Ubutukilo 25:27 - Mukanda Wa Zambi 1970

²⁷ Ana ja Isake yaakola. Esau yabwa yanga munene te kakwenda mu yambu. Alioze Yakoba te chihumikiji, mukwa kunamina ha chihunda.

MUKANDA USANDU WA ZAMBI 1975

²⁷ Muze ana-malunga hatatuka Esau iye chinyanga, mukwa kwenda mu yambu, Yakomba iye chihomboloji, yatwama ku mbalaka.

Ubutukilo 25:27 Iomraidhean Croise

Ubutukilo 10:9

Mwene Zambi yamukwasa nawa kubwa yanga munene wa kushiha yifwo. Kashika atu akwamba ngwo: “Zambi akupwise yanga munene ngwe Nimrode ha kushiha yifwo.”

Ubutukilo 21:20

Mwana yatatuka, yatwama mu puya ya Parane. Iye te yanga ni uta wenyi wa manana. Zambi yabwa hamwe nenyi.

Ubutukilo 27:40

Muukabwa ni mwono ku tachi ja mukwale we. Muukalingila mwanakwenu. Alioze muze muukasa tachi, muukatusuka ku chiyulo chenyi.”

Ubutukilo 46:34

Chanutamba kwamba ngwenu: ‘Mwanangana, chize ku ukweze wetu milimo yetu kufunga yimuna, ngwe chize te akulinga akaka.’ Nyi nwamba Chenacho mba munubwa nikutwama mu Goshene.” Chino Josefe yachamba mumu akwa Egiptu te keeshi kuzanga tufunga twa yimuna.

Ubutukilo 6:9

Jino je sango ja Noa. Noa yasema ana atatu a malunga: Sheme, ni Hame, ni Jafete. Noa te keshi kapalia, yalivwa ni Zambi. Shina iye wabwile mukwa ululi ha miaka yenyi, atu akwo eswe abwile abi ku meso ja Zambi. Vunda ni kwonona yiimwangana mwamwaa hashi heswe.

Jobe 1:1

Yikubwa umwe lunga wa ku chifuchi cha Uze, jina lienyi Jobe. Te mutu mubema, mukwa ululi, yoze walemesene Zambi, walifungile ku yibi.

Jobe 1:8

Mwene Zambi ngwenyi: “Kuchi, hiunashishika kavumbi kami Jobe, nyi? Hashi kuheshi mukwo yoze alifwa nenyi. Kali mutu mubema, mukwa ululi, yoze wakungulemesa, kakulifunga ku yibi.”

Jobe 2:3

Mwene Zambi yamuhula ngwenyi: “Kuchi, hiunashishika kavumbi kami Jobe, nyi? Hashi kuheshi niumwe yoze alifwa nenyi. Kali mutu mubema, mukwa ululi yoze wakungulemesa ni kulifunga ku yibi. Unakangwitaye ngumumwese lamba hamokomoko, hindu Jobe kali mukwa kushishika ngwe hatangu.”

Miaso (Masamu) 37:37

Tala kanawa mutu mubema, nyonga hali mukwa ululi; mukwa uhwimino kali ni vungu lienyi,

Jeremia 35:7

Yatwamba nawa ngwenyi: ‘Kanda nutunga mazuwo hanji kulima minda ya mbuto, chibwe kulima minda ya vinyu hanji kulanda.’ Yatwaha Shimbi ngwenyi, tukabwe mu mazuwo a makubu ngwe ngeji, hanga tukatwame mu chifuchi chino miaka yinji.

Hebreu 11:9

Ku ufulielo yatwama ngwe njize mu chifuchi chize amulakenyene Zambi. Te kaakubomba mu zuwo liakutunga ni makubu; ni tata Isake ni tata Yakoba nawa chizechene. Zambi yaalakenya chilakenyo chimuwika.