Ubutukilo 27:28 - Mukanda Wa Zambi 1970

²⁸ Zambi akakwehe mume wa kwilu, ni chinuno cha hashi. Akakwehe mbuto ni vinyu yinji.

MUKANDA USANDU WA ZAMBI 1975

²⁸ Zambi akwehe mume wa mwilu, Ni maji a hashi, Ni kulumbama cha chivwale ni vinyu.

Ubutukilo 27:28 Iomraidhean Croise

Ubutukilo 27:37

Isake yakumbulula Esau ngwenyi: “Hinamupwisa mwata we, ni usoko wenyi eswe naapwisa ngamba jenyi. Hinamwaha yakulia ni vinyu. Mba kuchi mungukulinga nawa yena, mwanami?”

Ubutukilo 27:39

Isake yamwamba ngwenyi: “Muukafulwa mume wa kwilu ni chinuno cha hashi.

Ubutukilo 45:18

ha kwanda tato ni akwa majiko jo, hanga akahiluke kuno. Mungwaha chifuchi chibema kuhiana muno mu Egiptu, akalialie yakulia yibema ya mu chifuchi chetu.

Ubutukilo 49:20

“Ashere, chifuchi chenyi muchikabwa ni yakulia yibema, yakulia yize chibwe mianangana mayizanga.

Ubutukilo 49:25

Mwe Zambi ya tatenu kakukukwasa. Zambi Mukwa Ndundo Jeswe kakukuwahisa ni yiwape ya vula kwilu, ni yiwape ya meya kushi lia mavu, ni yiwape ya ana ni yimuna,

2 Samuel 1:21

“Ha milundu ya Gilboa kanda habwa vula ni mume, minda yaho kanda yikabwa ni chinuno! Mumu kebwe ja akwa tachi hijaholoka ni sonyi, lukebwe wa Saulu hominina, keshi maji.

1 Yitanga Ya Mianangana 17:1

Eliya, umwe mukwa munanyi wa Zambi wa ku Tishbe, mu chifuchi cha Gileade, yambila mwanangana Ahabe ngwenyi: “Ni mwe Zambi ya Aisraele, yoze nakulingila, ngunakwambulwila ngwami, miaka muyiza ho kukuchi kabwa vula chibwe mume, shina nyi nachamba.”

1 Yitanga Ya Mianangana 5:11

Solomone yamwaha Hirame kilo tununu ni tununu twa tiriku, ni kilo tununu ni tununu twa maji a olive. Yenayo te akumwaha mwaka ha mwaka.

2 Sango Ja Mianangana 2:10

Yakulia ya atu je mungutuma kilo, 2,000,000 ja tiriku, ni 2,000,000 ja masa, ni litro 400,000 ja vinyu, ni litro 400,000 ja maji a olive.”

Miaso (Masamu) 104:15

vinyu awahilile nayo, maji a olive alejimise meso jo, mbolo alitakamise nayo.

Miaso (Masamu) 133:3

Chili ngwe mume wa ha mulundu wa Hermone, unasulumiokena ha milundu ya Zione. Kwenako Mwene Zambi ambile ngwenyi, munguwahisa atu ni mwono wa miaka yeswe.

Miaso (Masamu) 36:8

Twakukuta ni yakulia yinji yize wakutwaha; wakutunwisa meya a utu we.

Yishima 19:12

Ufwatulo wa mwanangana uli ngwe kuhiohia cha tambwe, alioze vumbi lienyi lili ngwe mume ha mwambu.

Yishima 3:20

Ku mana jenyi hanazalisa njiji ni meya, kakunokesa vula hashi.

Izaya 45:8

Yami mwilu mungukakukwasa kukumba ngwe chize vula akukwasa atu, hashi muhakabakuka ni kutambula vula, hashi muhakabwa ni utuswilo ni ululi ngwe chize vula akutemwisa yitemo. Yami Mwene Zambi mungukalinga yuma yino.”

Jeremia 14:22

Niumwe hakachi ka mazambi ja akwa mavungu mahasa kunokesa vula; chibwe lilu linene kuliahashile kunokesa vula. Aa Mwene Zambi, Zambi yetu, twakusa mbunge kuli yena, mumu yena wika wakulinga yuma yino.

Joele 2:19

Yaakumbulula ngwenyi: “Haliabwila mungunwaha mbuto ni vinyu ni maji a olive, mba munuwaha. Mavungu akwo keechi kunulelesa nawa.

Mika 5:7

Aisraele waze maakasala ni mwono maakabwa ngwe mume uze Mwene Zambi hatuma hali mavungu anji, ngwe vula ku yibuta. Maakashachila hali Zambi, hi hali atu ko.

Zakaria 8:12

Kumaakakuwa mbuto jo mu uhwimino. Mivinyu yo muyikema mihuko, mavu maakasokesa mbuto, mukukabwa vula munji. Atu ja vungu liami waze maasala ho mungukaawahisa ni yuma yino yeswe.

Zakaria 9:17

Muchikabwa chifuchi chibema chahiana! Akweze maakatakama ha kulia mbuto ni kunwa vinyu yacho.

Kwalula 13:20

Nukatale chifuchi nyi chili ni chinuno, nawa nyi chili cha mitondo. Nukasa shindakenyo ni kwanda yimwe mihuko, nukeza nayo.” (Te haaheta ha kangonde wa kuhela vinyu.)

Kwalula 18:12

“Ngunakwehe mihuko yitangu yibema yize Aisraele maangulambula ku mwaka ni mwaka: maji a olive, ni vinyu, ni mbuto.

A-ROMA 11:17

Aisraele kaali ngwe mutondo wa olive uze atumbile, ni haanaubatula mitango yikwo. Yena hi Kayuda ko, uli ngwe mutondo olive wa mu yambu uze anungine ku mutondo uze abatwile mitango yikwo. Haliabwila miji yize ya olive uze wakutumba, yenayo yakukwaha tachi.

Shimbi 32:2

Longeso liami mulikabwa ngwe chize akunoka vula, mulikalumbama hashi ngwe mume. Maliji jami maakabwa ngwe vula ha mashinde aha, ngwe chize vula akuwayangila ha sepe.

Shimbi 33:13

Hakutwala ku vungu lia Josefe yamba ngwenyi: “Mwene Zambi, wahisa kama chifuchi cho ni vula ni meya kushi lia mavu.

Shimbi 33:28

Chenacho vungu lia Yakoba anatwama mu uhwimino, mu chifuchi chize chinazala ni mbuto ni vinyu, kuze lilu liakumwangina mume.

Shimbi 7:13

Makunuzanga ni kunuwahisa, hanga nukoke ni kubwa ni ana anji. Makawahisa mihuko yenu ya mu minda hanga nukabwe ni mbuto, ni vinyu, ni maji a olive. Makanuwahisa ha kunwaha ngombe ni mapanga anji. Makanwaha yiwape yino yeswe mu chifuchi chize hanalakenya kuli tushakulu twenu.

Hebreu 11:20

Ku ufulielo tata Isake yawahisa Yakoba ni Esau, yaalakenya hakutwala ku yiwape yize muyiza ho.