Ubutukilo 3:13 - Mukanda Wa Zambi 1970

¹³ Mba Mwene Zambi yahula pwo ngwenyi: “Mumu yika walinganga chino?” Pwo ngwenyi: “Kapela wangwonganga kashika nalianga.”

MUKANDA USANDU WA ZAMBI 1975

¹³ Mba Yehova Zambi yamba kuli pwo ngwenyi, Achi hiwalinga chika? Pwo yakumbulula ngwenyi, Mwe kapela wangwonganga mba nalianga.

Ubutukilo 3:13 Iomraidhean Croise

Ubutukilo 12:18

Mba mwanangana yatuma mutu ha kutambika Abrama. Yamuhula ngwenyi: “Kuchi hiwangulinga chibi chino? Mumu yika kuwangulwezele ngwe: ‘Sarai kali mukwetu pwo?’

Ubutukilo 44:15

Josefe yamba ngwenyi: “Kuchi nwalinganga? Kunwanyingikine kwenu ngwenu, mutu ngwe yami, ku munanyi wami ngunahase kunyingika yize muyiza kulutwe, nyi?”

2 Samuel 3:24

Mba mwata Joabe yaya kuli mwanangana, yamwamba ngwenyi: “Kuchi walinga chino? Abnere kezanga kuli yenu. Kuchi nwamwechanga nikuya chichize?

1 Yitanga Ya Mianangana 13:18

Alioze mukwa munanyi kashinakaji wa ku Betele yamushinjila ngwenyi: “Ni yami nawa nguli mukwa munanyi ngwe yena. Kanganda ka mwilu, nikulita ni maliji a Mwene Zambi, hangulweza ngwenyi: ‘Umutwale ku mahie, hanga akalie ni akanwe.’ ” Alioze te kanamwongo.

Alevi 12:5

Alioze nyi ngwe wasema mwana wa pwo, pwo yoze makabwa wa luchisa matangwa kumi ni awana, ngwe chize te akubwa muze akuya ku zuwo likwo. Makabwa nawa wa luchisa matangwa akwo makumi asambano ni asambano, mba makabema.

Yona 1:10

Yona yaweza ho nikwalumbunwina chize hachina Mwene Zambi. Akwa ulungu yeevwa woma kuhiana, yaamwamba ngwo: “Chuma chino wali nga chili chibi!”

Yoano 18:35

Pilatu ngwenyi: “Yami nguli Kayuda, nyi? Vungu lie ni mahako a lutwe a Zambi, enoo akukunjika kuli yami. Kuchi unakalinga?”

A-ROMA 7:11

Mumu shili yawanyine unjililo ku Shimbi, yangwongele, yangushihile ni Shimbi.

2 Korintu 11:3

Ngunevu woma ngwami, manyonga jenu maabihaa, nawa ngwami, munwecha kulihana chenu kuli Kristu, ngwe chize kapela wongele Namutu ni ukanyame wenyi wa mahuza.

1 Timoteu 2:14

Mumu kapela kongele ko lunga alioze yonga pwo, mba mwe pwo yashiha Shimbi ya Zambi.

1 Samuel 13:11

alioze Samuel yamuhula ngwenyi: “Chika chino walinga?” Saulu ngwenyi: “Atu te kaanangumwangashana, muze yena kuwahetele ko ha tangwa lize washikile, ni Afilistia anakunguluka ku Mikmashe.

1 Samuel 15:15

Saulu ngwenyi: “Tujita twami e ayibuba kuli Aamaleke. Yaafunga mapanga ni ngombe abema kuhiana akulambula milambu kuli Mwene Zambi, Zambi yenu, akwo eswe hitwashiha.”