Ubutukilo 28:13 - Mukanda Wa Zambi 1970

¹³ Yamona nawa Mwene Zambi kanamana hakamwihi nikwamba ngwenyi: “Nguli Mwene Zambi, Zambi ya Abrahama ni Isake. Chifuchi chino unabombo mungukakwaha cho yena ni vungu lie.

MUKANDA USANDU WA ZAMBI 1975

¹³ Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 28:13 Iomraidhean Croise

Ubutukilo 12:7

Mwene Zambi yasolokela Abrama nikwamba ngwenyi: “Chino che chifuchi mungukahana kuli vungu lie.” Mba Abrama yatunga chilumbilo homa haze, mumu kwenako Mwene Zambi amusolokelele.

Ubutukilo 13:15

Chifuchi cheswe chize unamono mungukwaha cho, yena ni vungu lie, ndoo ku miaka yeswe.

Ubutukilo 13:17

Haliabwila katuka wendese chifuchi cheswe, mumu mungukwaha cho.”

Ubutukilo 15:1

Mwabwa muze Mwene Zambi yalweza Abrama mu Usolwelo ngwenyi: “Abrama, kanda wivwa woma, yami nguli lukebwe we. Mungukwaha chawana chinene kuhiana.”

Ubutukilo 15:18

Ha shimbu lizeliene Zambi yakolesa Usendo ni Abrama ngwenyi: “Ngunalakenya kuhana chifuchi chino cheswe ku vungu lie, chize ku lwiji ku njiza ya chifuchi cha Egiptu ndoo ku lwiji Ufrateze,

Ubutukilo 26:24

Ha ufuku uzewene Mwene Zambi yamusolokela, yamwamba ngwenyi, “Kanda wivwa woma. Nguli Zambi ya tatenu Abrahama, nguli hamwe ni yena. Mungukakuwahisa, mungukokesa vungu lie mumu hali kavumbi kami Abrahama.”

Ubutukilo 26:3

Twama hano, mungubwa hamwe ni yena, mungukuwahisa. Mungukwaha chifuchi chino cheswe, yena ni vungu lie. Mungukakolesa Shingo lize nalishingile ni tatenu Abrahama.

Ubutukilo 28:4

Akakuwahise yena ni vungu lie ngwe chize awahishile Abrahama. Akakwehe chifuchi chino cha ungeji we chize ahele Abrahama, ukatwame mo.”

Ubutukilo 31:13

Nguli Zambi yoze wakusolokelele ku Betele, haze wamikine chingina ni kuhinjila ho maji, homa haze wangulakenyene. Kashika tuhuka mu chifuchi chino, hiluka ku chifuchi che kuze wasemukinyine.’ ”

Ubutukilo 31:42

Nyi Zambi ya atata, Zambi ya Abrahama ni ya Isake, kabwile ko hamwe ni yami, kachi mwe mokomoko lume unakanguhanga. Alioze Zambi yamona lamba liami, ni kuhondangana chami. Kashika wakukumikanga ufuku wa musono.”

Ubutukilo 31:5

Yaalweza ngwenyi: “Hinamona ngwe tatenu halumuka, keshi nawa ngwe chize abwile hatangu. Alioze Zambi ya tata kali hamwe ni yami.

Ubutukilo 31:53

Zambi ya Abrahama ni Zambi ya Nahore matubatwila.” Mba Yakoba yalishinga ni jina lia Zambi yoze akuwayila tato Isake.

Ubutukilo 32:10

Yami, kavumbi ke, ha kumona chize wangulwezele zango, ni chize wamanunwine yilakenyo yeswe yize wangulakenyene, kuyangutelele nihakepe. Nazaukile lwiji wa Yordau, te Chishi nichimwe ku moko, shina lukanda wami wika. Alioze haliabwila ngunahiluka ni mbunga jaali.

Ubutukilo 32:9

Hohene yalemba ngwenyi: “Zambi ya kaka Abrahama ni tata Isake, ngwivwe kama. Yena Mwene wami wangwambile nguhiluke ku chifuchi chami, ni kuli usoko wami, mba muukanguwahisa.

Ubutukilo 35:1

Zambi yambila Yakoba ngwenyi: “Katuka uye ku limbo lia Betele, Ukatwame ko. Ukatunge chilumbilo homa haze akusolokelele Zambi muze wachinyine yayenu Esau.”

Ubutukilo 35:12

Chifuchi chino nahele Abrahama ni Isake, ngunakwehe cho yena ni vungu lie lia kulutwe.”

Ubutukilo 35:15

yaluka ho jina ngwenyi, Betele.

Ubutukilo 35:17

Muze misongo hiyoka chifunguji yamwamba ngwenyi: “Kanda wivwa woma, yono nawa kali mwana wa lunga.”

Ubutukilo 46:3

Zambi ngwenyi: “Yami nguli Zambi, Zambi ya tatenu. Kanda wivwa woma ha kuya ku chifuchi cha Egiptu. Kwenako mungukakupwishila vungu linene.

Ubutukilo 48:3

Yambila Josefe ngwenyi: “Mwene Zambi hanangusolokela ku limbo lia Luze mu chifuchi cha Kanana, yanguwahisa, mba

1 Sango Ja Mianangana 16:16

Usendo uze akolesele ni Abrahama, chilakenyo chize alakenyene kuli Isake.

1 Sango Ja Mianangana 16:18

Ngwenyi: “Mungukakwaha chifuchi cha Kanana, muchikabwa chihinga che.”

Miaso (Masamu) 105:11

Ngwenyi: “Mungukakwaha chifuchi cha Kanana, muchikabwa chihinga che.”

Kutuhuka 2:24

Neye yewuluka Usendo wenyi ni Abrahama, ni Isake, ni Yakoba,

Kutuhuka 3:6

Nguli Zambi ya akaka je, Zambi ya Abrahama, ni Isake, ni Yakoba.” Mose yafuka ku meso, mumu yevwa woma ha kutala Zambi.

Kutuhuka 4:5

Mwene Zambi ngwenyi: “Ukalinge Chenacho hanga Aisraele akafuliele ngwo, Mwene Zambi, Zambi ya akakenu, Zambi ya Abrahama, ni Isake, ni Yakoba, hinakusolokela.”

Kutuhuka 6:4

Nawa, yingukolesa no Usendo, yingwalakenya chifuchi cha Kanana, chifuchi chize atwamine ngwe njize.

Kutuhuka 6:7

Mungunupwisa lume atu ja yami mwene, mungubwa Zambi yenu. Mununyingika ngwenu, nguli Mwene Zambi, Zambi yenu, muze mungunutusula mu undungo kuli akwa Egiptu.

Ezekiel 28:25

Mwene Zambi yamba ngwenyi: “Mungukachiza Aisraele hakachi ka mavungu kuze naamwanginyine ni kwahilwisa ku chifuchi cho. Mba mavungu eswe maakanyingika ngwo, yami nguli munangi. Aisraele kumaakatwama mu chifuchi cho ene, chifuchi chize nahanyine kuli kavumbi kami Yakoba.

Amose 7:7

Mwene Zambi yangulweza Usolwelo ukwo. Namumwene te kanamana hehi ni chipanga ni lwoji wa kwesekela nenyi mu kwoko lienyi. Chipanga chize yaachitunga ni ngeseko ya lwoji yoze.

Mateu 22:32

‘Nguli kwami Zambi ya Abrahama, ni ya Isake, ni ya Yakoba.’ Kulumbunuka ngwo: Zambi kali Zambi ya akwa mwono hi Zambi ya afu ko.”

Yilinga 7:5

Alioze kamuhele ko chihinga, chibwe haze manangika kulu lienyi. Ni mwene te kanda achibwa ni mwana, muze Zambi hamulakenya ngwenyi: ‘Mungukwaha chifuchi chino, yena ni vungu lie kulutwe.’

Shimbi 1:8

Chino cheswe chili chifuchi chize yami Mwene Zambi nalakenyene tushakulu twenu Abrahama, ni Isake, ni Yakoba, ni kuli mavungu jo. Yeenu nukachihinge.’ ”

Shimbi 34:4

Mba Mwene Zambi yambila Mose ngwenyi: “Chino che chifuchi chize nalakenyene Abrahama, ni Isake, ni Yakoba ngwami, mungukachihana ku vungu lio. Hinakulweza cho chitale, alioze chichi kukutayiza kunjila mo.”

Shimbi 9:5

Hi mumu ha ululi wenu ko, hanji ha mbunge jenu jibema kashika Zambi wanukwasa kuzuka chifuchi cho. Makaahanga mumu kaali yingulungulu, ni mumu kanazange kumanununa chilakenyo chize alakenyene kuli tushakulu twenu Abrahama, ni Isake, ni Yakoba.

Hebreu 11:16

Alioze kaahilukile ko, mumu te kaakwivwa usona wa kutwama mu chifuchi chibema, chize cha mwilu. Kashika Zambi keshi kwivwa sonyi muze akumuvuluka ngwo: “Zambi yetu,” mumu hanaalulikila limbo.