Ubutukilo 30:22 - Mukanda Wa Zambi 1970

²² Mba Zambi yanyongena Rashele, yevwa kuliumba chenyi, yamwaha kusema ana.

MUKANDA USANDU WA ZAMBI 1975

²² Mba Zambi yewuluka Rakele. Zambi yamupanjika, yamwaha kusema.

Ubutukilo 30:22 Iomraidhean Croise

Ubutukilo 25:21

Rebeka, pwo lia Isake te mumba. Kashika Isake yaliumba kuli Mwene Zambi mumu hali iye. Neye yamwivwa, mba Rebeka yaka ufumba.

Ubutukilo 29:31

Mwene Zambi yamona ngwenyi, Yakoba keshi kuzanga Leya. Kashika yamwaha Leya ngoji ya kusema, alioze Rashele te mumba.

Ubutukilo 30:2

Yakoba yatenuka, yambila Rashele ngwenyi: “Yami nguli Zambi, nyi? Mwenawo wakupwisa mutu mumba.”

Ubutukilo 30:21

Kulutwe Leya yasema mwana wa pwo, yamuluka jina ngwenyi Dina.

Ubutukilo 35:24

Wano e ana ja Rashele: Josefe, ni Benjamine.

Ubutukilo 8:1

Mba Zambi yewuluka Noa ni tushitu eswe waze abwile hamwe nenyi mu ulungu, yabalikisa fuji helu lia meya, mba meya yaabutuka kuhuwa.

Miaso (Masamu) 105:42

Yewuluka chilakenyo cha chijila chize alakenyene kuli kavumbi kenyi Abrahama.

Miaso (Masamu) 113:9

Kakulemesa miumba mu jiko lienyi; kakwawahisa ni kwaaha ana. Chichimiekenu Mwene Zambi!

Miaso (Masamu) 127:3

Ana kaali chawana cha kuli Zambi, kaali yiwape yize akwaha atu jenyi.