Ubutukilo 28:18 - Mukanda Wa Zambi 1970

¹⁸ Yakoba yalimeneka, yanda liwe lize atengele musau, yalimika ngwe chingina, yazujila ho maji.

MUKANDA USANDU WA ZAMBI 1975

¹⁸ Yakomba yalimeneka, yanda liwe lize halitenga mushachilo, yalimika lipwe liwe lia kumika yazuza maji ha songo lialio.

Ubutukilo 28:18 Iomraidhean Croise

Ubutukilo 21:14

Abrahama yalimeneka, yanda mbolo ni mulondo unazala too ni meya, yayitwika ha yipaya ya Hagare, mba yashika Hagare ni mwanenyi. Hagare yakatuka, yaya ni kwendangana mu puya ya Bersheba.

Ubutukilo 22:3

Abrahama yalimeneka, yachaya kunyi ja kwochela mulambu, yajikashila ha chimbulu, yabwila mu jila hamwe ni Isake ni ngamba jenyi aali. Yaaya kuma kuze amulwezele Zambi.

Ubutukilo 28:11

Yaheta hamwe homa hanga abombe ko, mumu te tangwa hiliatoka kulu. Yanda liwe yalitenga musau.

Ubutukilo 31:13

Nguli Zambi yoze wakusolokelele ku Betele, haze wamikine chingina ni kuhinjila ho maji, homa haze wangulakenyene. Kashika tuhuka mu chifuchi chino, hiluka ku chifuchi che kuze wasemukinyine.’ ”

Ubutukilo 31:45

Mba Yakoba yanda luliwe, yaanuka.

Ubutukilo 35:14

Yakoba yamika ho liwe ha chiwulukilo, yahinjila ho vinyu ni kuzujila ho maji ha kulikunjika kuli Zambi,

Ubutukilo 35:20

Yakoba yamika liwe ha fuka lia Rashele. Lie liwe kwe lili ndoo ni musono.

2 Samuel 18:18

Absalome, shimbu lize te achili ni mwono, te hanalitungila chingina mu chikulo cha Mwanangana, mumu te keshi mwana wa lunga yoze makahinga jina lienyi. Kashika yachiluka jina lienyi. Ndoo ni musono atu kaakuchivuluka ngwo: “Chingina cha Absalome.”

Miaso (Masamu) 119:60

Mungulipupwisa kufunga Shimbi je, chichi kulaluka.

Longeshi 9:10

Uhondangana milimo ye yeswayo wakulinga, mumu muze muma lia afu kumushi milimo, chibwe kunyonga, chibwe chinyingi, chibwe mana; mwenamo muukaya.

Izaya 19:19

Muze tangwa lize mulikeza, mukukabwa chilumbilo cha Mwene Zambi mu chifuchi cha Egiptu, ni liwe linene ku njiza ya Egiptu amwiwulule.

Kwalula 7:1

Ha tangwa lize Mose amanunwine kumika zuwo lia Zambi lia makubu, yaliwahisa ni kulikunjika kuli Mwene Zambi hamwe ni yuma yalio yeswe, ni chilumbilo ni ye yuma yacho yeswe.

Yoshua 4:9

Yoshua yatunga nawa chingina cha mawe kumi ni aali hakachi ka Yordau, haze te anamana mahako waze anambata mushete wa Usendo. (Mawe waze kwe ali ndoo ni musono uno.)

1 Samuel 7:12

Henaho Samuel yanda liwe, yalimika hakachi ka Mizpa ni Shene, yaliluka jina ngwenyi: Ebenezere, ni kwamba ngwenyi: “Mwene Zambi hatukwasa ndoo ni musono.”