Ubutukilo 28:22 - Mukanda Wa Zambi 1970

²² Liwe lino namika ngwe chingina, mulikabwa zuwo lia Zambi. Ku yuma yeswe yize mangwaha, mungukahilwisa Chihanda chimuwika cha ku yihanda kumi.”

MUKANDA USANDU WA ZAMBI 1975

²² Ni liwe lino hinalimika likapwe liwe lia kumika mulipwa zuwo lia Zambi. Ya yize yeswe mungwaha munguhilwisa chihanda chimuwika cha hakachi ka yihanda kumi.

Ubutukilo 28:22 Iomraidhean Croise

Ubutukilo 12:8

Mwabwamuze yaya ku sude ku milundu yize yili ku chivumbuko cha limbo lia Betele. Yajika ko zuwo lienyi lia makubu, hakachi ka Betele ku chitokelo ni Ayi ku chivumbuko. Yatunga ko nawa chilumbilo.

Ubutukilo 14:20

Zambi Mwilu Mwahiana, yoze wakukwashile kukumba akwa kole je, afumane.” Mba Abrama yamwaha Chihanda chimuwika cha ku yihanda kumi ya yuma yeswe yize atambwile mu jita.

Ubutukilo 21:33

Mba Abrahama yatumba mitondo homa haze, yawayila Mwene Zambi Wa Miaka Yeswe.

Ubutukilo 28:17

Yevwa woma, yamba ngwenyi: “Homa hano hakole ni woma. Kuma he ha zuwo lia Zambi, ku chikolo cha mwilu.”

Ubutukilo 33:20

Yatunga ho chilumbilo, yachiluka jina ngwenyi, Zambi kali Zambi ya Israele.

Ubutukilo 35:1

Zambi yambila Yakoba ngwenyi: “Katuka uye ku limbo lia Betele, Ukatwame ko. Ukatunge chilumbilo homa haze akusolokelele Zambi muze wachinyine yayenu Esau.”

Ubutukilo 35:7

Yatunga ko chilumbilo, yaluka ko jina ngwenyi, Betele, mumu kwenako alimwene ni Zambi, muze te anachinyi yayo Esau.

Ubutukilo 47:24

Muze munukahela mbuto mu minda, Chihanda chimuwika cha ku yihanda yitano chanutamba kuchilambula kuli mwanangana. Yize muyikasala, yikwo munukatumba mu minda yenu, yikwo munukalia hamwe ni ana jenu.”

Ubutukilo 47:26

Mba Josefe yahana Shimbi mu chifuchi cheswe cha Egiptu ngwenyi: Ku mbuto yeswe ya mu minda, Chihanda chimuwika cha ku yihanda yitano cha mbala cha mwanangana. Ye Shimbi kuyili ndoo ni musono uno. Shina chifuchi cha mahako a Zambi mwanangana kalanjile ko.

Malaki 3:10

Nehenu yihanda yenu yeswe ya cha kumi ku zuwo liami hanga likazale ni yakulia yinji. Achingwesekenu, mba munumona chize mungunwazulwila tupenda twa mwilu ni kunuzukwila yuma yibema yeka ni yeka.