Ubutukilo 3:1 - Mukanda Wa Zambi 1970

¹ Hakachi ka tushitu eswe waze atangile Mwene Zambi, kapela yabwa mukwa kukanyama kuhiana. Neye yahula pwo ngwenyi: “Kuma chamwenemwene Zambi kanakamba ngwenyi, kanda nulia ku mitondo ya mu munda, nyi?”

MUKANDA USANDU WA ZAMBI 1975

¹ Achi kapela wakanyamine kuhiana tushitu eswe a mu yambu aze Yehova Zambi yatanga. Iye yamba kuli pwo ngwenyi, Kuma, Zambi hanambe ngwenyi, Kanda nukalia ku mitondo yeswe ya mu munda nyi?

Ubutukilo 3:1 Iomraidhean Croise

Longeshi 4:10

Mumu nyi umwe malimbuka, mukwo mamuhindwisa. Alioze nyi kali ukawenyi, mba malimbuka, kukushi niumwe yoze mamuhindwisa.

Izaya 27:1

Ha tangwa lize Mwene Zambi makanda mukwale wenyi wa tachi ni kushiha kashitu munene Luchazangombe, mwe dragau yoze wakulihiza, makashiha nawa kashitu yoze munene, watwama mu kalunga lwiji.

Mateu 10:16

“Achivwenu! Ngunanutumu ngwe mapanga mukachi ka tungunga. Kanyamenu ngwe tupela, bemenu ngwe membe.

Mateu 4:3

Sakwonga yamukundama, yamwamba ngwenyi: “Nyi mwe Mwana Zambi yena, amba mawe wano alumuke mbolo.”

Mateu 4:6

yamwamba ngwenyi: “Nyi mwe Mwana Zambi yena, liechelele, uholoke hashi, mumu hichinasonewa mu Mukanda wa Zambi ngwo: ‘Zambi makambila tunganda twenyi a mwilu hakutwala kuli yena ngwenyi: Maakakuzundula ha moko jo, Hanga kuuchi kuhukana ku liwe.’ ”

Mateu 4:9

Yamwamba ngwenyi: “Yeswe ayize mungukwaha yo nyi muufukama ku meso jami ha makungunwa unguwayile.”

2 Korintu 11:14

Hi Chuma cha kulishimwoka ko! Mumu chibwe Sakwonga iye mwene mahasa kwalumuka ngwe kanganda ka pangu!

2 Korintu 11:3

Ngunevu woma ngwami, manyonga jenu maabihaa, nawa ngwami, munwecha kulihana chenu kuli Kristu, ngwe chize kapela wongele Namutu ni ukanyame wenyi wa mahuza.

1 Petulu 3:7

Ni yenu malunga nawa, chizechene, muze nunatwama ni mapwo jenu chanutamba kunyingika ngwenu, keeshi ni tachi ngwe yenu. Chanutamba kwaasa vumbi, mumu kumaakatambula chawana cha mwono kuli Zambi ngwe yenu. Lingenu Chenacho, hanga Chuma nichimwe kuchahashile kuvuma kulemba chenu.

Usolwelo 12:15

Mba kapela yatuhwisa meya mu kanwa lienyi kunyima lia pwo ngwe lwiji munene, hanga pwo yoze atoke mu meya.

Usolwelo 12:9

Ngongo yoze munene yaamumbila haze. Kali kapela mukulu, yoze alukile ngwo, Sakwonga, yoze wakwonga atu eswe. Yaamumbila hashi hamwe ni tunganda twenyi eswe.

Usolwelo 20:2

Yakwata dragau, kapela yoze wa shakulu, kulumbunuka ngwo, Sakwonga. Mba yamukasa ndoo kanunu ka miaka makamanunuka.