Ubutukilo 26:3 - Mukanda Wa Zambi 1970

³ Twama hano, mungubwa hamwe ni yena, mungukuwahisa. Mungukwaha chifuchi chino cheswe, yena ni vungu lie. Mungukakolesa Shingo lize nalishingile ni tatenu Abrahama.

MUKANDA USANDU WA ZAMBI 1975

³ Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Ubutukilo 26:3 Iomraidhean Croise

Ubutukilo 12:7

Mwene Zambi yasolokela Abrama nikwamba ngwenyi: “Chino che chifuchi mungukahana kuli vungu lie.” Mba Abrama yatunga chilumbilo homa haze, mumu kwenako Mwene Zambi amusolokelele.

Ubutukilo 13:15

Chifuchi cheswe chize unamono mungukwaha cho, yena ni vungu lie, ndoo ku miaka yeswe.

Ubutukilo 13:17

Haliabwila katuka wendese chifuchi cheswe, mumu mungukwaha cho.”

Ubutukilo 15:18

Ha shimbu lizeliene Zambi yakolesa Usendo ni Abrama ngwenyi: “Ngunalakenya kuhana chifuchi chino cheswe ku vungu lie, chize ku lwiji ku njiza ya chifuchi cha Egiptu ndoo ku lwiji Ufrateze,

Ubutukilo 17:19

Alioze Zambi ngwenyi: “Hi chocho ko. Mukwenu pwo Sara makasema mwana wa lunga. Ukamuluka ngwe, Isake. Mungukakolesa nenyi Usendo, ni lie vungu lienyi nawa. We Usendo muukalinduluka ndoo ku miaka yeswe.

Ubutukilo 17:8

Yena uli njize mu chifuchi chino musono, mungukwaha cho yena ni vungu lie. Chifuchi chino cheswe cha Kanana muchikabwa niche ndoo ku miaka yeswe, mungukabwa Zambi yo.”

Ubutukilo 20:1

Abrahama yakatuka ku chihunda cha mutu yoze Mamre, yatalikisa ku sude mu chifuchi cha Kanana. Yatunga hakachi ka membo ja Shure ni Kadeshe. Yatwama amwe matangwa mu limbo lia Gerare.

Ubutukilo 25:11

Muze Abrahama hafwa, Zambi yawahisa Isake. Isake te katwama hehi ni Shima lia Zambi wa Mwono Yoze Wakungumona.

Ubutukilo 26:12

Isake yalima minda mu chifuchi chize. Mwene Zambi yamuwahisa, mba ha mwaka uzewene minda yenyi yiyima mbuto yinji kuhiana.

Ubutukilo 26:14

Afilistia yaamuvwila chipululu mumu yabwa ni mapanga ni ngombe ni ndungo anji.

Ubutukilo 26:24

Ha ufuku uzewene Mwene Zambi yamusolokela, yamwamba ngwenyi, “Kanda wivwa woma. Nguli Zambi ya tatenu Abrahama, nguli hamwe ni yena. Mungukakuwahisa, mungukokesa vungu lie mumu hali kavumbi kami Abrahama.”

Ubutukilo 28:13

Yamona nawa Mwene Zambi kanamana hakamwihi nikwamba ngwenyi: “Nguli Mwene Zambi, Zambi ya Abrahama ni Isake. Chifuchi chino unabombo mungukakwaha cho yena ni vungu lie.

Ubutukilo 28:15

Nyingika ngwe, mungukabwa hamwe ni yena kweswako muuya, mungukakuhilwisa nawa ku chifuchi chino. Chichi kakwehuka ndoo mungukamanununa yilakenyo yeswe yino nakulakenya.”

Ubutukilo 31:3

Mba Mwene Zambi yambila Yakoba ngwenyi: “Hiluka ku chifuchi cha tatenu ni usoko we. Mungubwa hamwe ni yena.”

Ubutukilo 35:12

Chifuchi chino nahele Abrahama ni Isake, ngunakwehe cho yena ni vungu lie lia kulutwe.”

Ubutukilo 39:2

Mwene Zambi yabwa hamwe ni Josefe, neye yayuka. Te kaatwama mu zuwo lia mwene wenyi.

Ubutukilo 39:21

alioze Mwene Zambi yabwa hamwe nenyi, yamuwahisa. Ha chino mwata wa zuwo lia lamba yawahilila nenyi.

Ubutukilo 48:21

Mba Israele yambila Josefe ngwenyi: “Tala, himungufwa kwami, alioze Zambi makabwa hamwe ni yena, makakuhilwisa ku chifuchi cha atatenu.

Ubutukilo 50:24

Josefe yambila ayayo ngwenyi: “Talenu, himungufwa, alioze ngunanyingika ngwami, Zambi makanufunga ni makanutuhwisa mu chifuchi chino, makanuhilwisa mu chifuchi chize alakenyene Abrahama, ni Isake, ni Yakoba.”

1 Sango Ja Mianangana 16:16

Usendo uze akolesele ni Abrahama, chilakenyo chize alakenyene kuli Isake.

Miaso (Masamu) 105:8

Makafunga Usendo wenyi ndoo ku miaka yeswe, kechi kuvulama yilakenyo yenyi ndoo ku kanunu ka yisemuko.

Miaso (Masamu) 105:9

Mafunga Usendo wenyi uze akolesele ni Abrahama, ni chilakenyo chize alakenyene Isake.

Miaso (Masamu) 32:8

Mwene Zambi kanambe ngwenyi: “Mungukulongesa jila yize Chakutamba kuya; mungukusongwela ni kukutala ni liso liami.

Miaso (Masamu) 39:12

Mwene Zambi, banjika kuliumba chami, wivwe kama kuteta chami; ngukwase muze ngunalili. Nguli lume ngeji hano hashi ha matangwa akepe ngwe tushakulu twami eswe.

Kutuhuka 2:24

Neye yewuluka Usendo wenyi ni Abrahama, ni Isake, ni Yakoba,

Kutuhuka 3:12

Zambi ngwenyi: “Mungukabwa hamwe ni yena. Chinyingi chize muchikalweza ngwo, yami nakutuma, chili chino. Muze muukatuhwisa atu wano mu Egiptu, munukeza ni kunguwayila ha mulundu uno.”

Kutuhuka 6:4

Nawa, yingukolesa no Usendo, yingwalakenya chifuchi cha Kanana, chifuchi chize atwamine ngwe njize.

Kutuhuka 6:7

Mungunupwisa lume atu ja yami mwene, mungubwa Zambi yenu. Mununyingika ngwenu, nguli Mwene Zambi, Zambi yenu, muze mungunutusula mu undungo kuli akwa Egiptu.

Kutuhuka 6:8

Mungunutwala mu chifuchi chize nalakenyene Abrahama, ni Isake, ni Yakoba. Mungukanwaha cho, kumuchikabwa nichenu. Yami nguli Mwene Zambi.’ ”

Izaya 43:2

Muze muubalika mu meya anji, mungubwa hamwe ni yena; lamba lie kulichi kukumba. Muze muwenda mu kahia, kuuchi kuwema; yeseko yikalu yize muyiza kuyichi kukulemeka.

Izaya 43:5

Kanda wivwa woma, mumu nguli hamwe ni yena! “Chize ku chivumbuko ndoo ku chitokelo, munguhilwisa atu je ku chifuchi che.

Mika 7:20

Kumuukalweza utu we ni zango lie lize kulishi kuhwa kuli atu je, vungu lia Abrahama ni Yakoba, ngwe chize walakenyene tushakulu twetu ku shakulu.

Kwalula 23:19

Zambi keshi ngwe atu waze akuhanjika mahuza; keshi ngwe mwana mutu yoze wakwalumiona mbunge yenyi. Cheswacho halakenya kumachilinga, chize mahanjika muchilingiwa.

Shimbi 1:8

Chino cheswe chili chifuchi chize yami Mwene Zambi nalakenyene tushakulu twenu Abrahama, ni Isake, ni Yakoba, ni kuli mavungu jo. Yeenu nukachihinge.’ ”

Shimbi 34:4

Mba Mwene Zambi yambila Mose ngwenyi: “Chino che chifuchi chize nalakenyene Abrahama, ni Isake, ni Yakoba ngwami, mungukachihana ku vungu lio. Hinakulweza cho chitale, alioze chichi kukutayiza kunjila mo.”

Filipu 4:9

Lingenu yuma yize nwalilongesele ni nwatambwile kuli yami, yize nambile ni yize nalingile. Mba Zambi, yoze wakutwaha uhwimino, makabwa hamwe ni yenu.

Hebreu 11:9

Ku ufulielo yatwama ngwe njize mu chifuchi chize amulakenyene Zambi. Te kaakubomba mu zuwo liakutunga ni makubu; ni tata Isake ni tata Yakoba nawa chizechene. Zambi yaalakenya chilakenyo chimuwika.

Hebreu 6:17

Zambi yazanga kulweza akwa chilakenyo mwazu ngwenyi, kumalinga nikulita ni chilakenyo chenyi, kechi kwalumuna. Kashika yawezela Shingo ku chilakenyo.