Ubutukilo 3:15 - Mukanda Wa Zambi 1970

¹⁵ Yena kapela ni pwo munukabwa akwa kole. Vungu lie ni vungu lia pwo mulikabwa akwa kole. Mulikafupa mana akukushihila ku mutwe, ni yena muukafupa mana akumusumina ku kashi jino.”

MUKANDA USANDU WA ZAMBI 1975

¹⁵ Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Ubutukilo 3:15 Iomraidhean Croise

Ubutukilo 49:17

Dane makabwa ngwe kapela mu jila, ngwe yenge ku sesa lia jila, yoze wakusuma kavwalu ku kasendengele, mba mwenya kavwalu maholoka hashi.

Miaso (Masamu) 132:11

Hiunalishingi ku meso ja David; Shingo lize kuuchi kalishingulula lio. Hiunambe ngwe: “Mungupwisa umwe wa kuli ana je a malunga mwanangana, mwe makakuhinga.

Izaya 53:12

Ha chino mungukamwaha muhela wa vumbi mukachi ka atu a tachi ni alemu. Yafwa ku zango lienyi mwene, yamwalula mukachi ka yingulungulu. Yambata shili ya atu anji, yalemba ngwenyi: ‘Akonekene kama.’ ”

Izaya 7:14

Kashika Zambi iye mwene makwaha chilayi: umwe mwana pwo makasema mwana wa lunga ni kumuluka jina ngwo, Emanuele.

Jeremia 31:22

Shimbu lika munwecha kama kuyambashana, yenu akwa ufulielo ukepe? Hinalinga chimwe Chuma chaha chalibalikila, chili ngwe pwo unafungu lunga lienyi.”

Daniel 9:26

Ku songo lia matangwa waze mukwa lutwe yoze Zambi atongwele maakamushiha keshi ni chitela. Limbo ni lie zuwo lia kuwayila kumaakayibuzula kuli umwe mukwa kuyula wa tachi ni tujita twenyi. Songo mulikeza ngwe sanga lia meya, nikuneha jita ni kwonona yize Zambi hanalulika.

Amose 9:3

Chibwe akaswame helu lia mulundu wa Karmele, hindu mungukaafupa ni kwakwata. Chibwe akaswame mu mashima a kalunga lwiji, hindu mungukambila kashitu munene ha kwasuma.

Mika 5:3

Mwene Zambi makakunjika atu jenyi mu moko ja akwa kole jo ndoo ni kuze semi makasema mwanenyi wa lunga. Hohene usoko wenyi, waze te atwama mu chifuchi cha mbala mu undungo maakakunguluka nawa hamwe ni atu jo ene.

Mateu 1:23

“Talenu mwana pwo yoze kanda achilimona ni lunga makabwa ni ufumba. Makasema mwana lunga, ni atu maakamuluka jina ngwo, Emanuele” (kulumbunuka, Zambi kali hamwe ni yetu).

Mateu 1:25

Alioze kalimwene ko nenyi ndoo yasema mwanenyi wa lunga. Josefe yamuluka jina ngwenyi, Yesu.

Mateu 12:34

Yenu vungu lia yihili! Ngwe kuchi yenu abi munuhasa kuhanjika yibema. Mumu kanwa liakuhanjika yize yinalumbama mu mbunge.

Mateu 13:38

Munda, he hashi. Mbuto yibema, e atu ja Wanangana. Mwambu wamokomoko, e atu ja Sakwonga.

Mateu 23:33

Yenu tupela, vungu lia yihili! Ngwe kuchi munuhasa kuchina ubatwilo wa kahia?

Mateu 3:7

Ha kumona Afariseu ni Asaduseu anji kaanezaza hanga aapapachise, Yoano yaahula ngwenyi: “Yenu, vungu lia yihili, iya unakanutoweza kuchina ufwatulo wa Zambi uze muukeza?

Marku 16:18

chibwe akakwate manoka hanji kunwa Chuma chimwe cha kufwa, kuchichi kaalinga nichimwe; kumakasa moko hali mieji, mba kumakahinduka.”

Luka 1:76

“Ni yena, mwanami, maakakuvuluka ngwo, mukwa munanyi wa Zambi Mwilu Mwahiana. Muukatetekela kulutwe lia Mwene. Muukumululikila jila yenyi,

Luka 10:19

Achivwenu! Hingunanwehe chiyulo cha kuliata tupela ni tuvwanda, ni chiyulo cha kukumba tachi jeswe ja Mukwa Kole. Nichimwe muchihasa kunulinga chibi.

Luka 22:53

Tangwa ha tangwa nabwile hamwe ni yenu mu zuwo lia Zambi, hindu kunwangukwachile ko, alioze ola yino yili ni yenu ni ya tachi ja milima.”

Luka 24:27

Mba Yesu yaalumbunwina Mukanda wa Zambi weswe hakutwala kuli iye mwene, butu ku Mikanda ya Mose ndoo ku mikanda yeswe ya akwa munanyi a Zambi.

Yoano 8:44

Nuli ana ja Tatenu Sakwonga. Nwakuzanga kulinga yize akuzanga Tatenu. Iye wabwile mukwa kushiha atu chize ku Ubutukilo. Kabwile ko mu umwenemwene nichimwe, mumu muli iye umwenemwene kuushimo. Muze akuhanjika mahuza, kakuhanjika nikulita ni ndako jenyi, mumu kali mukwa mahuza ni tato ya mahuza.

Yilinga 13:10

yamba ngwenyi: “Ayena mwana wa Sakwonga, mukwa kole wa ululi weswe, uli ni mahuza eka ni eka. Kuusolo kulitwamina nichimwe kubinjisa jila ja ululi ja Mwene Yesu, nyi?

A-ROMA 16:20

Zambi, yoze wakuhana uhwimino, makafwenya Sakwonga nikawashi kushi lia molu jenu. Mwene wetu Yesu Kristu anulweze utu.

A-ROMA 3:13

Miliwu yo yili ngwe fuka liawashi, malimi jo haanazala ni kwonga, maliji a ku mivumbo yo kaali ngwe ulembe wa chihili.

Galashia 4:4

Alioze muze tangwa lize atongwele hiliaheta, Zambi yatuma Mwanenyi. Yasemuka kuli umwe pwo, mu chiyulo cha Shimbi ja Ayuda,

Efesu 4:8

Ngwe chize Mukanda wa Zambi unambe: “Muze azezukile mwilu, Yatwala funge hamwe nenyi. Yahana yawana kuli atu.”

Kolosu 2:15

Ha kulusu Kristu yakumba tachi ja akwa ndundo ni akwa yiyulo. Yaasolola ku meso ja eswe muze aatwalile ngwe funge waze akwachile ha kukumba chenyi.

Hebreu 2:18

Yesu iye mwene hanamono lamba, ni Sakwonga hanamweseka. Kashika mahasa kukwasa nawa atu waze Sakwonga akweseka.

Hebreu 5:7

Muze Yesu abwile hano hashi te kakulemba Tato yoze mahasa mwina ku kufwa, te kakulemba ni kukololoka ni masoji ku meso. Neye yamuvwila mumu ha kwononoka chenyi.

1 Yoano 3:10

Kulituchika mukachi ka ana ja Zambi ni ana ja Sakwonga chakubwa ngwe chino, yoze keshi kulinga ululi, chibwe keshi kuzanga mukwo, hi mwana wa Zambi ko.

1 Yoano 3:8

Yoze wakunyongonona ni kuvulumiona kali wa Sakwonga, mumu Sakwonga hanavulumuna chize ku Ubutukilo. Mwana Zambi hanasoloka ha kwonona yitanga ya Sakwonga.

1 Yoano 5:5

Iya makumba yibi ya hano hashi? Shina yoze wakufuliela ngwenyi, Yesu mwe Mwana Zambi.

Usolwelo 12:17

Mwe dragau yevwila pwo ufwatulo mba yaya ni kwasa jita ni atu akwo a ku Chikota chenyi, waze akufunga Shimbi ja Zambi, waze akushindakenya hakutwala kuli Yesu.

Usolwelo 13:7

Dragau yamwaha chiyulo cha kwasa jita ni atu ja Zambi ni kwakumba. Yamwaha chiyulo cha kuyula mavungu eswe, ni akwa maliji eswe, ni yifuchi yeswe.

Usolwelo 2:10

Kanda wivwa woma ha lamba lize muukamona. Banjika! Sakwonga makasa amwe hakachi kenu mu zuwo lia lamba ha kunweseka. Munukamona lamba matangwa kumi. Nyongonona mu ufulielo we ndoo ku kufwa, mba mungukakwaha chipangula cha mwono.

Usolwelo 20:10

Mba Sakwonga, yoze te waakwonga, yamunyasa mu wina wa kahia ni fundanga, kuze anyashine kulu ngongo yoze munene ni mukwa munanyi wa mahuza. Kwenako makaamwesa lamba mwalwa ni ufuku, ku miaka yeswe ni miaka yeswe.