Ubutukilo 3:17 - Mukanda Wa Zambi 1970

¹⁷ Yambila nawa Samutu ngwenyi: “Wabanjikanga mukwenu pwo ha kulia mihuko ya mutondo uze nakukanjishile ngwami, mavu kaashingiwa. Ha matangwa eswe a mwono we muukahondangana ni kulima, mba ukabwe ni yakulia.

MUKANDA USANDU WA ZAMBI 1975

¹⁷ Kuli Alama yamba ngwenyi, Mumu yena hiwatayiza liji lia mukwenupwo hiwalia ku mutondo uze nakukanjishile ngwami, Kanda uliako, mavu kanashingiwa ha mukunda wa yena. Mukaliako ni kuhondangana wika matangwa eswe a mwono we.

Ubutukilo 3:17 Iomraidhean Croise

Ubutukilo 3:11

Zambi yamuhula ngwenyi: “Iya yoze wakulwezanga ngwenyi, uli uselesele? Hiwalia muhuko wa mutondo uze nakukanjishile ngwami, kanda uyilia, nyi?”

Ubutukilo 3:18

Hashi muhakusokela mikalale ni mbimbo. Muukalia yilimalima.

Ubutukilo 3:6

Pwo yamona ngwenyi, mutondo uze unabeme, ni mihuko yawo nawa yinabeme ha kulia. Yanyonga nawa ngwenyi, chili chibema ha kubwa ni mana. Kashika yahela ko mihuko, yalia. Mba yahana Chihanda kuli lunga lienyi, lunga neye yalia.

Ubutukilo 5:29

Yamba ngwenyi: “Mwana yono makatuchiza lamba ku milimo yize twakuhondangana hano hashi haze ashingile Mwene Zambi.” Kashika yamuluka jina ngwenyi, Noa.

Ubutukilo 8:21

Muze Mwene Zambi hevwa lupembo mubema wa mulambu uze, yamba ngwenyi: “Hikwahwa, chichi kushinga nawa hashi hakutwala ku yize akulinga atu. Ngunanyingika ngwami, kuma atu chize ku wanuke wo, manyonga jo kaali lume abi. Eswe waze natangile, akwete mwono, chichi kwonona nawa ngwe chize hinalinga.

Jobe 14:1

Mutu kali wa matangwa akepe; kakumona lamba linji.

Jobe 21:17

Zambi te hajima kulu ndeya ya umwe chingulungulu, nyi? Umuwika uliko yoze hamona kama lamba, nyi? Zambi hamwesa kulu umwe chingulungulu lamba ni utenu wenyi,

Miaso (Masamu) 127:2

Chamokomoko twakuhondangana mba tubwe ni yakulia yinji, kulimeneka chichamene kubomba ha muchima ufuku; mumu Mwene Zambi, atu jenyi waze azanga, kakwakwasa muze akubomba.

Longeshi 2:11

Mba yingunyonga hakutwala ku yeswe nalingile ni lamba lize namwene ha kuyihondangana, hindu yingumona ngwami, kuyalumbunwine Chuma nichimwe. Nabwile ngwe ngunahange fuji, yuma yamokomoko lume.

Longeshi 2:17

Kashika kuli yami mwono kuushi nichimwe, mumu yuma yeswe kuli yami yili lamba. Yeswe yili yamokomoko; yili ngwe kuhanga fuji.

Longeshi 5:17

Mu mwono wetu twakutwama mu milima, twakumona lamba, twakwivwa chinyengo ni ufwatulo, twakuyiza.

Mateu 22:12

yamwamba ngwenyi: ‘A mbayi, ngwe kuchi wanjilanga muno kuushi mahina ja umbachiso?’ Alioze mwe mutu yahola kuluu.

Mateu 25:45

Mwanangana neye makaakumbulula ngwenyi: ‘Chamwenemwene ngunanwambulwila ngwami, muze kunwachilingilile umwe wa kuli wano akwetu hi alemu ko, kafwa ngwe, kunwachilingilile yami.’

Luka 19:22

Mwanangana yamwamba ngwenyi: ‘Kavumbi mubi, mungukubatwila nikulita ni maliji je. Kuma te Unanyingika ngwe, nguli mutu mukalu ni kwanda chize hi cha yami ko ni kuhela chize chatumbile.

Yoano 16:33

Hinanulweza yuma yino yeswe hanga nukabwe ni uhwimino ha kulinunga ni yami. Munukabwa ni lamba linji hano hashi, alioze hamukenu, hingunakumbu hashi.”

A-ROMA 3:19

Tunanyingika ngwetu, yize yeswe Shimbi jinambe, yinahanjikila waze ali mu chiyulo cha Shimbi, hanga usambiso kuuchikatuhuka ku makanwa ja atu, hanga akwa hashi eswe akahie ku meso ja Zambi.

Hebreu 6:8

Alioze, nyi hashi kuhakusoka mingonga ni yambu yamokomoko, hali lume hamokomoko. Ha shimbu likepe Zambi makashinga ho ni hashi muhakawema.