Ubutukilo 27:46 - Mukanda Wa Zambi 1970

⁴⁶ Rebeka yambila Isake ngwenyi: “Mapwo ja Esau, Ahite, haanguhongesa kuhiana. Yakoba, nyi wambata nawa pwo wa ku vungu lino lia Ahite, chibema ngufwe lume.”

MUKANDA USANDU WA ZAMBI 1975

⁴⁶ Mba Rebeka yamba kuli Izake ngwenyi, Mwono wami wangusekela mumu hali ana ja Hete ja mapwo. Nyi Yakomba mambata pwo wa kuli ana ja Hete ngwe wano akwa chifuchi, mwono wami muungupemena kuchi?

Ubutukilo 27:46 Iomraidhean Croise

Ubutukilo 24:3

Ngunazange ulishinge ku meso ja Mwene Zambi ya lilu ni hashi ngwe, kuuchi kambachila mwanami pwo wa kuli Akanana wano natwama no.

Ubutukilo 28:8

Mba Esau yanyingika ngwenyi, tato kuma keshi kuzanga mapwo ja mu chifuchi cha Kanana.

1 Yitanga Ya Mianangana 19:4

alioze iye mwene yenda tangwa lia muundu mu puya, yatwama mu chizulie mushi lia umwe mutondo, yazanga kufwa, yamba ngwenyi: “Mwene Zambi hijanguhwa! Hitambula mwono wami, mumu hinguli ko mukwa ululi kuhiana atata.”

Jobe 14:13

Zambi chinalite kachi ungusweke kama muma mwa afu, ngukaswame mo ndoo ufwatulo we muukahwa, mba ngwiwuluke kama.

Jobe 7:16

Hijanguhwa, hinahonga kubwa ni mwono, ngweche, mwono wami hiwasala kuhwima kamuwika.

Yona 4:3

Kashika Mwene Zambi, ngweche kwami ngufwe. Ngunamono ngwe chibema kufwa, chibi kutwama ni mwono.”

Yona 4:9

Alioze Mwene Zambi yamwamba ngwenyi: “Kuma chinalite kutenuka mumu lwitwi homa, nyi?” Yona ngwenyi: “Chinalite ngutenuke hanga ngufwe kwami!”

Kwalula 11:15

Nyi Wangulinga chino, nguvwile kama keke, ungushihe kwami, hanga chichi kamona nawa lamba lize unangumwesa.”