Ubutukilo 25:26 - Mukanda Wa Zambi 1970

²⁶ Mwana wa muchaali, ha kusemuka chenyi, te kanakwata ku kashijino ka yayo Esau. Yaamuluka ngwo, Yakoba. Muze asemukine ana waze Isake te habwa ni miaka makumi asambano.

MUKANDA USANDU WA ZAMBI 1975

²⁶ Kulutwe yasemuka mwanakwo, kwoko lienyi te linakwata ku kashijino ka Esau. Yamuluka jina lienyi, Ya-komba. Izake te hapwa ni makumi asambano a miaka muze mukwo-pwo yamusemeno.

Ubutukilo 25:26 Iomraidhean Croise

Ubutukilo 21:5

Abrahama te habwa ni miaka 100 muze asemene Isake.

Ubutukilo 25:20

Isake te habwa ni miaka makumi awana muze ambachile Rebeka, ndumbu ya Labane, mwana wa Betuele. Mwe Betuele wa ku chikota cha Arameane mu chifuchi cha Mesopotamia.

Ubutukilo 27:36

Esau ngwenyi: “Chino chisuho cha muchaali Yakoba hangwonga! Kuma jina lia Yakoba kuliamuta. Hatangu yangutambula uswana wami, ni haliabwila nawa hangutambula kuwahisa chize tata azanganga kunguwahisa nacho. Tata, kuwahisa cheswe kuchahwa lume? Nichimwe kuchasalile ko, nyi?”

Ubutukilo 35:28

Isake yatwama ni mwono miaka kulakaji ni makumi nake,

1 Sango Ja Mianangana 1:34

Isake mwana wa Abrahama yasema ana aali a malunga: Esau ni Yakoba,

Hosea 12:3

Kashakulu ko Yakoba yaasemuka pasa ni yayo Esau. Muze ayo eswe te achili mu jimo lia naye yaalitachika. Muze Yakoba hatatuka yalitachika nawa ni Zambi,

Hosea 12:4

yalitachika ni kanganda ka mwilu, yakumba. Yalila, yahula Zambi amuwahise. Zambi yeza nawa kuli kashakulu ketu Yakoba ku limbo lia Betele ni kuhanjika nenyi.

Malaki 1:2

Mwene Zambi kanambila atu jenyi ngwenyi: “Nakunuzanga matangwa eswe.” Alioze ayo kaanahula ngwo: “Ngwe kuchi wakutulweza zango lie?” Mwene Zambi ngwenyi: “Esau ni Yakoba te asongo ni mutu, alioze nakuzanga Yakoba ni vungu lienyi,

Kwalula 20:14

Ku Kadeshe Mose yatuma tunganda kuli mwanangana wa Edome. No yaamba ngwo: “Yetu, usoko wenu Aisraele, tunambe ngwetu, Unanyingika lamba lize hitunamono,

Yilinga 7:8

Hohene Zambi yakolesa Usendo ni Abrahama, chinyingi chawo Ungalami. Chenacho muze Abrahama hasema Isake, yamupwisa ngalami ha tangwa lia muchinake, ni Isake yapwisa Yakoba ngalami, ni Yakoba yapwisa tushakulu kumi ni aali ngalami.

Shimbi 23:8

Chize ku Chisemuko cha muchitatu cha vungu lio, mahasa kunjila mu Chikungulwila cha Mwene Zambi.”

Yoshua 24:4

ni kuli Isake yingumwaha Yakoba ni Esau. Esau yingumwaha chifuchi cha milundu cha Edome kubwa chihinga chenyi. Alioze kashakulu kenu Yakoba ni ana jenyi yaapalumuka mu chifuchi cha Egiptu.