Ubutukilo 27:29 - Mukanda Wa Zambi 1970

²⁹ Mavungu akwo akakulingile, atu akwo akakuhetamine. Ukayule usoko we eswe, vungu lia naye akahetame ku meso je. Mweswawo makakushinga, neye akashingiwe. Mweswawo makakuwahisa, neye akawahe.”

MUKANDA USANDU WA ZAMBI 1975

²⁹ Minyachi akakuvumbike. Mavungu akafulamane kuli yena. Ukapwe mwene helu lia usoko we. Ana ja noko akafulamane kuli yena. Mweswe makushinga neye akashingiwe, Mweswe makuwahisa neye akawahe.

Ubutukilo 27:29 Iomraidhean Croise

Ubutukilo 12:3

Mungukawahisa waze maakakuwahisa, mungukashinga waze maakakushinga. Mungukawahisa mavungu eswe a hashi mumu hali yena.”

Ubutukilo 25:33

Yakoba ngwenyi: “Achilishinge.” Esau yalishinga, yalanjisa uswana wenyi kuli Yakoba.

Ubutukilo 27:30

Muze Isake hawahisa Yakoba, neye machituhuka mu zuwo lia tato, shimbu lizeliene Esau yahiluka ku chihunda.

Ubutukilo 27:37

Isake yakumbulula Esau ngwenyi: “Hinamupwisa mwata we, ni usoko wenyi eswe naapwisa ngamba jenyi. Hinamwaha yakulia ni vinyu. Mba kuchi mungukulinga nawa yena, mwanami?”

Ubutukilo 27:40

Muukabwa ni mwono ku tachi ja mukwale we. Muukalingila mwanakwenu. Alioze muze muukasa tachi, muukatusuka ku chiyulo chenyi.”

Ubutukilo 37:10

Chilota chino Josefe yachawila nawa tato, alioze tato yamubajila ngwenyi: “Chilota chika walotanga chibwa chocho? Kafwa unanyongo ngwe, yami, ni noko, ni ayayenu tukeze ni kukufukamina hashi, nyi?”

Ubutukilo 37:7

Namonanga ngwe tunajichika yichita mu munda, mba chichita chami yichikatuka yichimana, ya yenu yiyiza ni kuchijingilika, ni kuhetamina hashi ku chichita chami.”

Ubutukilo 9:27

Zambi okese Jafete. Vungu lienyi akatwame hamwe ni vungu lia Sheme. Kanana makabwa ndungo ya Jafete.”

1 Yitanga Ya Mianangana 22:47

Chifuchi cha Edome kuchabwile ko ni mwanangana. Umwe mukwa kuyula wa mwanangana wa Ayuda waayulile ko.

1 Yitanga Ya Mianangana 4:21

Solomone yayula mavungu eswe chize ku lwiji Ufrateze ndoo ku chifuchi cha Filistia, ni ndoo ku njiza ya chifuchi cha Egiptu. No yaanehenanehena Solomone milambu ni kumulingila matangwa eswe a mwono wenyi.

1 Sango Ja Mianangana 5:2

Alioze vungu lia Yuda, yaabwa ni tachi kuhiana, ni mukwa kuyula mavungu akwo eswe yaakatuka kuli ayo.)

Miaso (Masamu) 72:8

Wanangana wenyi muukatanda chize ku kalunga lwiji ndoo ku kalunga lwiji mukwo, chize ku lwiji Ufrateze ndoo ku songo lia hashi.

Izaya 45:14

Mwene Zambi kanambila Aisraele ngwenyi: “Ubite wa yifuchi ya Egiptu ni Sudane muukabwa niwenu, ni malunga ataluka a ku chifuchi cha Seba maakabwa ndungo jenu; maakanukaula akukasa mu ngoji ja utale, maakafukama ku meso jenu ni kunuwayila ngwo: ‘Zambi kali hamwe ni yenu, iye wika kali Zambi.

Izaya 49:23

Mianangana maakabwa ngwe atatenu; miazovu ngwe anoko. Kumaakafukama kuli yenu ni kunulemesa; kumaakalikehesa ni kunulweza vumbi. Mba munukanyingika ngwenu, yami nguli Mwene Zambi; atu waze akungushimbwila ngwakwase, keechi kevwa sonyi.”

Izaya 49:7

Zambi Munangi wa Aisraele kanda Mukwa Kwakula kanambila kavumbi ka akwa kuyula yoze akulelesa ni kuvutwokela kuli mavungu, ngwenyi: “Mianangana maakamona chize muukatusuka, maakakatuka ni kukulemesa. Ana ja mianangana a malunga no maakachimona nawa, kumaakafukama ku meso je ni kukulemesa.” Chino muchikabwa mumu Mwene Zambi hanatongola kavumbi kenyi; Zambi munangi wa Aisraele hanamanununa yilakenyo yenyi.

Izaya 60:12

Alioze mavungu waze keechi kakulingila mungukanongesa liakulu.

Izaya 60:14

Ana malunga ja waze anubinjishile maakeza ni kufukama ku meso je ni kukulemesa. Eswe waze akulelesele maakakuwayila ku molu je. Maakakuvulwoka ngwo: ‘Limbo lia Mwene Zambi, Zione, limbo lia Zambi Munangi wa Israele.’

Izaya 9:7

Tachi ja wanangana wenyi muujoka, wanangana wenyi matangwa eswe muukabwa ni uhwimino. Makatwama ha chitwamo cha mwanangana David ni kuyula, makakolesa wanangana wenyi ni umwenemwene ni ululi, chize musono ndoo ku miaka yeswe. Mwene Zambi Mukwa Ndundo Jeswe hanabatula kulinga yuma yino yeswe.

Kwalula 23:8

Ngwe kuchi munguhasa kushinga chize Zambi kashingile, hanji kukumika yoze Mwene Zambi kakumikine?

Kwalula 24:18

Makakumba akwa kole jenyi mu Edome, makazuka chifuchi cho, muze Aisraele maakanyongonona ni kukumba.

Kwalula 24:9

Aisraele kaali ngwe kuji a tambwe yoze unautama, ngwe chihwo cha tambwe, iya mahasa kumuhindwisa? Mweswawo mawahisa Aisraele neye kumaamuwahisa, mweswawo mashinga Aisraele neye kumashingiwa.”

Mateu 25:40

Mwanangana neye makaakumbulula ngwenyi: ‘Chamwenemwene ngunanwambulwila ngwami, muze nwachilingilile umwe wa kuli wano akwetu jami hi alemu ko, kafwa ngwe, yami nwachilingilile.’

Mateu 25:45

Mwanangana neye makaakumbulula ngwenyi: ‘Chamwenemwene ngunanwambulwila ngwami, muze kunwachilingilile umwe wa kuli wano akwetu hi alemu ko, kafwa ngwe, kunwachilingilile yami.’

Usolwelo 19:16

Ha hina lienyi ni ha kulu lienyi yasoneka ho jina ngwo: “Mwanangana wa mianangana eswe, ni Mwene wa ene eswe.”