Ubutukilo 26:4 - Mukanda Wa Zambi 1970

⁴ Mungukakupwisa vungu linene, ngwe matongonoshi a mwilu. Mungukaaha chifuchi chino cheswe. Ku vungu lie mungukawahisa mavungu akwo eswe,

MUKANDA USANDU WA ZAMBI 1975

⁴ Mungukokesa munyachi we ngwe matongonoshi a mwilu. Ku munyachi we mungukahana yifuchi yino yeswe, mba mu munyachi we mavungu eswe a hashi makawaha.

Ubutukilo 26:4 Iomraidhean Croise

Ubutukilo 13:16

Mungukokesa vungu lie ngwe masekeseke. Nyi atu maahasa kwalula masekeseke, ni vungu lie nawa kumaahasa kwaalula.

Ubutukilo 15:18

Ha shimbu lizeliene Zambi yakolesa Usendo ni Abrama ngwenyi: “Ngunalakenya kuhana chifuchi chino cheswe ku vungu lie, chize ku lwiji ku njiza ya chifuchi cha Egiptu ndoo ku lwiji Ufrateze,

Ubutukilo 15:5

Mba Mwene Zambi yamutwala haze, ngwenyi: “Tala kwilu. Alula matangonoshi, nyi muuhasa. Vungu lie mulikabwa ni atu anji ngwe matongonoshi wano.”

Ubutukilo 18:18

Abrahama, vungu lienyi mungukaapwisa akwa lufuma ni akwa ndundo. Akwa hashi eswe kumaakawaha mumu hali iye.

Ubutukilo 26:24

Ha ufuku uzewene Mwene Zambi yamusolokela, yamwamba ngwenyi, “Kanda wivwa woma. Nguli Zambi ya tatenu Abrahama, nguli hamwe ni yena. Mungukakuwahisa, mungukokesa vungu lie mumu hali kavumbi kami Abrahama.”

Ubutukilo 28:14

Vungu lie maakabwa anji ngwe mavu. Maakalitanda ku chivumbuko ni ku chitokelo, ku norde ni ku sude. Mungukawahisa akwa hashi eswe mumu hali yena ni vungu lie.

Ubutukilo 28:3

Zambi Mukwa Ndundo Jeswe akakuwahise, akakwehe ana, akakwokese ukabwe tato ya mavungu anji hano hashi.

Ubutukilo 35:12

Chifuchi chino nahele Abrahama ni Isake, ngunakwehe cho yena ni vungu lie lia kulutwe.”

Ubutukilo 47:27

Aisraele yaatwama mu chifuchi cha Goshene mu Egiptu, yaabita kuhiana ni yaasema ana anji.

1 Sango Ja Mianangana 27:23

Mwanangana David kalwile ko atu waze te kanda achibwa ni miaka makumi aali, mumu Mwene Zambi hanalakenya kwokesa atu ngwe matongonoshi.

Miaso (Masamu) 72:17

Jina lienyi atu kanda alivulama, lufuma wenyi alinduluke ngwe chize liakulinduluka tangwa. Mavungu eswe amuchichimieke, ahule Zambi aawahisa; atu no awahise mwe mwanangana.

Kutuhuka 32:13

Iwuluka kama tuvumbi twe, Abrahama, ni Isake, ni Israele, ni chize walishingile ni jina lie ngwe: ‘Mungukanupwisa vungu linene, ngwe matongonoshi a mwilu. Chifuchi chize naalakenyene, muchikabwa nichenu ndoo ku miaka yeswe.’ ”

Kutuhuka 6:4

Nawa, yingukolesa no Usendo, yingwalakenya chifuchi cha Kanana, chifuchi chize atwamine ngwe njize.

Yilinga 3:25

Yenu nuli ana ja akwa munanyi a Zambi. Nuli ni Chihanda mu Usendo uze Zambi hanamanununa ni tushakulu twenu, muze ahanjikile kuli Abrahama ngwenyi: ‘Ni vungu lie mungukawahisa mavungu eswe a hashi.’

Galashia 3:16

Chenacho nawa, Zambi yalakenya Abrahama ni mutu umuwika wa ku vungu lienyi yoze makasemuka kulutwe. Mukanda wa Zambi kuushi kwamba ngwo: “Atu ja ku vungu lie,” ngwe atu anji. Alioze kuwakwamba ngwo: “Mutu wa ku vungu lie.” Kafwa ngwe mutu yoze mwe Kristu.

Galashia 3:8

Mukanda wa Zambi yiulianga kumona kulutwe ngwo, Zambi makapwisa waze hi Ayuda ko akwa ululi, mumu ha ufulielo wo. Kashika yiwambujola shimbu kanda sango jino kuli Abrahama ngwo: “Zambi makawahisa akwa hashi eswe mumu hali yena.”

Shimbi 13:17

Ku yuma yize yeswe, kanda nukanda ho Chuma nichimwe, hanga Mwene Zambi alitwamine kunutenukina, anuvwile keke. Makanuvwila keke ni kunwokesa kuhiana, ngwe chize alakenyene tushakulu twenu,

Shimbi 9:5

Hi mumu ha ululi wenu ko, hanji ha mbunge jenu jibema kashika Zambi wanukwasa kuzuka chifuchi cho. Makaahanga mumu kaali yingulungulu, ni mumu kanazange kumanununa chilakenyo chize alakenyene kuli tushakulu twenu Abrahama, ni Isake, ni Yakoba.

Hebreu 11:2

Zambi yatayiza tushakulu mumu ha ufulielo wo.