Ubutukilo 3:8 - Mukanda Wa Zambi 1970

⁸ Ha chingoloshi yeevwa Mwene Zambi kaneza ni kwenda mu munda, ngi ngi ngi! Mba lunga ni pwo yaaswama mushi lia mitondo.

MUKANDA USANDU WA ZAMBI 1975

⁸ Aho yevwa liji lia Yehova Zambi kanende mu munda ha kukekema cha tangwa, kashika lunga ni mukwo-pwo yaswama kumeso ja Yehova Zambi hakachi ka mitondo ya mu munda.

Ubutukilo 3:8 Iomraidhean Croise

Ubutukilo 18:33

Muze Mwene Zambi hamanununa kuhanjika ni Abrahama, yaya kwenyi. Mba Abrahama yahiluka ku mahienyi.

Ubutukilo 3:10

Lunga ngwenyi: “Te ngunakwivu muze unende mu munda, yingwivwa woma. Kashika naswama, mumu nguli uselesele.”

Jobe 22:14

Wakunyonga ngwe, malelwa alemu kaakumufuka ku meso, kahashile kumona, muze akwendangana ha kuzazuluka cha mwilu.

Jobe 31:33

Hingunasweke yibi yami ngwe atu akwo ni kuhengeka uhenge mu mbunge yami, nyi

Jobe 38:1

Henaho mu chijimbi Mwene Zambi yambila Jobe ngwenyi:

Yishima 15:3

Mwene Zambi kakutala kweswe; kaakutumona muze twakulinga yibema hanji yibi.

Jeremia 23:24

Niumwe mahasa kuswama kuze Chishi kumona. Kunwanyingikine ngwenu, nguli kweswe, mwilu ni hashi, nyi?

Hosea 10:8

Mahamba jo a Avene, ha milundu kuze Aisraele akukombelela, maakabuzula. Mingonga ni yambu yibi muyikatanda he ha yilumbilo yo. Atu maakakololoka ku milundu ngwo: “Tuswekenu kama!” Ni ku mindundena ngwo: “Tufukenu kama!”

Alevi 26:12

Mungukabwa hamwe ni yenu, Mungukabwa Zambi yenu, ni yenu munukabwa atu jami.

Yona 1:3

Alioze mwe Yona, kayile ko ku Ninive, yaya kweka achine Mwene Zambi. Yaya ku limbo lia Jope, yawana ko ulungu uze te unambe kuya ku chifuchi cha Espanya. Yalanda mukanda wenyi, yanjila hamwe ni akwa ulungu ni kuya ku Espanya, kuze anyongene ngwenyi, mahasa kuswama ku meso ja Mwene Zambi.

A-ROMA 2:15

Yitanga yo yakulweza ngwo, chize Shimbi jinambe hichinasonewa mu mbunge jo. Mbunge jo nawa jakushindakenya chikuma chino, mumu manyonga jo yisuho yikwo kaakwahisa, yisuho yikwo kaakwasambisa.

Shimbi 23:14

Fungenu musumba wenu kanawa, mumu Mwene Zambi, Zambi yenu, kali hamwe ni yenu mu musumba wenu ha kunufunga ni ha kunukwasa kukumba akwa kole jenu. Kanda nulinga chimwe Chuma chize kuchalitele, chize muchivwisa Mwene Zambi kubiha ha kunumba nyima.”

Shimbi 4:33

Kuli kama atu waze haanevu liji lia umwe zambi mulituhuka mu kahia, ngwe chize nwevwile yenu hindu wa ni mwono, nyi?

Shimbi 5:25

Alioze yika mutufwila? Kahia kaze ka tachi mukatwonona. Nyi twevwa nawa liji lia Mwene Zambi, Zambi yetu, kumutufwa.

Hebreu 4:13

Mutu kahashile kuswekela Zambi Chuma nichimwe. Zambi kakumona yuma yeswe, mumu yuma yeswe kuyakusoloka zwalala, kuyishi kuswama ku meso jenyi. Kuli iye mutukalumbununa yuma yeswe yize twalingile.

Usolwelo 6:15

Mianangana anene anene a hano hashi, ni akwa kuyula, ni miata ja tujita, ni pichi, ni akwa tachi, ni atu akwo eswe, chibwe ndungo, chibwe enyaho, eswe yaaya nikuswama mu yivwenge ni kushi lia mawe a ku milundu.