Ubutukilo 30:25 - Mukanda Wa Zambi 1970

²⁵ Muze Rashele hasema Josefe, Yakoba yambila Labane ngwenyi: “Ngutayize hanga nguye ku mahietu ku chifuchi chami.

MUKANDA USANDU WA ZAMBI 1975

²⁵ Mba muze Rakele hasema José, Yakomba yamba kuli Lapane ngwenyi, Ungweche nguye ku chijima chami, ku chifuchi chami.

Ubutukilo 30:25 Iomraidhean Croise

Ubutukilo 18:33

Muze Mwene Zambi hamanununa kuhanjika ni Abrahama, yaya kwenyi. Mba Abrahama yahiluka ku mahienyi.

Ubutukilo 24:54

Mba kavumbi ka Abrahama ni atu jenyi waze ejile nenyi, yaalia, yaanwa, mba yaaya ni kubomba. Chichamene muze haahinduka, mwe kavumbi yamba ngwenyi: “Tushikenu tuye kuli mwata wetu.”

Ubutukilo 24:56

Alioze mwe kavumbi ngwenyi: “Nalemba mala, kanda nutukwika. Mwene Zambi hawahisa wenyi wetu. Tushikenu hanga tuye kuli mwata wetu.”

Ubutukilo 26:3

Twama hano, mungubwa hamwe ni yena, mungukuwahisa. Mungukwaha chifuchi chino cheswe, yena ni vungu lie. Mungukakolesa Shingo lize nalishingile ni tatenu Abrahama.

Ubutukilo 28:13

Yamona nawa Mwene Zambi kanamana hakamwihi nikwamba ngwenyi: “Nguli Mwene Zambi, Zambi ya Abrahama ni Isake. Chifuchi chino unabombo mungukakwaha cho yena ni vungu lie.

Ubutukilo 28:15

Nyingika ngwe, mungukabwa hamwe ni yena kweswako muuya, mungukakuhilwisa nawa ku chifuchi chino. Chichi kakwehuka ndoo mungukamanununa yilakenyo yeswe yino nakulakenya.”

Ubutukilo 31:13

Nguli Zambi yoze wakusolokelele ku Betele, haze wamikine chingina ni kuhinjila ho maji, homa haze wangulakenyene. Kashika tuhuka mu chifuchi chino, hiluka ku chifuchi che kuze wasemukinyine.’ ”

Ubutukilo 31:55

Muze hikwacha, Labane yashisa ajikulu jenyi ni ana jenyi, mba yahiluka ku mahienyi.

Hebreu 11:9

Ku ufulielo yatwama ngwe njize mu chifuchi chize amulakenyene Zambi. Te kaakubomba mu zuwo liakutunga ni makubu; ni tata Isake ni tata Yakoba nawa chizechene. Zambi yaalakenya chilakenyo chimuwika.