Ubutukilo 30:17 - Mukanda Wa Zambi 1970

¹⁷ Zambi yevwa kulemba cha Leya, mba yaka ufumba, yasema mwana wa lunga.

MUKANDA USANDU WA ZAMBI 1975

¹⁷ Zambi yapanjika kuli Liya, yaka ufumba, yasema kuli Yakomba mwana wa lunga wamuchitano.

Ubutukilo 30:17 Iomraidhean Croise

Ubutukilo 30:16

Chingoloshi, muze Yakoba hahiluka ku munda kuze ayanga, Leya yaya ni kumubatwiza. Yamwamba ngwenyi: “Musono Chakutamba kulimona ni yami, mumu hinafweta mwanakwetu mandragora hanga tulimone ufuko uno.” Mba ufuku uze Yakoba yabwa hamwe ni Leya.

Ubutukilo 30:18

Leya yamba ngwenyi: “Zambi hangwaha fweto mumu ngunakamwaha mukwetu lunga ndungo yami ha kusema nenyi.” Kashika yamuluka jina ngwenyi, Isakare.

Ubutukilo 30:22

Mba Zambi yanyongena Rashele, yevwa kuliumba chenyi, yamwaha kusema ana.

Ubutukilo 30:6

Rashele yamba ngwenyi: “Zambi hangubatwila kanawa, hevwa kuliumba chami, kashika hangwaha mwana wa lunga.” Mba yamuluka jina ngwenyi, Dane.

Kutuhuka 3:7

Mwene Zambi ngwenyi: “Hinamona chize atu jami anamono lamba mu chifuchi cha Egiptu. Hinevwa chize analili ku moko ja akwa lutwe jo, akwa Egiptu waze akwaaha milimo. Ngunanyingika lamba lio lieswe.

Luka 1:13

Alioze kangunga ka mwilu yamwamba ngwenyi: “Kanda wivwa woma, Zakaria! Zambi hevwa kuliumba che. Pwo lie, Isabele (Elisabete), kumakasema mwana wa lunga, ukamuluke jina ngwe, Yoano.

1 Samuel 1:20

Chenacho Hana amichine ufumba, yasema mwana wa lunga. Yamuluka jina Samuel, mumu ngwenyi: “Namwichile kuli Mwene Zambi.”