Ubutukilo 28:2 - Mukanda Wa Zambi 1970

² Lilulike uye ku chifuchi cha Mesopotamia, ku limbo lia kakenu Betuele, kwenako muukambachila pwo, umwe pwo wa kuli nokotu Labane.

MUKANDA USANDU WA ZAMBI 1975

² Katuka uye ku Panda-narame ku zuwo lia Mbetule tato ya noko, ukambateko pwo wa kuli ana ja Lapane ndumbwa-noko.

Ubutukilo 28:2 Iomraidhean Croise

Ubutukilo 24:10

Mwe kavumbi yanda tushitu anene tumelu kumi twa mwata wenyi Abrahama, yaya ni yawana yilemu yeka ni yeka ku limbo Ha Nahore, yayo ya Abrahama, mu chifuchi cha Mesopotamia.

Ubutukilo 24:29

Labane, ndumbwa Rebeka, yamona kazeya ni mikosa yize te anazala Rebeka. Yatuhuka nikawashi, yazomboka ku shima lia meya kuze te anamana mwe kavumbi ni tumelu twenyi.

Ubutukilo 24:4

Alioze hiluka ku chifuchi chami, kwenako muukafupila Isake pwo.”

Ubutukilo 24:50

Labane ni Betuele yaamukumbulula ngwo: “Chuma chino cha kuli Mwene Zambi iye mwene, yetu kutushi ni chize mutwamba.

Ubutukilo 25:20

Isake te habwa ni miaka makumi awana muze ambachile Rebeka, ndumbu ya Labane, mwana wa Betuele. Mwe Betuele wa ku chikota cha Arameane mu chifuchi cha Mesopotamia.

Ubutukilo 28:5

Isake yatuma Yakoba ku chifuchi cha Mesopotamia, maha Labane, mwana wa Betuele. Mwe Betuele te wa ku vungu lia Arame. Labane mwe ndumbwa Rebeka, naye ya Esau ni Yakoba.

Ubutukilo 29:1

Yakoba yaheta maha Labane Yakoba yaya mu jila yenyi, yatalikisa mu chifuchi cha atu waze atwama ku chivumbuko.

Ubutukilo 32:10

Yami, kavumbi ke, ha kumona chize wangulwezele zango, ni chize wamanunwine yilakenyo yeswe yize wangulakenyene, kuyangutelele nihakepe. Nazaukile lwiji wa Yordau, te Chishi nichimwe ku moko, shina lukanda wami wika. Alioze haliabwila ngunahiluka ni mbunga jaali.

Ubutukilo 33:18

Chenacho Yakoba ahetele kanawa ku limbo lia Shekeme mu chifuchi cha Kanana muze akatukile mu chifuchi cha Mesopotamia. Yajika musumba wenyi mu munda hehi ni limbo.

Ubutukilo 35:9

Yakoba, ha kuheta chenyi ku Kanana, Zambi yamusolokela nawa, yamuwahisa ngwenyi:

Ubutukilo 46:15

Wano e ana a malunga Leya asemene mu chifuchi cha Mesopotamia, yasema nawa mwana wa pwo Dina. Vungu lia Leya kwoka cho te makumi atatu ni atatu.

Hosea 12:12

Kashakulu kenu Yakoba yachinyina ku chifuchi cha Mesopotamia. Kwenako alingilile mutu mukwo, yafunga mapanga hanga amwehe pwo.

Hosea 12:13

Mwene Zambi yatuma umwe mukwa munanyi atuhwise Aisraele mu undungo mu Egiptu, aafunge.