Ubutukilo 27:33 - Mukanda Wa Zambi 1970

³³ Isake yabutuka kuchikima nganganga, ngwenyi: “Mba iya yoze wangushihila yifwo, hangunehena yo kuno? He haliabwila lume nayilia muze kanda uchiheta! Mba hinamuwahisa kulu. Kumakawaha ndoo ku miaka yeswe, chahashile kuchichiza nawa.”

MUKANDA USANDU WA ZAMBI 1975

³³ Mba Izake yachikima kuhiana, yamba ngwenyi, Mba iya yoze handa yifwo, hangunehenayo? Hinayilia shimbu yena kanda wiza, hinamuwahisa, pundu kumakawaha.

Ubutukilo 27:33 Iomraidhean Croise

Ubutukilo 25:23

Neye yamukumbulula ngwenyi: “Mavungu aali ali mu jimo lie. Muukasema mavungu aali waze maakalitachika. Vungu limuwika maakabwa ni tachi kuhiana likwo. Vungu lia mukulwana maakalingila vungu lia kanuke.”

Ubutukilo 27:35

Isake ngwenyi: “Mwanakwenu heza kuno, hangwonga, hatambula kuwahisa che cheswe.”

Ubutukilo 28:1

Isake yatambika Yakoba, yamuwahisa, mba yamwamba ngwenyi: “Mwanami, kanda umbata pwo wa mu chifuchi chino cha Kanana.

Jobe 21:6

Nyi nanyonga yeswe yize hiyanguwana, ngunevu woma, mujimba weswe unachikima.

Jobe 37:1

Ye fuji yize kuyakuchikimisa mbunge yami.

Miaso (Masamu) 55:5

Ngunachikima ni woma, mwongo hiwangushata.

Kwalula 23:20

“Hangwaha Shimbi ya kuwahisa. Muze Zambi hawahisa, chahashile kwalumuna.

Yoano 10:10

Mwiji kakwiza shina lume ha kwiya, ni kushiha, ni kwonona. Yami nejile hanga atu abwe ni mwono; mwono wakulumbama.

A-ROMA 11:29

Mumu Zambi keshi kutambula nawa yize hanahane. Keshi kwalumuna manyonga jenyi hali waze atongwele.

Efesu 1:3

Tusakwililenu Zambi kanda Tato ya Mwene wetu Yesu Kristu! Hanatuwahisa mu kulinunga chetu ni Kristu ni kutwaha yiwape yeswe ya mwilu ya uzambi.

Hebreu 11:20

Ku ufulielo tata Isake yawahisa Yakoba ni Esau, yaalakenya hakutwala ku yiwape yize muyiza ho.