Ubutukilo 28:4 - Mukanda Wa Zambi 1970

⁴ Akakuwahise yena ni vungu lie ngwe chize awahishile Abrahama. Akakwehe chifuchi chino cha ungeji we chize ahele Abrahama, ukatwame mo.”

MUKANDA USANDU WA ZAMBI 1975

⁴ Akakwehe chiwape cha Apalahama, ni ku munyachi we hamuwika hanga ukahinge chifuchi cha unjize we, chize Zambi wahanyine kuli Apalahama.

Ubutukilo 28:4 Iomraidhean Croise

Ubutukilo 12:7

Mwene Zambi yasolokela Abrama nikwamba ngwenyi: “Chino che chifuchi mungukahana kuli vungu lie.” Mba Abrama yatunga chilumbilo homa haze, mumu kwenako Mwene Zambi amusolokelele.

Ubutukilo 15:8

Alioze Abrama ngwenyi: “Ngwe kuchi mungunyingika ngwami, munguchihinga?”

Ubutukilo 27:33

Isake yabutuka kuchikima nganganga, ngwenyi: “Mba iya yoze wangushihila yifwo, hangunehena yo kuno? He haliabwila lume nayilia muze kanda uchiheta! Mba hinamuwahisa kulu. Kumakawaha ndoo ku miaka yeswe, chahashile kuchichiza nawa.”

Ubutukilo 37:1

Yakoba te katwama mu chifuchi cha Kanana, muze te atwamine tato.

1 Sango Ja Mianangana 29:15

Aa Mwene Zambi, yena Unanyingika, yetu tuli yilambala ni ngeji, ngwe chize abwile nawa tushakulu twetu. Matangwa jetu kakubalika ngwe chizulie, kutuchi kuhasa kuchina kufwa.

Miaso (Masamu) 39:12

Mwene Zambi, banjika kuliumba chami, wivwe kama kuteta chami; ngukwase muze ngunalili. Nguli lume ngeji hano hashi ha matangwa akepe ngwe tushakulu twami eswe.

Miaso (Masamu) 72:17

Jina lienyi atu kanda alivulama, lufuma wenyi alinduluke ngwe chize liakulinduluka tangwa. Mavungu eswe amuchichimieke, ahule Zambi aawahisa; atu no awahise mwe mwanangana.

Kutuhuka 6:4

Nawa, yingukolesa no Usendo, yingwalakenya chifuchi cha Kanana, chifuchi chize atwamine ngwe njize.

Galashia 3:14

Kristu yashingiwa hanga uwahiso uze Zambi alakenyene kuli Abrahama ukabwe hali waze hi Ayuda ko, ku kukwasa cha Yesu Kristu, hanga yetu, ku ufulielo, tutambule Mwiku uze alakenyene Zambi.

Galashia 3:8

Mukanda wa Zambi yiulianga kumona kulutwe ngwo, Zambi makapwisa waze hi Ayuda ko akwa ululi, mumu ha ufulielo wo. Kashika yiwambujola shimbu kanda sango jino kuli Abrahama ngwo: “Zambi makawahisa akwa hashi eswe mumu hali yena.”

Efesu 1:3

Tusakwililenu Zambi kanda Tato ya Mwene wetu Yesu Kristu! Hanatuwahisa mu kulinunga chetu ni Kristu ni kutwaha yiwape yeswe ya mwilu ya uzambi.