Ubutukilo 24:7 - Mukanda Wa Zambi 1970

⁷ Mwene Zambi, Zambi ya mwilu, hananguchiza mu chifuchi cha tata ni cha usoko wami, yanguneha kuno. Yalishinga ngwenyi, makahana chifuchi chino kuli vungu liami. Mwenawo makatuma kanganda kenyi ka mwilu ha kufupila mwanami pwo.

MUKANDA USANDU WA ZAMBI 1975

⁷ Yehova, Zambi ya mwilu, yoze wanguchijile ku zuwo lia tata ku chifuchi kuze nasemukinyine, yoze wahanjikile ni yami, washingile kuli yami ngwenyi, Ku munyachi we mungukahana chifuchi chino, iye kumakatuma mungelo wenyi kulutwe lie mba kwenako mukasakila pwo mwanami.

Ubutukilo 24:7 Iomraidhean Croise

Ubutukilo 13:15

Chifuchi cheswe chize unamono mungukwaha cho, yena ni vungu lie, ndoo ku miaka yeswe.

Ubutukilo 15:18

Ha shimbu lizeliene Zambi yakolesa Usendo ni Abrama ngwenyi: “Ngunalakenya kuhana chifuchi chino cheswe ku vungu lie, chize ku lwiji ku njiza ya chifuchi cha Egiptu ndoo ku lwiji Ufrateze,

Ubutukilo 16:7

Kanganda ka Mwene Zambi yatakana ni Hagare mu puya hehi ni shima lia meya lize lili mu jila ya kuya ku Shure.

Ubutukilo 17:8

Yena uli njize mu chifuchi chino musono, mungukwaha cho yena ni vungu lie. Chifuchi chino cheswe cha Kanana muchikabwa niche ndoo ku miaka yeswe, mungukabwa Zambi yo.”

Ubutukilo 21:17

Zambi yevwa chize te mwana analili, Hagare yevwa liji lia kanganda ka mwilu ngwenyi: “Hagare, kuchi? Kanda wivwa woma, Zambi hevwa kulila cha mwane.

Ubutukilo 22:11

Alioze kanganda ka Mwene Zambi yatambika ngwenyi: “Abrahama, Abrahama!” Iye ngwenyi: “Ewa mwane.”

Ubutukilo 24:3

Ngunazange ulishinge ku meso ja Mwene Zambi ya lilu ni hashi ngwe, kuuchi kambachila mwanami pwo wa kuli Akanana wano natwama no.

Ubutukilo 24:40

Iye ngwenyi: ‘Mwene Zambi yoze nakwononokena ndoo ni musono uno, makakutumina kanganda kenyi ha kukukwasa. Ha chino ukafupile mwanami pwo mu chifuchi cha tata.

Ubutukilo 26:24

Ha ufuku uzewene Mwene Zambi yamusolokela, yamwamba ngwenyi, “Kanda wivwa woma. Nguli Zambi ya tatenu Abrahama, nguli hamwe ni yena. Mungukakuwahisa, mungukokesa vungu lie mumu hali kavumbi kami Abrahama.”

Ezra 1:2

“Yami Siruse, mwanangana wa Persia. Ngunahane Shimbi yino ngwami, Mwene Zambi, Zambi ya Mwilu, hanangupwisa mukwa kuyula chifuchi cheswe cha hashi, hanangwehe milimo ya kumutungila zuwo mu Yerusaleme mu chifuchi cha Yuda.

Miaso (Masamu) 103:20

Chichimiekenu Zambi, yenu tunganda twa mwilu a tachi ni ndundo, waze nwakononokena Shimbi jenyi, ni kubanjika yize akwamba.

Miaso (Masamu) 136:26

Sakwililenu Mwene Zambi wa mwilu, zango lienyi kulishi kuhwa nichimwe.

Miaso (Masamu) 32:8

Mwene Zambi kanambe ngwenyi: “Mungukulongesa jila yize Chakutamba kuya; mungukusongwela ni kukutala ni liso liami.

Miaso (Masamu) 34:7

Kanganda ka mwilu kakufunga waze akulemesa Mwene Zambi, kaakwapulula ku utoji.

Miaso (Masamu) 73:24

Wakungusongwela ni longeso lie, mba kulutwe muukangutambula ni vumbi.

Kutuhuka 13:5

Mwene Zambi hanalakenya kanawa tushakulu twenu ngwenyi, maakanwaha chifuchi cha Akanana, ni Ahite, ni Aamore, ni Ahive, ni Ajebuse. Che chifuchi cha chinuno. Muze hanuhetesa ko, chanutamba kulinga chiwanyino chino, mwaka ni mwaka, ha kakweji mutangu.

Kutuhuka 32:13

Iwuluka kama tuvumbi twe, Abrahama, ni Isake, ni Israele, ni chize walishingile ni jina lie ngwe: ‘Mungukanupwisa vungu linene, ngwe matongonoshi a mwilu. Chifuchi chize naalakenyene, muchikabwa nichenu ndoo ku miaka yeswe.’ ”

Kutuhuka 33:2

Mungutuma kanganda ka mwilu kulutwe lie; mungukahuma Akanana, ni Aamore, ni Ahite, ni Aperize, ni Ahive, ni Ajebuse mu chifuchi chize.

Izaya 63:9

ku lamba lio Heswe. Hi kanganda ka mwilu ko, alioze iye mwene mwe waalamwinyine. Mu zango lienyi ni keke yenyi yaalamwina. Matangwa eswe te kaakwafunga,

Daniel 2:44

Ha matangwa ja mianangana waze, Zambi wa mwilu kumakasa wanangana ukwo uze kuuchi kabwa ni songo. Mutu niumwe kechi kakumba wanangana uze, alioze we wanangana uze muukakumba mawanangana eswe akwo, mba muukalinduluka ndoo ku miaka yeswe.

Yona 1:9

Yona yakumbulula ngwenyi: “Nguli Kahebreu. Nakuwayila Mwene Zambi, Zambi ya mwilu, yoze watangile hashi ni kalunga lwiji.”

Kwalula 11:12

Hi yami ko naamichine ufumba hanji kwasema, ka kwami! Mba kuchi unangwambe ha kwalela ni kwambata mu moko jami akaye ndoo ku chifuchi chize walakenyene tushakulu two?

Kwalula 14:16

‘Hiwashihila atu je mu puya mumu kuwahashile kwaahetesa mu chifuchi chize waalakenyene.’

Kwalula 14:30

Hingunanulakenya ha kutwama mo, alioze niumwe wa kuli yenu makatwama mo shina lume Kaleba ni Yoshua.

Kwalula 32:11

‘Ngunalishingi ngwami, niumwe wa kuli malunga a miaka makumi aali ndoo kuli makulwana waze akatukile mu chifuchi cha Egiptu makahinga chifuchi chize nalakenyene Abrahama, ni Isake, ni Yakoba, mumu kangukawile ko ni mbunge yeswe.’

Yilinga 7:5

Alioze kamuhele ko chihinga, chibwe haze manangika kulu lienyi. Ni mwene te kanda achibwa ni mwana, muze Zambi hamulakenya ngwenyi: ‘Mungukwaha chifuchi chino, yena ni vungu lie kulutwe.’

Shimbi 1:8

Chino cheswe chili chifuchi chize yami Mwene Zambi nalakenyene tushakulu twenu Abrahama, ni Isake, ni Yakoba, ni kuli mavungu jo. Yeenu nukachihinge.’ ”

Shimbi 34:4

Mba Mwene Zambi yambila Mose ngwenyi: “Chino che chifuchi chize nalakenyene Abrahama, ni Isake, ni Yakoba ngwami, mungukachihana ku vungu lio. Hinakulweza cho chitale, alioze chichi kukutayiza kunjila mo.”

Hebreu 1:14

E tunganda a mwilu aya? Eswe kaali mwiku uze wakulingila Zambi, uze Zambi akutuma ha kukwasa waze maazuka ulamwino.

Hebreu 11:9

Ku ufulielo yatwama ngwe njize mu chifuchi chize amulakenyene Zambi. Te kaakubomba mu zuwo liakutunga ni makubu; ni tata Isake ni tata Yakoba nawa chizechene. Zambi yaalakenya chilakenyo chimuwika.

Yoshua 1:6

Takama, hamuka, mumu yena muukatetekela atu wano mu chifuchi chino cha chihinga nalakenyene tushakulu two.

Yoshua 24:3

Yinguchiza kashakulu kenu Abrahama musali lia Ufrateze ni kumusongwela mu chifuchi cheswe cha Kanana. Yingumupwisa vungu linene. Yingumwaha Isake,

Usolwelo 11:13

Ha shimbu lizeliene yikubwa munyiko unene hashi. Chihanda chimuwika cha ku yihanda kumi ya limbo yichibuzuka. Tununu shimbiali twa atu yaafwa ni munyiko wa hashi. Akwo yeevwa woma unji, yaahalisa Zambi mwilu.

Akwa Kuyula 2:1

Kanganda ka Mwene Zambi mwilu yakatuka ku limbo lia Gilgale, yaya ku limbo lia Bokime, yambila Aisraele ngwenyi: “Yami nanutuhwishile mu chifuchi cha Egiptu, yingununeha mu chifuchi chino nalakenyene tushakulu twenu. Yingwamba ngwami: ‘Chichi kashiha Usendo wami nichimwe ni yenu.