Ubutukilo 29:11 - Mukanda Wa Zambi 1970

¹¹ Yakoba yashisa Rashele, mba yalila ni chiseke.

MUKANDA USANDU WA ZAMBI 1975

¹¹ Yakomba yahana mbeju kuli Rakele, yalila ni liji linene.

Ubutukilo 29:11 Iomraidhean Croise

Ubutukilo 27:26

Mba Isake yamulweza ngwenyi: “Mwanami, ngukundame, ngushise.”

Ubutukilo 29:10

Yakoba, hakumona Rashele kaneza ni yimuna ya natu Labane, yaya ku shima, yachiza liwe, yanwisa mapanga.

Ubutukilo 29:13

Muze Labane hevwa sango ja Yakoba, mwana wa ndumbwenyi, yazomboka fuji ha kumusambilila. Yamumeneka, yamushisa, mba yamutwala mu zuwo. Yakoba yalumbunwina Labane sango jeswe.

Ubutukilo 33:4

Alioze Esau te kanazomboka fuji ni kulitakana ni mwanakwo. Yamusambilila, yamushisa, no eswe aali yaabutuka kulila.

Ubutukilo 43:30

Ha kumona mwanakwo Benjamine, Josefe yalibikala kuhiana. Yamba kulila lizeliene, alioze yakatuka nikawashi, yanjila mu zuwo lienyi lia kubomba ni kulilila mo.

Ubutukilo 45:2

Yabwozonoka kuhiana, mba akwa Egiptu yaamwivwa. Sango jize yijiheta ndoo maha mwanangana.

Kutuhuka 18:7

Mose yaya ni kumubatwiza, yafulamana ku meso jenyi, yamushisa. No yaalihula sango, mba yaanjila mu zuwo lia Mose lia makubu.

Kutuhuka 4:27

Mwene Zambi te halweza kulu Arane ngwenyi: “Yako utakane ni Mose mu puya.” Neye yaya ni kubatwiza Mose ha mulundu wa Zambi. Muze haalitakana, Arane yamushisa.

A-ROMA 16:16

Limenekenu ni mbeju ya kulinanga. Yikungulwila yeswe ya Kristu kaananumeneka.