Ubutukilo 26:24 - Mukanda Wa Zambi 1970

²⁴ Ha ufuku uzewene Mwene Zambi yamusolokela, yamwamba ngwenyi, “Kanda wivwa woma. Nguli Zambi ya tatenu Abrahama, nguli hamwe ni yena. Mungukakuwahisa, mungukokesa vungu lie mumu hali kavumbi kami Abrahama.”

MUKANDA USANDU WA ZAMBI 1975

²⁴ Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Ubutukilo 26:24 Iomraidhean Croise

Ubutukilo 13:16

Mungukokesa vungu lie ngwe masekeseke. Nyi atu maahasa kwalula masekeseke, ni vungu lie nawa kumaahasa kwaalula.

Ubutukilo 15:1

Mwabwa muze Mwene Zambi yalweza Abrama mu Usolwelo ngwenyi: “Abrama, kanda wivwa woma, yami nguli lukebwe we. Mungukwaha chawana chinene kuhiana.”

Ubutukilo 17:7

“Usendo uno ngunakolesa ni yena ni vungu lie nawa ndoo ku miaka yeswe. Mungukabwa Zambi ye kanda Zambi yo.

Ubutukilo 17:8

Yena uli njize mu chifuchi chino musono, mungukwaha cho yena ni vungu lie. Chifuchi chino cheswe cha Kanana muchikabwa niche ndoo ku miaka yeswe, mungukabwa Zambi yo.”

Ubutukilo 21:17

Zambi yevwa chize te mwana analili, Hagare yevwa liji lia kanganda ka mwilu ngwenyi: “Hagare, kuchi? Kanda wivwa woma, Zambi hevwa kulila cha mwane.

Ubutukilo 22:17

mungukakuwahisa, mungukokesa vungu lie. Maakabwa ngwe matangonoshi a mwilu hanji ngwe masekeseke a ku mbumbulu ya kalunga lwiji. Maakakumbakumba akwa kole jo.

Ubutukilo 22:19

Abrahama yahiluka, yaya ni kuwana ngamba jenyi. Mba ayo eswe yaaya ku limbo lia Bersheba, kuze te atunga Abrahama.

Ubutukilo 24:12

Mba mwe kavumbi yalemba Zambi ngwenyi: “Mwene Zambi ya mwata wami Abrahama, ngunaliumbu ungukwase kama musono uno ha kumanununa maliji waze wahanjikile ni mwata wami Abrahama.

Ubutukilo 28:13

Yamona nawa Mwene Zambi kanamana hakamwihi nikwamba ngwenyi: “Nguli Mwene Zambi, Zambi ya Abrahama ni Isake. Chifuchi chino unabombo mungukakwaha cho yena ni vungu lie.

Ubutukilo 28:15

Nyingika ngwe, mungukabwa hamwe ni yena kweswako muuya, mungukakuhilwisa nawa ku chifuchi chino. Chichi kakwehuka ndoo mungukamanununa yilakenyo yeswe yino nakulakenya.”

Ubutukilo 28:3

Zambi Mukwa Ndundo Jeswe akakuwahise, akakwehe ana, akakwokese ukabwe tato ya mavungu anji hano hashi.

Ubutukilo 30:27

Labane yamukumbulula ngwenyi: “Nyi muutayiza twama ni yami, mumu ha kutaha chami ngunanyingika ngwami, Mwene Zambi hangukwasa mumu hali yena.

Ubutukilo 31:5

Yaalweza ngwenyi: “Hinamona ngwe tatenu halumuka, keshi nawa ngwe chize abwile hatangu. Alioze Zambi ya tata kali hamwe ni yami.

Ubutukilo 39:2

Mwene Zambi yabwa hamwe ni Josefe, neye yayuka. Te kaatwama mu zuwo lia mwene wenyi.

Ubutukilo 39:3

Mwata wenyi yamona ngwenyi, Mwene Zambi kali hamwe ni Josefe ni kukukwasa Josefe ku yeswe yize te akulinga.

Ubutukilo 46:1

Israele yakasa yuma yenyi yeswe, mba yaya ku limbo lia Bersheba. Yalambwila ko Zambi ya tato Isake milambu.

1 Yitanga Ya Mianangana 17:13

Eliya yamwamba ngwenyi: “Kanda wivwa woma! Yako ulinge chize hinamba. Alioze ulianga kungulingila yami kamwe ka mbolo, Ungunehene ko. Mba ulinge ka yena ni mwane.

Kutuhuka 14:13

Mose yambila atu ngwenyi: “Kanda nwivwa woma. Hwimenu mbunge, munumona chize Mwene Zambi manulamwina musono. Akwa Egiptu wano kunuchi kwamona nawa nilimwe tangwa.

Kutuhuka 3:6

Nguli Zambi ya akaka je, Zambi ya Abrahama, ni Isake, ni Yakoba.” Mose yafuka ku meso, mumu yevwa woma ha kutala Zambi.

Izaya 12:2

Zambi kali chilamwina chami; mungushachila hali iye, chichi kwivwa woma. Mwene Zambi kakungutakamisa, kali mwono wami; kali chilamwina chami.

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Izaya 44:2

Yami nguli Zambi yoze wakutangile; nakukwashile chize ku kusemuka che. Kanda wivwa woma; yena uli kavumbi kami yoze natongwele, nakukuzanga.

Izaya 51:12

Mwene Zambi kanambe ngwenyi: “Yami nakunutakamisa. Kuchi nwakuvwila woma mutu yoze mafwa ngwe mwambu?

Izaya 51:7

“Ngubanjikenu, yenu nwanyingika yize yinalite, yenu nuli ni longeso liami mu mbunge jenu. Kanda nwivwa woma muze atu maanuchoka ni kunusaula;

Lungungu 3:57

Yiungukumbulula ngwe: ‘Kanda wivwa woma.’

Alevi 26:42

mungukewuluka Usendo uze nakolesele ni Yakoba ni Isake ni Abrahama ni kushindakenya chilakenyo chami ha kwaaha chifuchi.

Alevi 26:45

Mungukewuluka Usendo wami uze nakolesele ni tushakulu two muze nalwezele mavungu eswe ndundo jami ha kutuhwisa atu jami mu Egiptu, hanga yami Mwene Zambi ngubwe Zambi yo.”

Mateu 22:32

‘Nguli kwami Zambi ya Abrahama, ni ya Isake, ni ya Yakoba.’ Kulumbunuka ngwo: Zambi kali Zambi ya akwa mwono hi Zambi ya afu ko.”

Luka 12:32

“Mbunga yikepe, kanda nwivwa woma! Mumu hichinawahila Tatenu kunwaha Wanangana.

Yilinga 7:32

‘Yami nguli Zambi ya tushakulu twe, Zambi ya Abrahama, ni Isake, ni Yakoba.’ Mose yachikima ni woma, kahamukine ko ni kutala.

Shimbi 13:17

Ku yuma yize yeswe, kanda nukanda ho Chuma nichimwe, hanga Mwene Zambi alitwamine kunutenukina, anuvwile keke. Makanuvwila keke ni kunwokesa kuhiana, ngwe chize alakenyene tushakulu twenu,

Shimbi 31:6

Takamenu nujikize. Kanda nwivwa woma. Mwene Zambi, Zambi yenu, iye mwene makabwa hamwe ni yenu. Kechi kanuhichika hanji ku numba nyima.”

Hebreu 11:16

Alioze kaahilukile ko, mumu te kaakwivwa usona wa kutwama mu chifuchi chibema, chize cha mwilu. Kashika Zambi keshi kwivwa sonyi muze akumuvuluka ngwo: “Zambi yetu,” mumu hanaalulikila limbo.

Hebreu 13:6

Kashika tuhamukenu ni kwamba ngwetu: “Mwene Zambi kali chikwashi chami, chichi kwivwa woma nichimwe! Atu yika maangulinga?”

Usolwelo 1:17

Muze namumwene, yingufulamana ku molu jenyi ngwe mufu. Yangunangika kwoko lienyi lia chindume nikwamba ngwenyi: “Kanda wivwa woma! Nguli mwe mutangu ni mwe kasula songo.

Rute 3:11

Haliabwila kanda wivwa woma mwanami. Mungulinga yeswe yize unazange.