Ubutukilo 3:24 - Mukanda Wa Zambi 1970

²⁴ Mba ku sali lia chivumbuko lia munda wa Edene, yasa ko akwa mwono a mwilu ni mukwale wa mulengi wa kahia wakutalikisa ku majila eswe, ha kujika jila ya ku mutondo uze wakuhana mwono.

MUKANDA USANDU WA ZAMBI 1975

²⁴ Mba yahuma mutu, yasa ku sali lia Chivumbuko lia munda wa Endene akerupimi ni katana wa mulengi wa kutalikisa majila eswe kufunga jila ya mutondo wa mwono.

Ubutukilo 3:24 Iomraidhean Croise

Ubutukilo 3:23

Kashika Mwene Zambi yahanga mutu mu munda wa Edene, hanga akalime e mavu kuze amuchijile.

Ubutukilo 4:1

Mba Samutu yalimona ni mukwo pwo, Namutu, neye yaka ufumba, yasema mwana wa lunga. Neye yamba ngwenyi: “Mwene Zambi hangukwasa, hinabwa ni mwana wa lunga.” Kashika yamuluka jina ngwenyi, Kene.

Ubutukilo 4:14

Musono hiwanguhuma ku mavu wano a chinuno ni ku meso je. Mungubwa mukwa kuchinachina kanda chendanganyi. Ha chino mweswawo mangutakana mangushiha lume.”

Miaso (Masamu) 104:4

Wakutenga fuji ngwe tunganda twe, ni mihenyo ya njaji ngwe tuvumbi twe.

Miaso (Masamu) 80:1

Aa Kafunga ka Aisraele, twalemba tubanjike kama yetu mapanga je. Haze ha chitwamo che cha wanangana, helu lia akwa mwono a mwilu,

Miaso (Masamu) 99:1

Mwene Zambi mwe mwanangana; atu kaakuchikima. Kakutwama ha chitwamo chenyi cha wanangana helu lia akwa mwono a mwilu, hashi kuhananyiki.

Kutuhuka 25:2

“Lweza Aisraele angunehene yawana. Ukatambule yawana kuli mweswawo unazange kuhana ni mbunge yibema.

Ezekiel 10:1

Yingutala ku chifuko helu lia mitwe ya akwa mwono a mwilu. Kuma helu lio yihabwa chimwe Chuma chalifwa ni chitwamo cha wanangana cha kulinga ni liwe lilemu Safire

Ezekiel 31:11

Kashika hinalituna wo, yingutayiza mukwa kuyula kandaka akauyule nikulita ni ungulungulu wenyi.

Kwalula 22:23

Muze chimbulu hamona kanganda ka Mwene Zambi kanamana mu jila kanakwata mukwale mu kwoko lienyi, yakatuka mu jila yatalikisa mu minda. Balame yalamba chimbulu, yamutewulula ha kumutalikisa mu jila.

Yoano 14:6

Yesu ngwenyi: “Yami nguli ye jila, ni we umwenemwene, ni we mwono. Niumwe meza kuli Tata shina ni yami.

Hebreu 1:7

Hakutwala kuli tunganda a mwilu Zambi hanambe ngwenyi: “Nakupwisa tunganda twami ngwe fuji, ni tuvumbi twami ngwe milengi ya kahia.”

Yoshua 5:13

Muze Yoshua abwile hehi ni limbo lia Yeriku, susumuku yamona lunga unamana kulutwe lienyi, te kanakwata mukwale. Yoshua yamukundama, yamuhula ngwenyi: “Yena uli wa kuli tujita twetu, nyi uli mukwa kole?”

1 Samuel 4:4

Kashika yaatuma tunganda ku Shilo. No yaaneha mushete wa Usendo wa Mwene Zambi Mukwa Ndundo Jeswe, yoze watwama mukachi ka akwa mwono a mwilu. Ana ja Eli a malunga aali, Hofni ni Finehase, yeeza ni mushete wa Usendo.