Ubutukilo 29:30 - Mukanda Wa Zambi 1970

³⁰ Mba Yakoba yambata Rashele. Te kakuzanga Rashele kuhiana Leya. Yalingila nawa Labane miaka yikwo shimbiali.

MUKANDA USANDU WA ZAMBI 1975

³⁰ Yakomba yanjila kuli Rakele nawa. Yazanga Rakele kuhiana Liya kashika yamulingila milimo miaka yikwo shimbiali nawa.

Ubutukilo 29:30 Iomraidhean Croise

Ubutukilo 29:17

Leya te hi mubema ko ku meso, alioze Rashele chileza.

Ubutukilo 29:18

Yakoba yazanga Rashele kuhiana, kashika yalweza Labane ngwenyi: “Mungukulingila miaka shimbiali hanga ngukambate mwane wa kanuke, Rashele.”

Ubutukilo 29:20

Yakoba yalinga miaka shimbiali ha kumbata Rashele. Miaka yize kayimwene ko ngwe yinji, mumu te wazangile Rashele kuhiana.

Ubutukilo 29:29

Labane yahana nawa Bila, ndungo yenyi wa pwo ha kukwasa mwanenyi Rashele.)

Ubutukilo 29:31

Mwene Zambi yamona ngwenyi, Yakoba keshi kuzanga Leya. Kashika yamwaha Leya ngoji ya kusema, alioze Rashele te mumba.

Ubutukilo 31:15

Tata kakututala ngwe tuli yilambala, mumu hanatulanjisa, hanali kulu chihako cheswe.

Ubutukilo 31:41

Natwamine mu zuwo lie miaka makumi aali. Nakulingilile miaka kumi ni yiwana ha kumbata ana je aali a mapwo. Mba yingulinga nawa miaka yikwo yisambano ha kungufweta yimuna. Hindu yiwalumuna fweto yami yisuho kumi.

Ubutukilo 44:20

Yetu yitukumbulula ngwetu: ‘Ewa, tuli ni tata, habwa kwenyi kashinakaji. Tuli nawa ni kanuke yoze tata asemene mu ushinakaji wenyi. Yayo hanafu kulu, mba iye hanasala lume ukawenyi mu jimo lia naye. Tata kakumuzanga kuhiana.’

Ubutukilo 44:27

Tata yatwamba ngwenyi: ‘Mukwetu pwo kanguselele ana aali wika a malunga.

Hosea 12:12

Kashakulu kenu Yakoba yachinyina ku chifuchi cha Mesopotamia. Kwenako alingilile mutu mukwo, yafunga mapanga hanga amwehe pwo.

Mateu 10:37

“Yoze mazanga tato hanji naye kuhiana yami, kangutelele ko. Yoze mazanga mwanenyi wa lunga hanji wa pwo kuhiana yami, kangutelele ko.

Mateu 6:24

“Mutu niumwe mahasa kulingila miata aali. Mumu mavutwokela umuwika ni mazanga mukwo, hanji malihana kuli umuwika ni malelesa mukwo. Kunwahashile kulingila eswe aali Zambi ni mbongo hamuwika.”

Luka 14:26

“Yoze meza kuli yami kahashile kubwa kambaji kami, nyi keshi kuvutwokela tato, ni naye, ni pwo lienyi, ni ana jenyi, ni ana akwo, ni mandumbu jenyi, chibwe ni we mwono wenyi.

Yoano 12:25

Yoze mazanga mwono wenyi, mautokesa. Alioze yoze mavutwokela mwono wenyi hano hashi, makaufunga ndoo ku miaka yeswe.

Shimbi 21:15

“Nyi umwe lunga, mukwa luhali, mapwo jenyi eswe aali haasema nenyi ana a malunga, alioze mwana mutangu hi wa pwo yoze akuzanga kuhaina ko,