Ubutukilo 26:9 - Mukanda Wa Zambi 1970

⁹ Mba Abimeleke yatambika Isake, yamuhula ngwenyi: “Yono kali mukwenu pwo, nyi? Kuchi mba unakamba ngwe: ‘Kali ndumbwami?’ ” Isake ngwenyi: “Ngunakanyonga ngwami, munungushiha nyi namba ngwami, kali mukwetu pwo.”

MUKANDA USANDU WA ZAMBI 1975

⁹ Apimeleke yasanyika Izake, yamba ngwenyi, Pundu iye mukwenu-pwo, mba kuchi te yena wa-mbile ngwe, Ndumbwami? Izake yamba kuli iye ngwenyi, Mumu nambile ngwami, Kuchina makangushiha ha mukunda wa iye.

Ubutukilo 26:9 Iomraidhean Croise

Ubutukilo 12:18

Mba mwanangana yatuma mutu ha kutambika Abrama. Yamuhula ngwenyi: “Kuchi hiwangulinga chibi chino? Mumu yika kuwangulwezele ngwe: ‘Sarai kali mukwetu pwo?’

Ubutukilo 26:10

Abimeleke ngwenyi: “Kuchi mba watulinga chichize? Nyi umwe wa kuli yetu unakalimona nenyi, te muutwamba ngwe: ‘Kali atu abi,’ alioze kuma mulonga uno uli wa yena mwene.”

Ubutukilo 26:8

Isake te hatwama kulu matangwa anji mu Gerare. Limwe tangwa Abimeleke, mwanangana wa Afilistia, te kanatalila ha kapenda, yamona ngwenyi Isake kanahehe ni Rebeka.

Yoano 14:9

Yesu ngwenyi: “Filipe, shimbu libwa haha nguli hamwe ni yenu, hindu kuwangunyingikine, nyi? Mutu yoze hangumona, hamona nawa mwe Tata. Mba kuchi unambe ngwe: ‘Tulweze kama mwe Tata’?

Yilinga 12:11

Hohene Petulu yalinyingika, yamba ngwenyi: “Haliabwila, hinanyingika chamwenemwene ngwami, Mwene hatuma kanganda kenyi ka mwilu, ni hangupulula ku moko ja Herode ni ku yuma yeswe yize Ayuda ambile kungulinga.”