Ubutukilo 25:20 - Mukanda Wa Zambi 1970

²⁰ Isake te habwa ni miaka makumi awana muze ambachile Rebeka, ndumbu ya Labane, mwana wa Betuele. Mwe Betuele wa ku chikota cha Arameane mu chifuchi cha Mesopotamia.

MUKANDA USANDU WA ZAMBI 1975

²⁰ Izake yapwa ni makumi awana a miaka muze ambachile Rebeka mwana Mbetule Ka-Seria wa ku Panda-narame, ndumbwa Lapane Ka-Seria.

Ubutukilo 25:20 Iomraidhean Croise

Ubutukilo 22:23

tato ya Rebeka. Milka yasema ana a malunga wano nake ni lunga lienyi Nahore, yayo ya Abrahama.

Ubutukilo 24:15

Muze te kanda achimanununa kulemba, Rebeka yaheta ni mulondo wa meya ha yipaya. Tato Betuele. Betuele yono te mwana wa Milka, pwo lia Nahore, yayo ya Abrahama.

Ubutukilo 24:29

Labane, ndumbwa Rebeka, yamona kazeya ni mikosa yize te anazala Rebeka. Yatuhuka nikawashi, yazomboka ku shima lia meya kuze te anamana mwe kavumbi ni tumelu twenyi.

Ubutukilo 24:67

Isake yatwala Rebeka mu zuwo lia makubu lize ahichikile naye, yamumbata. Isake te kakuzanga Rebeka kuhiana, kashika chinyengo cha kufwa cha naye yichimuhwa.

Ubutukilo 25:26

Mwana wa muchaali, ha kusemuka chenyi, te kanakwata ku kashijino ka yayo Esau. Yaamuluka ngwo, Yakoba. Muze asemukine ana waze Isake te habwa ni miaka makumi asambano.

Ubutukilo 27:43

Haliabwila ngwivwe. Linga chize ngunakulweze. Chinyina maha ndumbwami Labane, ku limbo lia Harane.

Ubutukilo 28:2

Lilulike uye ku chifuchi cha Mesopotamia, ku limbo lia kakenu Betuele, kwenako muukambachila pwo, umwe pwo wa kuli nokotu Labane.

Ubutukilo 28:7

Esau yevwa nawa ngwo, Yakoba hononokena naye ni tato, haya ku Mesopotamia.

Ubutukilo 31:24

Ha ufuku uze Labane yalota chilota. Zambi yamwamba ngwenyi: “Kanyama! Kanda umwesa Yakoba lamba.”

Ubutukilo 33:18

Chenacho Yakoba ahetele kanawa ku limbo lia Shekeme mu chifuchi cha Kanana muze akatukile mu chifuchi cha Mesopotamia. Yajika musumba wenyi mu munda hehi ni limbo.

Ubutukilo 35:26

Ana ja Zilpa, ndungo ya Leya wano: Gade, ni Ashere. Wano eswe e ana ja Yakoba waze te asemene mu chifuchi cha Mesopotamia.

Ubutukilo 35:9

Yakoba, ha kuheta chenyi ku Kanana, Zambi yamusolokela nawa, yamuwahisa ngwenyi:

Ubutukilo 46:15

Wano e ana a malunga Leya asemene mu chifuchi cha Mesopotamia, yasema nawa mwana wa pwo Dina. Vungu lia Leya kwoka cho te makumi atatu ni atatu.

Luka 4:27

Mu Israele yimubwa nawa akwa mbumba anji ha mwaka wa mukwa munanyi wa Zambi, Elisha. Alioze niumwe wa kuli ayo wabemene shina Namane, Kasiria.”

Shimbi 26:5

Mba kwe ku meso ja Mwene Zambi muhanjika maliji wano ngwe: ‘Kashakulu kami kabwile Kaaramea, mukwa kwendangana ni chilambala, yatwala akwa jiko lienyi ha kutwama mu chifuchi cha Egiptu. Muze ayile ko te achili mbunga yikepe, alioze yiwookesa kuhiana ni yiwaapwisa vungu lia tachi.