Ubutukilo 26:18 - Mukanda Wa Zambi 1970

¹⁸ Abrahama, ha matangwa jenyi, yafula mashima a meya. Alioze muze hafwa, Afilistia yaashikila. Mba Isake yaashikulula nawa, yaaluka majina waze ene aalukile tato.

MUKANDA USANDU WA ZAMBI 1975

¹⁸ Izake yashikulula nawa mashima a meya aze te ashimine ha matangwa a tato Apalahama, mumu A-Filistea haajika muze Apalahama hanafu. Iye yaaluka majina nikulita ni majina aze tato haaluka.

Ubutukilo 26:18 Iomraidhean Croise

Ubutukilo 21:25

Mba Abrahama yaketeka Abimeleke ha shima lia meya lize ngamba jenyi atambwile ku tachi.

Ubutukilo 21:30

Abrahama ngwenyi: “Tambula ana mapanga wano a yihwo ha kunyingika ngwe, yami Abrahama nafulile shima lino lia meya.”

Ubutukilo 21:31

Mba yaaluka homa haze jina ngwo, Bersheba, mumu lienalio eswe aali alishingilile.

Ubutukilo 26:17

Mba Isake yakatuka mu chifuchi chize, yaya ni kutunga mu chana cha Gerare.

Ubutukilo 26:19

Ngamba ja Isake yaafula shima likwo mu chana chize, yaawana shima libema liakuvelwoka.

2 Sango Ja Mianangana 26:10

Yatunga nawa mazuwo asuku akukoleka mu puya, yafula yitende yinji ya meya, mumu te kali ni ngombe anji ha mindundena ya ku chitokelo ni mu yana. Yevwa kuwaha ni kulima. Kashika yakolesa atu kulima minda ya vinyu ha mindundena ni minda ya mbuto mu chifuchi cha chinuno.

Miaso (Masamu) 16:4

Atu waze akukaula mazambi akwo, kaakulikokela lamba ayo ene. Chichi kulambula milambu hamwe no, chichi kuwayila mazambi jo.

Hosea 2:17

Chichi kamutayiza nawa kuwayila jina lia Bale.

Zakaria 13:2

Ha matangwa waze mungukachiza majina ja mahamba mu chifuchi, niumwe kechi keewuluka nawa. Mungukahuma eswe waze akuzanga kulipwisa akwa munanyi ni akuzanga kukombelela mahamba.

Kwalula 32:38

ni Nebo, ni Bale Meone, (jina lino yaalialumuna), ni Sibma. Membo waze atungulwile yaaluka majina aha.