Ubutukilo 26:12 - Mukanda Wa Zambi 1970

¹² Isake yalima minda mu chifuchi chize. Mwene Zambi yamuwahisa, mba ha mwaka uzewene minda yenyi yiyima mbuto yinji kuhiana.

MUKANDA USANDU WA ZAMBI 1975

¹² Izake yalima mu chifuchi chize, yacha mwaka uze wene ha chimuwika kulakaji, ha chimuwika kulakaji. Yehova yamuwahisa,

Ubutukilo 26:12 Iomraidhean Croise

Ubutukilo 24:1

Abrahama te habwa kashinakaji. Mu mwono wenyi weswe Mwene Zambi yamuwahisa.

Ubutukilo 24:35

Mwene Zambi hanawahisa mwata wami kuhiana, hanamupwisa pichi munene. Hanamwehe yimuna yeka ni yeka; pembe, ni mapanga, ni ngombe, ni tumelu, ni yimbulu. Hanamwehe nawa mbongo ja prata ni oru. Mwata wami Abrahama kakwete nawa ndungo a mapwo ni a malunga.

Ubutukilo 25:11

Muze Abrahama hafwa, Zambi yawahisa Isake. Isake te katwama hehi ni Shima lia Zambi wa Mwono Yoze Wakungumona.

Ubutukilo 26:29

Tunazange ulishinge ngwe, kuuchi kutulinga chibi, ngwe chize yetu kutwakulingile ko chibi. Twakulingile kanawa, yitwamba ngwetu, yako ni sambukila. Haliabwila chinamoneka zwalala Mwene Zambi hanakuwahisa.”

Ubutukilo 26:3

Twama hano, mungubwa hamwe ni yena, mungukuwahisa. Mungukwaha chifuchi chino cheswe, yena ni vungu lie. Mungukakolesa Shingo lize nalishingile ni tatenu Abrahama.

Ubutukilo 30:30

Mwene Zambi hakuwahisa mumu hali yami. Muze te kanda nguchiza, yuma yikepe wabwile nayo, haliabwila hiyoka. Mba mwaka uka mungukalinga milimo ha kukwasa akwa jiko liami?”

Jobe 42:12

Mwene Zambi yawahisa Jobe ha matangwa jenyi akusula kuhiana waze atangu. Jobe yabwa ni mapanga 14,000, ni tumelu 6,000, ni ngombe 2,000, ni yimbulu 1,000.

Miaso (Masamu) 67:6

Mavu heemisa mihuko, Zambi, Zambi yetu, hatukwasa.

Miaso (Masamu) 72:16

Mbuto yinji yibwe ha milundu ni mu chifuchi cheswe ngwe ha milundu ya Libano. Membo azale ni atu, ngwe yambu ya mu chana.

Yishima 10:22

Kuwahisa cha Zambi chakubichisa; kechi kuweza ho Vunda.

Longeshi 11:6

Kuwa mbuto ye ha chichamene ni ha chingoloshi nawa. Mumu kuwanyingikine nyi yeswe yaali muyitatuka, hanji yimwe muyitatuka kuhiana yikwo.

Zakaria 8:12

Kumaakakuwa mbuto jo mu uhwimino. Mivinyu yo muyikema mihuko, mavu maakasokesa mbuto, mukukabwa vula munji. Atu ja vungu liami waze maasala ho mungukaawahisa ni yuma yino yeswe.

Mateu 13:23

Atu akwo akutambula mbuto ha mavu abema. Kaakwivwa longeso, kaakulinyingika pundu, kaakwima mihuko, amwe kulakaji, akwo makumi asambano, akwo makumi atatu.”

Mateu 13:8

Alioze mbuto yikwo yiiholokela ha mavu abema, yiiyima mihuko; yimwe kulakaji, yikwo makumi asambano, yikwo makumi atatu.”

Marku 4:8

Alioze mbuto yikwo yiiholokela ha mavu abema, yiisoka, yiitatuka, yiiyima mihuko: yimwe makumi atatu, yikwo makumi asambano, yikwo kulakaji.”

1 Korintu 3:6

Yami natumbile mbuto, Apolo mwe wayihinjilile meya, alioze Zambi wayitatwishile.