Ubutukilo 29:32 - Mukanda Wa Zambi 1970

³² Leya yaka ufumba, yasema mwana wa lunga. Leya yamba ngwenyi: “Mwene Zambi hamona luyinda wami, haliabwila mukwetu lunga manguzanga kama.” Kashika yamuluka jina ngwenyi, Rubene.

MUKANDA USANDU WA ZAMBI 1975

³² Liya yaka ufumba, yasema mwana wa lunga, yamuluka jina lienyi Rupene se yamba ngwenyi, Mumu Yehova hamona kuyindama chami, haliapwila lunga liami manguzanga.

Ubutukilo 29:32 Iomraidhean Croise

Ubutukilo 16:11

Muukasema mwana wa lunga, ukamuluka ngwe: Ishmaele, mumu Mwene Zambi hevwa kulila che,

Ubutukilo 29:31

Mwene Zambi yamona ngwenyi, Yakoba keshi kuzanga Leya. Kashika yamwaha Leya ngoji ya kusema, alioze Rashele te mumba.

Ubutukilo 31:42

Nyi Zambi ya atata, Zambi ya Abrahama ni ya Isake, kabwile ko hamwe ni yami, kachi mwe mokomoko lume unakanguhanga. Alioze Zambi yamona lamba liami, ni kuhondangana chami. Kashika wakukumikanga ufuku wa musono.”

Ubutukilo 35:22

Muze Israele te anatwama mu chifuchi chize, mwanenyi Rubene yalimona ni Bila, umwe pwo lia tato, mba tato yachinyingika. Yakoba yabwa ni ana kumi ni aali a malunga.

Ubutukilo 35:23

Wano e ana ja Leya: Rubene (mwe mwana mutangu wa Yakoba), Simeone, ni Levi, ni Yuda, ni Isakare, ni Zabulone.

Ubutukilo 37:29

Muze Rubene hahiluka kwe ku wina, kuwana Josefe keshimo, yachanuna mahina jenyi mumu ha chinyengo.

Ubutukilo 42:22

Rubene ngwenyi: “Nanulwezele ngwami, kanda nulinga kanuke chibi. Haliabwila tunamono lamba mumu ha kufwa chenyi.”

Ubutukilo 42:27

Mu jila, ha chibombelo, umwe hakachi ko yakasulula tuku hanga amwehe chimbulu chenyi yakulia. Mba yamona mbongo jize alanjile najo yakulia jili mu tuku.

2 Samuel 16:12

Kunwanyingikine hanji Mwene Zambi matala lamba liami n manguwahisa mumu ha kushililika chenyi.”

1 Sango Ja Mianangana 5:1

Lino lie vungu lia Rubene, mwana mutangu wa lunga wa Yakoba. (Yatokesa chihinga chenyi mumu yalimona ni pwo lia tato, mba tato yahana chihinga chize kuli Josefe.

Miaso (Masamu) 106:44

Hindu Mwene Zambi yeevwila muze atetele kuli iye, yamona lamba lio.

Miaso (Masamu) 25:18

Nyonga kama yibikalo yami ni lamba liami, ngukonekene kama milonga yami yeswe.

Kutuhuka 3:7

Mwene Zambi ngwenyi: “Hinamona chize atu jami anamono lamba mu chifuchi cha Egiptu. Hinevwa chize analili ku moko ja akwa lutwe jo, akwa Egiptu waze akwaaha milimo. Ngunanyingika lamba lio lieswe.

Kutuhuka 4:31

E atu yaafuliela. Muze heevwa ngwo, Mwene Zambi heza ni kwanangisa ni hamona lamba lize akwa Egiptu anaamwesa, yaafulamana, yaawayila Zambi.

Kwalula 1:5

No yaatongola miata wano ku Chikungulwila, nikulita ni mavungu jo, ha kukwasa ku milimo yino: Vungu Mwata wa jimo Rubene Elizure mwana wa Shedure Simeone Shelumiele mwana wa Zurishadai Yuda Nasone mwana wa Aminadabe Isakare Netanele mwana wa Zuare Zabulone Eliabe mwana wa Helone Efraime Elishama mwana wa Amihude Manase Gamaliele mwana wa Pedazure Benjamine Abidane mwana wa Gideoni Dane Ahizere mwana wa Amishadai Ashere Pagiele mwana wa Okrane Gade Eliasafe mwana wa Duele Naftali Ahira mwana wa Enane

Luka 1:25

“Chenacho Mwene Zambi hangukwasa. Haliabwila hanguchiza sonyi ku meso ja atu eswe.”

Shimbi 26:7

Mba yitukololoka kuli Mwene Zambi, Zambi ya tushakulu twetu, ha kutukwasa. Neye yatubanjika, yamona lamba lietu, ni kuhondangana chetu, ni luyinda wetu.

Shimbi 27:13

Mavungu wano maakamana ha mulundu wa Ebale muze Alevi maashingana: Rubene, ni Gade, ni Ashere, ni Zabulone, ni Dane, ni Naftali.

1 Samuel 1:11

Hana yalakenya ngwenyi: “Mwene Zambi, Mukwa Ndundo Jeswe, tala kama luyinda wa yami kavumbi ke, ngwiwuluke, kanda unguvulama yami kavumbi ke. Nyi wangwaha kama mwana wa lunga, mungumukunjika mu moko je ha matangwa eswe a mwono wenyi, kechi katewula kambu jenyi nilimwe tangwa.”

1 Samuel 1:20

Chenacho Hana amichine ufumba, yasema mwana wa lunga. Yamuluka jina Samuel, mumu ngwenyi: “Namwichile kuli Mwene Zambi.”