Ubutukilo 28:17 - Mukanda Wa Zambi 1970

¹⁷ Yevwa woma, yamba ngwenyi: “Homa hano hakole ni woma. Kuma he ha zuwo lia Zambi, ku chikolo cha mwilu.”

MUKANDA USANDU WA ZAMBI 1975

¹⁷ Yevwa woma ngwenyi, Kuma kuno, kole ni woma. Kuno kwe ku zuwo lia Zambi, hi kweka ko. Kuno kwe ku chikolo cha mwilu.

Ubutukilo 28:17 Iomraidhean Croise

Ubutukilo 28:18

Yakoba yalimeneka, yanda liwe lize atengele musau, yalimika ngwe chingina, yazujila ho maji.

Ubutukilo 28:22

Liwe lino namika ngwe chingina, mulikabwa zuwo lia Zambi. Ku yuma yeswe yize mangwaha, mungukahilwisa Chihanda chimuwika cha ku yihanda kumi.”

Miaso (Masamu) 68:35

Zambi kakulisolola kole ni woma kuze ku zuwo lienyi lia chijila. Mwene Zambi ya Israele kakuhana tachi ni ngolo kuli atu jenyi. Fumanyisenu Zambi!

Kutuhuka 3:5

Zambi ngwenyi: “Kanda ukundama kuno. Zula sapato (haku) je, mumu homa hano unamana ha chijila.

Kutuhuka 3:6

Nguli Zambi ya akaka je, Zambi ya Abrahama, ni Isake, ni Yakoba.” Mose yafuka ku meso, mumu yevwa woma ha kutala Zambi.

Longeshi 5:1

Muze unayi ku zuwo lia Zambi kanyama. Chili chibema kulambula mulambu ku zuwo lia Zambi, alioze chibema kuhiana kwivwa maliji a Zambi. Yihepuke waze kaanyingikine yibi ni yibema, kaakulambula milambu wika.

Mateu 17:6

Tumbaji, ha kwivwa liji lino, yeevwa woma unji, yaafulamana.

Luka 2:9

Susumuku kanganda ka mwilu yamana hehi no. Uhenya wa Mwene Zambi yiuhenya hali ayo. No yeevwa woma unji.

Luka 8:35

Atu yaatuhuka ni kutala chize chabwile, yaaheta kuli Yesu, yaamona mutu muli yoze mwatuhukile mwiku wa luchisa, kanatwama ku molu ja Yesu, hazala mahina, habwa ni manyonga a utu, mba atu yeevwa woma.

1 Timoteu 3:15

Alioze, nyi nalaluka, mukanda uno muukulweza chize Chakutamba kubwa mukachi ka akwa Kristu, che Chikungulwila cha Zambi ya mwono, lie nguji ni fundamentu yamwenemwene.

Hebreu 10:21

Tuli ni hako munene yoze wakuyula atu ja Zambi.

1 Petulu 4:17

Tangwa hiliaheta lize Zambi mabutula kubatwila atu. Hatangu mabatwila atu jenyi. Nyi yetu tuli atangu waze mabatwila, kuchi muchibwa kuli waze akulituna kufuliela Sango Jibema ja Zambi?

Usolwelo 1:17

Muze namumwene, yingufulamana ku molu jenyi ngwe mufu. Yangunangika kwoko lienyi lia chindume nikwamba ngwenyi: “Kanda wivwa woma! Nguli mwe mutangu ni mwe kasula songo.

Akwa Kuyula 13:22

Manoa yambila pwo lienyi ngwenyi: “Mama! Mutufwa kwetu, mumu hitwamona Zambi!”