Ubutukilo 28:16 - Mukanda Wa Zambi 1970

¹⁶ Yakoba yalaula, yamba ngwenyi: “Haa puu! Chamwenemwene Mwene Zambi hano hali. Te chachinyingikine!”

MUKANDA USANDU WA ZAMBI 1975

¹⁶ Mba Yakomba yalaula ku tulo twenyi, yamba ngwenyi, Pundu, Yehova kuno kwali, ami chachinyingikine.

Ubutukilo 28:16 Iomraidhean Croise

1 Yitanga Ya Mianangana 3:15

Solomone yalaula, kuma te chilota. Mba yahiluka ku Yerusaleme, yamanyina kulutwe lia mushete wa Usendo wa Mwene Zambi ni Aisraele, yalambula milambu ya kwocha ni ya kulivwa ni Zambi. Mba yalingila akwa kuyula jenyi eswe chiteleka.

Jobe 33:14

Chibwe Zambi kakuhanjika nawa ni nawa, kukushi mutu yoze mamwivwa.

Jobe 9:11

Zambi kakubalika, alioze chishi kumumona, kakuhiana, alioze chishi kunyingika nichimwe.

Miaso (Masamu) 139:7

Kulihi munguhasa kuchina Mwiku we? Kulihi mungukuchinyina?

Miaso (Masamu) 68:35

Zambi kakulisolola kole ni woma kuze ku zuwo lienyi lia chijila. Mwene Zambi ya Israele kakuhana tachi ni ngolo kuli atu jenyi. Fumanyisenu Zambi!

Kutuhuka 15:11

“Aa Mwene Zambi, hakachi ka mazambi, iya walifwa ni yena? Iya uli munangi ngwe yena? Iya malinga yilayi ni yikomokeso ngwe yena?

Kutuhuka 3:4

Muze Mwene Zambi hamona ngwenyi, Mose kanakundama ko, yamutambika mukachi ka chibuta ngwenyi: “Mose! Mose!” Iye ngwenyi: “Ewa mwane.”

Kutuhuka 3:5

Zambi ngwenyi: “Kanda ukundama kuno. Zula sapato (haku) je, mumu homa hano unamana ha chijila.

Izaya 8:13

Iwuluka ngwe, yami Mwene Zambi Mukwa Ndundo Jeswe, nguli munangi, nguli yoze Chakutamba kuvwila woma.

Jeremia 31:26

Mba, atu maakamba ngwo: ‘Nayanga mu tulo, nahinduka kanawa.’ ”

Kwalula 12:6

Mwene Zambi yaamba ngwenyi: “Haliabwila banjikenu chize ngunambe! Muze nuli ni akwa munanyi mukachi kenu, nakusoloka kuli ayo mu Usolwelo ni kuhanjika no mu yilota.

Yoshua 5:13

Muze Yoshua abwile hehi ni limbo lia Yeriku, susumuku yamona lunga unamana kulutwe lienyi, te kanakwata mukwale. Yoshua yamukundama, yamuhula ngwenyi: “Yena uli wa kuli tujita twetu, nyi uli mukwa kole?”

Yoshua 5:15

Mwe mwata wa tujita twa Mwene Zambi yamukumbulula ngwenyi: “Zula sapato je; homa unamana hali homa ha chijila.” Yoshua yalinga ngwe chize amwambile.