Ubutukilo 26:7 - Mukanda Wa Zambi 1970

⁷ Malunga a mu limbo lize yaahula Isake hakutwala kuli mukwo pwo. Neye yaamba ngwenyi: “Kali ndumbwami.” Mumu yevwa woma hanji malunga waze maamushiha, mba maatambula Rebeka, mumu te kali chileza ku meso.

MUKANDA USANDU WA ZAMBI 1975

⁷ Mba malunga enyembo yamuhula ha kutwala kuli mukwo-pwo. Iye yamba ngwenyi, Ndumbwami. Mumu woma evwile wakwamba ngwenyi, Mukwetu-pwo kuchina malunga a chifuchi hanji mamushiha akazuke Rebeka mumu iye mupema ku meso.

Ubutukilo 26:7 Iomraidhean Croise

Ubutukilo 12:11

Muze te hakundama akanjile mu Egiptu, yambila mukwo pwo ngwenyi: “Tala, yena uli chileza ku meso.

Ubutukilo 12:13

Ngunakulembe muwamba ngwe, ‘Nguli ndumbwenyi.’ Ha chino, keechi kungushiha, mungutwama kanawa mumu hali yena.”

Ubutukilo 12:15

Tuvumbi twa mwanangana yaamumona, yaaya ni kumulweza ngwo, pwo weza ni Abrama cho kubema! Mba yaamwanda, yaamutwala ku zuwo lia mwanangana.

Ubutukilo 20:11

Abrahama ngwenyi: “Mumu ngunakanyonga ngwami, kuno kukushi niumwe wakwivwila Zambi woma. Nyi nahola kuluu, mangushiha hanga atambule mukwetu pwo.

Ubutukilo 20:2

Yalweza atu ngwenyi: “Sara kali ndumbwami.” Kashika Abimeleke, mwanangana wa Gerare, yatuma asake Sara.

Ubutukilo 20:5

Abrahama iye mwene hamba ngwenyi: ‘Kali ndumbwami,’ ni Sara mwene ngwenyi: ‘Kali ndumbwami.’ Kashika nachilinga ni mbunge yibema. Kanda nguchilinga kwami nenyi chibi nichimwe.”

Ubutukilo 24:16

Rebeka wabwile mwana pwo mubema kuhiana, te kanda alimona kwenyi ni lunga. Yapalumuka ku shima lia meya, yazalisa mulondo wenyi, yakanduka.

Ubutukilo 26:6

Mba Isake yatunga mu Gerare.

Ubutukilo 26:8

Isake te hatwama kulu matangwa anji mu Gerare. Limwe tangwa Abimeleke, mwanangana wa Afilistia, te kanatalila ha kapenda, yamona ngwenyi Isake kanahehe ni Rebeka.

Ubutukilo 29:17

Leya te hi mubema ko ku meso, alioze Rashele chileza.

Yishima 29:25

Kuvwila atu woma chili ngwe muheto, alioze nyi wakushachila hali Mwene Zambi, unawaha kwe.

Mateu 10:28

Kanda nuvwila woma waze maashiha mujimba wika, hindu kaahashile kushiha mwono wamwenemwene. Shinoho muvwilenu woma Zambi yoze mahasa kwonona yeswe yaali, mujimba ni mwono wamwenemwene, ni kuyimbila mu kahia.

Efesu 5:25

Ni yenu malunga zangenu mapwo jenu ngwe chize Kristu azangile Chikungulwila, mba yakunjika mwono wenyi ha chiyo.

Kolosu 3:9

Kanda nuhanjika mahuza ni akwenu, mumu hinunehuka mutu mukulu hamwe ni ndako jenyi.