Ubutukilo 28:1 - Mukanda Wa Zambi 1970

¹ Isake yatambika Yakoba, yamuwahisa, mba yamwamba ngwenyi: “Mwanami, kanda umbata pwo wa mu chifuchi chino cha Kanana.

MUKANDA USANDU WA ZAMBI 1975

¹ Chocho Izake yasanyika Yakomba, yamuwahisa, yamwaha shimbi ya kwamba kuli iye ngwenyi, Kanda utambula pwo wa hakachi ka ana ja A-Kanana.

Ubutukilo 28:1 Iomraidhean Croise

Ubutukilo 24:3

Ngunazange ulishinge ku meso ja Mwene Zambi ya lilu ni hashi ngwe, kuuchi kambachila mwanami pwo wa kuli Akanana wano natwama no.

Ubutukilo 24:37

Mwata wami yangushingisa ngwenyi: ‘Kanda umbachila mwanami pwo mu chifuchi chino cha Kanana, muma muze natwama. Alioze yako ku chifuchi cha tata ni kumumbachila ko pwo.’

Ubutukilo 24:4

Alioze hiluka ku chifuchi chami, kwenako muukafupila Isake pwo.”

Ubutukilo 27:4

ungutelekele yakulia yiyema, ngwe chize nakuzanga. Ungunehene yo ngulie, hanga ngukuwahise shimbu kanda nguchifwa.”

Ubutukilo 27:46

Rebeka yambila Isake ngwenyi: “Mapwo ja Esau, Ahite, haanguhongesa kuhiana. Yakoba, nyi wambata nawa pwo wa ku vungu lino lia Ahite, chibema ngufwe lume.”

Ubutukilo 28:6

Esau yevwa ngwo, Isake hawahisa Yakoba ni hamutuma ni kumbata pwo ku chifuchi cha Mesopotamia. Yevwa nawa ngwo, muze Isake te anawahisa Yakoba, yamulweza ngwenyi kanda ambata pwo wa mu chifuchi cha Kanana.

Ubutukilo 34:16

Mba mutunutayiza ha kumbata ana jetu a mapwo, ni yetu mutumbata ana jenu. Mututunga hakachi kenu, mutubwa vungu limuwika.

Ubutukilo 34:9

Tukalimbachile ni yenu. Yenu munumbata ana jetu ni yetu mutumbata ana jenu.

Ubutukilo 38:2

Yamona ko umwe mwana pwo, jina lia tato te Shua, wa ku chifuchi cha Kanana. Yuda yamumbata.

Ubutukilo 48:15

Mwabwamuze Israele yawahisa Josefe ngwenyi: “Zambi yoze atata jami Abrahama ni Isake alingile, awahise ana malunga wano! Zambi yoze wangufungile ndoo ni musono, aawahise!

Ubutukilo 49:28

Wano kaali mavungu kumi ni aali a Israele, ni yuma yize aalwezele kuli tato. Yaawahisa mutu ni mutu nikulita ni yiwape yize yinamutela.

Ubutukilo 6:2

Muze atu ja Zambi haamona ngwo, ana mapwo kaanabeme kuhiana, yaabutuka kulimbata ni waze azangile.

Jeremia 29:6

Mbatenu mapwo, nuseme ana. Mbachilenu anenu a malunga mapwo, hanga no aseme ana, nuliokese kuchina munukeha.

Shimbi 33:1

Mose, mutu wa Zambi, shimbu te kanda achifwa, yawahisa Aisraele.