Ubutukilo 25:21 - Mukanda Wa Zambi 1970

²¹ Rebeka, pwo lia Isake te mumba. Kashika Isake yaliumba kuli Mwene Zambi mumu hali iye. Neye yamwivwa, mba Rebeka yaka ufumba.

MUKANDA USANDU WA ZAMBI 1975

²¹ Izake walembelele mukwo-pwo kuli Yehova mumu iye mumba. Yehova wamuvwile, mba Rebeka yaka ufumba.

Ubutukilo 25:21 Iomraidhean Croise

Ubutukilo 11:30

Sarai kabwile ko ni ana, mumu te mumba.

Ubutukilo 16:2

Mba Sarai yambila Abrama ngwenyi: “Unamono, Mwene Zambi kanguhele mwana niumwe. Yako ulimone kama ni ndungo yami yono, hanji matusemena kama mwana.” Abrama yachitayiza.

Ubutukilo 30:22

Mba Zambi yanyongena Rashele, yevwa kuliumba chenyi, yamwaha kusema ana.

1 Sango Ja Mianangana 5:20

Yaashachila hali Mwene Zambi, yaamulemba ha kwakwasa, ni Zambi yakumbulula ku yilemba yo, yaakwasa kukumba Ahagri ni eswe waze abwile hamwe no.

2 Sango Ja Mianangana 33:13

Zambi yatayiza kulemba chenyi, yamuhilwisa ku Yerusaleme, yayula nawa. Chino yichikununa Manase ni kunyingika ngwenyi, kuma Mwene Zambi kali Zambi.

Ezra 8:23

Kashika twalitwaminyine kulia, yitulemba, hanga Zambi atufunge. Neye yevwa kulemba chetu.

Miaso (Masamu) 127:3

Ana kaali chawana cha kuli Zambi, kaali yiwape yize akwaha atu jenyi.

Miaso (Masamu) 145:19

Eswe waze akumulemesa, kaakwaha yuma yize akuhona, kakubanjika kuteta cho; kakwalamwina.

Miaso (Masamu) 50:15

Ngutambikenu ha tangwa lia lamba; mungunupulula, mba mununguchichimieka.”

Miaso (Masamu) 65:2

mumu wakukumbulula ku kulemba cha atu. Kuma kweswe atu kumeeza kuli yena

Miaso (Masamu) 91:15

Muze maangutambika mungwataa; muze maamona lamba, mungubwa hamwe no. Mungwachiza mu lamba lio, mungwalemesa.

Yishima 10:24

Akwa ululi kaakutambula chize akuzanga, alioze yingulungulu kaakumona chize akuvwila woma.

Izaya 45:11

Mwene Zambi Munangi wa Israele, Yoze wakululika yuma yize muyikeza kulutwe kanambe ngwenyi: “Yenu kunwatelele kunguhula mumu nuli ana jami, hanji kungulweza chize Changutamba kulinga!

Izaya 58:9

Muze munulemba, mungunukumbulula. Muze munungutambika, mungutaya. “Nyi nwecha kubinjisa, ni kusaula, ni maliji eswe a ungulungulu;

Izaya 65:24

Mungukakumbulula ku kulemba cho shimbu maachilemba.

Luka 1:13

Alioze kangunga ka mwilu yamwamba ngwenyi: “Kanda wivwa woma, Zakaria! Zambi hevwa kuliumba che. Pwo lie, Isabele (Elisabete), kumakasema mwana wa lunga, ukamuluke jina ngwe, Yoano.

Luka 1:7

Alioze kaabwile ko ni mwana, mumu Isabele (Elisabete) te mumba. No eswe aali yaabwa tushinakaji.

1 Samuel 1:11

Hana yalakenya ngwenyi: “Mwene Zambi, Mukwa Ndundo Jeswe, tala kama luyinda wa yami kavumbi ke, ngwiwuluke, kanda unguvulama yami kavumbi ke. Nyi wangwaha kama mwana wa lunga, mungumukunjika mu moko je ha matangwa eswe a mwono wenyi, kechi katewula kambu jenyi nilimwe tangwa.”

1 Samuel 1:17

Mba hako Eli yamukumbulula ngwenyi: “Yako ni uhwimino. Zambi ya Aisraele akwehe chize hiwamwita.”

1 Samuel 1:2

Te kali ni mapwo aali, mwata mwali Hana, temena Penina. Penina yasema ana, alioze Hana ka.

1 Samuel 1:27

Yono mwe mwana nechile, Mwene Zambi mba hangwaha yo.