Ubutukilo 29:33 - Mukanda Wa Zambi 1970

³³ Yaka nawa ufumba, yasema mwana mukwo wa lunga. Leya yamba ngwenyi: “Mwene Zambi hangwaha mwana yono mumu hanyingika ngwenyi, Yakoba keshi kunguzanga.” Kashika yamuluka jina ngwenyi, Simeone.

MUKANDA USANDU WA ZAMBI 1975

³³ Yaka ufumba nawa, yasema mwana wa lunga. Yamba ngwenyi, Mumu Yehova hevwa liji ngwo, Kamuzangile kashika hangwaha mwana yono nawa. Yamuluka jina lienyi, Simeone.

Ubutukilo 29:33 Iomraidhean Croise

Ubutukilo 30:18

Leya yamba ngwenyi: “Zambi hangwaha fweto mumu ngunakamwaha mukwetu lunga ndungo yami ha kusema nenyi.” Kashika yamuluka jina ngwenyi, Isakare.

Ubutukilo 30:20

Leya yamba ngwenyi: “Zambi hangwaha chawana chibema. Haliabwila mukwetu lunga mangulemesa mumu hinasema nenyi ana asambano a malunga.” Mba yamuluka jina ngwenyi: Zabulone.

Ubutukilo 30:6

Rashele yamba ngwenyi: “Zambi hangubatwila kanawa, hevwa kuliumba chami, kashika hangwaha mwana wa lunga.” Mba yamuluka jina ngwenyi, Dane.

Ubutukilo 30:8

Rashele ngwenyi: “Nalitachika kuhiana ni yaya Leya, hinakumba.” Kashika yamuluka jina ngwenyi, Naftali.

Ubutukilo 34:25

Ha tangwa lia muchitatu, shimbu te malunga achili ni yikola, ana aali a Yakoba, Simeone ni Levi, e mandumbu ja Dina, yanda mikwale yo, yaanjila mu limbo ni hamu lieswe, yaashiha malunga eswe.

Ubutukilo 34:30

Yakoba yambila Simeone ni Levi ngwenyi: “Yitela nwangukokela, mungubwa ni lufuma mubi. Akanana ni Aperize kumanguvutwokela kwami. Chishi kwami ni atu anji. Nyi atu wano maalichinga ha kwiza ni kwasa jita ni yami, kumangushiha hamwe ni akwa zuwo liami eswe.”

Ubutukilo 35:23

Wano e ana ja Leya: Rubene (mwe mwana mutangu wa Yakoba), Simeone, ni Levi, ni Yuda, ni Isakare, ni Zabulone.

Ubutukilo 42:24

Mba Josefe yakatuka ko, yabutuka kulila. Muze halitwamina kulila, yeza nawa ni kuhanjika no. Mba yakwata Simeone, yamukasa mu ngonji ku meso jo.

Shimbi 21:15

“Nyi umwe lunga, mukwa luhali, mapwo jenyi eswe aali haasema nenyi ana a malunga, alioze mwana mutangu hi wa pwo yoze akuzanga kuhaina ko,