Ubutukilo 29:1 - Mukanda Wa Zambi 1970

¹ Yakoba yaheta maha Labane Yakoba yaya mu jila yenyi, yatalikisa mu chifuchi cha atu waze atwama ku chivumbuko.

MUKANDA USANDU WA ZAMBI 1975

¹ Mba Yakomba yaya mu jila yenyi, yaheta ku chifuchi cha ana ja ku Chivumbuko.

Ubutukilo 29:1 Iomraidhean Croise

Ubutukilo 24:10

Mwe kavumbi yanda tushitu anene tumelu kumi twa mwata wenyi Abrahama, yaya ni yawana yilemu yeka ni yeka ku limbo Ha Nahore, yayo ya Abrahama, mu chifuchi cha Mesopotamia.

Ubutukilo 25:20

Isake te habwa ni miaka makumi awana muze ambachile Rebeka, ndumbu ya Labane, mwana wa Betuele. Mwe Betuele wa ku chikota cha Arameane mu chifuchi cha Mesopotamia.

Ubutukilo 25:6

Alioze muze te Abrahama kanda achifwa, ana malunga waze asemene ni mapwo akwo, yaahaha yawana. Mba yaalweza ha kuhichika chifuchi cha Isake ni kuya ku chifuchi cha ku sali lia chivumbuko.

Ubutukilo 35:1

Zambi yambila Yakoba ngwenyi: “Katuka uye ku limbo lia Betele, Ukatwame ko. Ukatunge chilumbilo homa haze akusolokelele Zambi muze wachinyine yayenu Esau.”

Ubutukilo 35:7

Yatunga ko chilumbilo, yaluka ko jina ngwenyi, Betele, mumu kwenako alimwene ni Zambi, muze te anachinyi yayo Esau.

1 Yitanga Ya Mianangana 4:30

Mana a Solomone kahiana mana ja akwa chivumbuko ni akwa Egiptu.

Miaso (Masamu) 119:32

Mungufunga kanawa Shimbi je, mumu yena muunguweza mana.

Miaso (Masamu) 119:60

Mungulipupwisa kufunga Shimbi je, chichi kulaluka.

Longeshi 9:7

Likoleleze ulie yakulia ye, awahilile; nwako vinyu ye ni kuwahilila. Yino yeswe yinawaha ku meso ja Zambi.

Hosea 12:12

Kashakulu kenu Yakoba yachinyina ku chifuchi cha Mesopotamia. Kwenako alingilile mutu mukwo, yafunga mapanga hanga amwehe pwo.

Kwalula 23:7

Balame yahanjika munanyi ngwenyi: “Balake mwanangana wa Moabe hanangutambika chize ku Siria, ku milundu ya ku chivumbuko ‘Tweya unguhanjikile, ungushingile Aisraele.’

Akwa Kuyula 6:3

Muze Aisraele akuwile yimwe mbuto, Amidiane ni Aamaleke ni mavungu a mu puya yeeza ni kwasa no jita.

Akwa Kuyula 6:33

Hohene Amidiane eswe, ni Aamaleke, ni mavungu a ku puya yaalikungulula, yaazauka Yordau, yaasa musumba wo ku chikulo cha Jezrele.

Akwa Kuyula 7:12

Amidiane, ni Aamaleke, ni mavungu a ku puya te haalizaza mu chikulo, kwoka cho ngwe makumbi. Yaabwa ni tumelu anene, anji, kwoka cho ngwe masekeseke a ku mbumbulu ya kalunga lwiji.

Akwa Kuyula 8:10

Zeba ni Zalumuna te kaali ku Karkore ni tujita two. Ku mbunga ya tujita two twa mu puya yikusala lume 15,000; mumu 120,000 te haashiha kulu.