Ubutukilo 26:14 - Mukanda Wa Zambi 1970

¹⁴ Afilistia yaamuvwila chipululu mumu yabwa ni mapanga ni ngombe ni ndungo anji.

MUKANDA USANDU WA ZAMBI 1975

¹⁴ Te kali ni upite wa mapanga ni ngombe ni akwa zuwo lienyi anji, mba A-Filistea yamuvwila chipululu.

Ubutukilo 26:14 Iomraidhean Croise

Ubutukilo 12:16

Mwanangana yalingila Abrama yibema mumu hali Sarai. Yakwaha ndungo a malunga ni a mapwo, ni ngombe, ni tumelu, ni yimbulu ni mapanga.

Ubutukilo 13:2

Abrama yabwa pichi munene kuhiana. Yabita yimuna, ni prata, ni oru yinji.

Ubutukilo 24:35

Mwene Zambi hanawahisa mwata wami kuhiana, hanamupwisa pichi munene. Hanamwehe yimuna yeka ni yeka; pembe, ni mapanga, ni ngombe, ni tumelu, ni yimbulu. Hanamwehe nawa mbongo ja prata ni oru. Mwata wami Abrahama kakwete nawa ndungo a mapwo ni a malunga.

Ubutukilo 25:5

Yuma yize yeswe te abita Abrahama, yamwaha yo Isake.

Ubutukilo 30:43

Mba Yakoba yabita chikolo. Yabwa ni yimuna yinji, ni ndungo anji a malunga ni a mapwo, ni tumelu ni yimbulu anji.

Ubutukilo 37:11

Ayayo ya Josefe yaamuvwila ukwa kuhiana, alioze tato yafunga yilota yize mu mbunge yenyi.

Jobe 1:3

Yabita mapanga 7,000, ni tumelu 3,000, ni ngombe 1,000, ni yimbulu 500. Yabwa nawa ni ndungo anji. Te pichi kuhiana akwo eswe ku chivumbuko.

Jobe 42:12

Mwene Zambi yawahisa Jobe ha matangwa jenyi akusula kuhiana waze atangu. Jobe yabwa ni mapanga 14,000, ni tumelu 6,000, ni ngombe 2,000, ni yimbulu 1,000.

Jobe 5:2

Ufwatulo wakushiha chihepuke, ukwa wakushiha yoze keshi mana.

Miaso (Masamu) 112:10

Yingulungulu kaakuchimona, ni kaakwivwa wuli; kaakulicheka ku mazo, mba maafwafwa; keeshi ni Chuma cha kusako mbunge ndoo ku miaka yeswe.

Miaso (Masamu) 112:3

Akwa jiko lienyi maakabwa pichi anene, maamona yiwape ndoo ku miaka yeswe.

Yishima 10:22

Kuwahisa cha Zambi chakubichisa; kechi kuweza ho Vunda.

Yishima 27:4

Ufwatulo uli uswii, kuwakushiha atu; alioze kuwahashile kuweseka ni ukwa.

Longeshi 4:4

Hinasa nawa chinyingi mumu yika atu akuhondangana ni kuyuka yuma yo. Mumu ha ukwa uze akuvwila enyembo jo. Alioze yili yamokomoko, ngwe kuhanga fuji.

1 Samuel 18:9

Chize ku tangwa lize Saulu yabutuka kuvwila David ukwa.