Ubutukilo 28:3 - Mukanda Wa Zambi 1970

³ Zambi Mukwa Ndundo Jeswe akakuwahise, akakwehe ana, akakwokese ukabwe tato ya mavungu anji hano hashi.

MUKANDA USANDU WA ZAMBI 1975

³ Zambi Mukwa-Ndundo-Jeswe akakuwahise, akakwehe ana, akakwokese ukapwe chendo cha mavungu.

Ubutukilo 28:3 Iomraidhean Croise

Ubutukilo 1:28

Yaawahisa, yaamba ngwenyi: “Semenu, nuliokese, nuzalise hashi heswe ni kuyula ho. Nuyule yishi a mu kalunga lwiji, ni tujila a mu tetela, ni tushitu eswe akwenda hashi.

Ubutukilo 13:16

Mungukokesa vungu lie ngwe masekeseke. Nyi atu maahasa kwalula masekeseke, ni vungu lie nawa kumaahasa kwaalula.

Ubutukilo 17:20

Hakutwala kuli Ishmaele hinakwivwa, hinamuwahisa. Mungukamupwisa semi, mungukamwokesa kuhiana; makasema mianangana kumi ni aali.

Ubutukilo 24:60

Yaawahisa Rebeka ni maliji wano ngwo: “Yena ndumbwetu, ukabwe semi wa tununu ni tununu. Vungu lie akakumbe akwa kole jo.”

Ubutukilo 26:24

Ha ufuku uzewene Mwene Zambi yamusolokela, yamwamba ngwenyi, “Kanda wivwa woma. Nguli Zambi ya tatenu Abrahama, nguli hamwe ni yena. Mungukakuwahisa, mungukokesa vungu lie mumu hali kavumbi kami Abrahama.”

Ubutukilo 26:4

Mungukakupwisa vungu linene, ngwe matongonoshi a mwilu. Mungukaaha chifuchi chino cheswe. Ku vungu lie mungukawahisa mavungu akwo eswe,

Ubutukilo 27:33

Isake yabutuka kuchikima nganganga, ngwenyi: “Mba iya yoze wangushihila yifwo, hangunehena yo kuno? He haliabwila lume nayilia muze kanda uchiheta! Mba hinamuwahisa kulu. Kumakawaha ndoo ku miaka yeswe, chahashile kuchichiza nawa.”

Ubutukilo 35:11

Zambi yamwamba nawa ngwenyi: “Yami nguli Mwene Zambi Mukwa Ndundo Jeswe. Usema ana anji. Vungu lie maakabwa anji, akwo maakabwa mianangana anene. Vungu lie mulikoka, maakabwa mavungu anene.

Ubutukilo 41:52

Yamba nawa ngwenyi: “Zambi hangwaha ana mu chifuchi chino ngunakamwena lamba.” Mba yaluka mwanenyi wa muchaali jina ngwenyi, Efraime.

Ubutukilo 43:14

Zambi Mukwa Ndundo Jeswe anukwase hanga mwe lunga akanuvwile keke, akanwehe yayenu ni Benjamine, nukeze no. Alioze yami, nyi ana jami maatoka, atoke kwo.”

Ubutukilo 48:3

Yambila Josefe ngwenyi: “Mwene Zambi hanangusolokela ku limbo lia Luze mu chifuchi cha Kanana, yanguwahisa, mba

Ubutukilo 48:4

yamwamba ngwenyi: ‘Mungukakwaha ana anji kuhiana, vungu lie maakabwa anji. Chifuchi chino mungukachihana kuli vungu lie hanga chikabwe nicho ndoo ku miaka yeswe.’

Ubutukilo 49:25

Mwe Zambi ya tatenu kakukukwasa. Zambi Mukwa Ndundo Jeswe kakukuwahisa ni yiwape ya vula kwilu, ni yiwape ya meya kushi lia mavu, ni yiwape ya ana ni yimuna,

Ubutukilo 9:1

Zambi yawahisa Noa ni ana jenyi a malunga ngwenyi: “Semenu nuliokese, nukazalise hashi heswe.

Miaso (Masamu) 127:1

Nyi Mwene Zambi katungile zuwo, milimo ya tungi yili kwayo yamokomoko. Nyi Mwene Zambi kafungile limbo, tufunga kaakutwama chamokomoko.

Miaso (Masamu) 127:3

Ana kaali chawana cha kuli Zambi, kaali yiwape yize akwaha atu jenyi.

Kutuhuka 1:7

Alioze Aisraele yasema ana anji, yooka kuhiana, te akwa ndundo nawa. Chifuchi cheswe yichizala ni ayo.

Kutuhuka 6:3

Hingunalisolola kuli Abrahama, ni Isake, ni Yakoba ngwami, nguli Zambi Mukwa Ndundo Jeswe. Alioze chaalwezele jina lino ngwami, Mwene Zambi

2 Korintu 6:18

Mungukabwa tatenu, mba ni yenu munukabwa ana jami a malunga ni ana jami a mapwo, Chenacho anambe Mwene Mukwa Ndundo Jeswe.”

Usolwelo 21:22

Chamwene zuwo lia Zambi mu limbo lize, mumu zuwo lia Zambi lili Mwene Zambi, Mukwa Ndundo Jeswe, ni mwe Mwana Panga.

Rute 2:4

Mba ha tangwa lizeliene, mwe Boaze yakatuka ku Betleheme, yahianyina ku munda wenyi. Yameneka akwa milimo jenyi ngwenyi: “Mwene Zambi abwe hamwe ni yenu.” Ayo ngwo: “Vulie mwane, Mwene Zambi anuwahise.”