: “Kuchi unakangwonga chichize ni kwombola ana jami a mapwo ngwe funge waze hiwakwata mu jita?

Ubutukilo 31:31

Yakoba ngwenyi: “Ngunakevwa woma ha kunulweza ngwami, ngunayi, mumu yingunyonga ngwami, hanji munutambula ana jenu ni tachi.

Ubutukilo 31:6

Yenu nunanyingika ngwenu, nalingilile tatenu ni tachi jami jeswe.

Hosea 12:12

Kashakulu kenu Yakoba yachinyina ku chifuchi cha Mesopotamia. Kwenako alingilile mutu mukwo, yafunga mapanga hanga amwehe pwo.