Ubutukilo 3:16 - Mukanda Wa Zambi 1970

¹⁶ Mba yambila pwo ngwenyi: “Yibikalo yinji muukabwa nayo muze muukabwa ni ufumba, ni yikola yinji ha kusema. Hindu muukevwila lunga lie usona, neye makakuyula.”

MUKANDA USANDU WA ZAMBI 1975

¹⁶ Kuli pwo yamba ngwenyi, Mungwokesa chikolo chinyengo che ni kwaka che. Musema ana ni yikola; mbunge ye muyipwa kuli mukwenu-lunga, iye kumakakuyula.

Ubutukilo 3:16 Iomraidhean Croise

Ubutukilo 4:7

Nyi kuwalinga kanawa, kachi kuwevwile kuwaha, nyi? Alioze mumu hiwalinga chibi, nyingika ngwe, shili yili ngwe kashitu wa chilianyi yoze unautama ku chikolo cha mbunge ye hanga akukwate. Shili yinambe kukuyula alioze sako tachi ha kuyikumba.”

1 Sango Ja Mianangana 4:9

Kwabwile umwe lunga jina lienyi Jabeze, te mulemu hakachi ka akwa jiko leinyi. Naye yamuluka jina lino mumu kusemuka chenyi chabwile cha lamba.

Estere 1:20

Muze Shimbi maayivwa mu chifuchi chenu cheswe, mapwo eswe maakalemesa malunga jo, chibwe pichi hanji yiswale.”

Miaso (Masamu) 48:6

Yaachikima ni kungangama, ngwe pwo yoze unambe kusema,

Izaya 13:8

Ayo eswe maakalishimwoka, eswe maakevwa misongo, ngwe pwo yoze unambe kusema. Maakalitalatala ni woma, maakevwa sonyi kuhiana.

Izaya 21:3

Muze hinevwa ni hinamona Usolwelo uno, yingwivwa woma ngwe pwo yoze Unevu musongo wa kusema.

Izaya 53:11

Muze hamona lamba, makawahilila nawa; makanyingika ngwenyi, chamwene lamba chamokomoko. Kavumbi kami mukwa ululi, yoze nakuwahilila nenyi, makamubatwila hanga amone lamba lize te atu akwo chaatamba kumona. Mungukaakonekena mumu hali iye.

Jeremia 13:21

Kuchi muukamba muze atu waze wanyongene ngwe kaali masepa je, haakukumba ni kaanakuyulu? Kumuubwa ni lamba ngwe pwo yoze unambe kusema.

Jeremia 22:23

Yenu nwatwama mu uhwimino mukachi ka mitondo sedru yize nwatambwile ku chifuchi cha Libano; lamba lienu muze munwivwa yikola, ngwe yikola ya pwo yoze unambe kusema.

Jeremia 4:31

Yingwivwa kulila, ngwe umwe pwo unafumbajala, unabinji ha kusema mwanenyi mutangu. Kuma te kulila ni kuhuza cha Yerusaleme, kanazozo moko jenyi nikwamba ngwenyi, “Mama lambee! Kunafwa!”

Jeremia 49:24

Akwa Damasku haalekumuka, haachina, haakwachika mwongo. Kaali mu lamba ni mu yinyengo ngwe pwo yoze unafumbajala ha kusema.

Jeremia 6:24

Akwa Yerusaleme ngwo: “Hitwevwa sango jize ni mwe mu moko kekee. Tunevu yikola ngwe pwo yoze unafumbajala ha kusema.

Kwalula 30:13

Lunga lienyi kali ni chiyulo cha kumukanjisa hanji kumutayiza.

Yoano 16:21

Muze pwo himasema mwana, mabwa ni chinyengo mumu ola yenyi ya lamba hiyaheta. Alioze muze mwana hasemuka, mavulama lamba lienyi, mawahilila mumu mwana hasemuka.

1 Korintu 11:3

Alioze ngunazange nunyingike ngwenu, Kristu kali mwata wa atu eswe, lunga kali mwata wa pwo lienyi, ni Zambi kali mwata wa Kristu.

1 Korintu 14:34

mapwo chaatamba kuhola kuluu muze nwakukunguluka, kuchalitele ayo kuhanjika, ngwe Mukanda wa Shimbi unambe ngwo, mapwo kuchatambile kuyula.

1 Korintu 7:4

Pwo kahashile kuyula mujimba wenyi mwene, alioze lunga mahasa kuuyula. Chimuwika nawa, lunga kahashile kuyula mujimba wenyi mwene, alioze pwo mahasa kuuyula.

Kolosu 3:18

Yenu mapwo, Zeyelenu kuli malunga jenu, mumu Chenacho chanutamba kulinga ngwe akwa Kristu.

1 Tesalonika 5:3

Muze atu maakamba ngwo: “Tuli ni uhwimino, yuma yeswe yinawaha,” mba susumuku kwonona muchiza. Keechi kuhichika nichimwe. Muchibwa ngwe yikola ya kusema yize hiyakwata kafumbakaji.

1 Timoteu 2:13

Mumu Zambi yahanga kutanga Samutu, mba yatanga Namutu.

1 Timoteu 2:15

Alioze pwo, Zambi makamulamwina mu kusema ana, nyi manyongonona mu ufulielo, ni zango, ni kulinanga, ni uhomboloji.

Titu 2:5

abwe akwa kuliyula, akwa mbunge jibema, akwa kufunga mazuwo jo, azeyele kuli malunga jo, hanga mutu niumwe kechi kashililika maliji a Zambi.